ཁྲིམས་སྒྲིག་གསར་པའི་རྐྱེན་གྱིས་ཆོས་ཕྱོགས་ཀྱི་གནས་ཚུལ་སྤེལ་ཡུལ་སྐད་འཕྲིན་ཚོགས་ཁག་སྒོ་བརྒྱབ་པ།

རྒྱ་ནག་གཞུང་གིས་བོད་ནང་ཆོས་ལུགས་རང་དབང་གི་ཐད་དམ་དྲག་ཇེ་ཆེར་བྱེད་བཞིན་པའི་ཐོག་སྔར་ལོའི་ཕྱི་ཟླ་ ༡༢ ཚེས་ ༢༠ ཉིན་རྒྱ་ནག་སྲིད་གཞུང་གིས་དྲྭ་རྒྱ་བརྒྱུད་ཆོས་ཕྱོགས་ཀྱི་བྱེད་སྒོར་ཞིབ་དཔྱོད་བྱ་རྒྱུའི་ཁྲིམས་སྒྲིག་གསར་པ་ཞིག་གཏན་འབེབ་བྱས་རྗེས་མཚོ་སྔོན་ཁུལ་གྱི་ཆོས་ཕྱོགས་དང་འབྲེལ་བའི་སྐད་འཕྲིན་ཚོགས་པ་ཁག་ཅིག་འཕྲལ་དུ་སྒོ་བརྒྱབ་འདུགསྤྱིར་ཁྲིམས་སྒྲིག་དེ་ནི་རྒྱ་ནག་གི་ཆོས་དོན་ལས་ཁུངས་དང་དྲ་རྒྱ། བརྡ་འཕྲིན་ལས་ཁུངས། བཟོ་ལས་དང་བརྡ་འཕྲིན་གྱི་བློན་ཆེན་ལས་ཁུངས། མི་མང་བདེ་འཇགས་ཀྱི་བློན་ཆེན་ལས་ཁུངས། རྒྱལ་ཁབ་བདེ་འཇགས་ཀྱི་བློན་ཆེན་ལས་ཁུངས་བཅས་སྡེ་ཁག་ལྔས་ཆེད་བཟོ་བྱས་པ་ཞིག་ཡིན་པ་མ་ཟད་སྔར་ལོའི་ཕྱི་ཟླ་ ༡༢ ནང་རྒྱ་ནག་དམར་ཤོག་ཚོགས་པས་ཆོས་ཕྱོགས་ཀྱི་བྱེད་སྒོའི་ཐོག་བགྲོ་གླེང་བྱ་རྒྱུའི་ལྷན་ཚོགས་ཤིག་ཚོགས་སྐབས་ཞི་ཅིན་ཕིང་གིས་དྲྭ་རྒྱ་བརྒྱུད་དེ་ཆོས་ཕྱོགས་ཀྱི་ལས་རིམ་སྤེན་མཁན་དང་སྲིད་གཞུང་གི་གཏན་འབེབས་བྱས་པའི་ཆོས་ཕྱོགས་ཀྱི་སྲིད་བྱུས་ལ་ངོ་རྒོལ་བྱེད་མཁན་རྣམས་ལ་ཉེས་ཆད་གཏོང་དགོས་པ། ཆོས་ཕྱོགས་ཀྱི་ཚོགས་པ་དང་བྱེད་སྒོ་ཁག་གང་སྤེལ་ཐམས་ཅད་སྲིད་གཞུང་གི་སྣེ་ཁྲིད་འོག་ཤར་སྐྱོད་དགོས་པ་བཤད་ཡོད།རྒྱ་གཞུང་གི་ཁྲིམས་སྒྲིག་གསར་པ་དེ་དང་འབྲེལ་ཏེ་དྷ་སར་རྟེན་གཞི་བྱས་པའི་ Tibet Watch  བོད་གནས་ལྟ་ཞིབ་ཁང་གིས་ཁུངས་ལྡན་གནས་ཚུལ་མཁོ་སྤྲོད་བྱུང་བའི་ནང་དོན་འགྲེལ་བརྗོད་གནང་བར་བོད་མདོ་སྨད་ཁུལ་དུ་མི་མང་བདེ་འཇགས་ཟེར་བའི་ལས་ཁུངས་ཀྱིས་གསང་པའི་ཐོག་ནས་སྤྱི་ཚོགས་དྲྭ་ལམ་ཁག་ལ་ཞིབ་བཤེར་བྱས་ནས་སྤྱི་ཚོགས་བརྒྱུད་ལམ་ WeChat ནང་ཆོས་ཕྱོགས་དང་འབྲེལ་བའི་གནད་དོན་བརྒྱུད་སྤེལ་བྱ་རྒྱུར་བཀག་སྡོམ་བྱས་ཟིན་ཡོད་པ་མ་ཟད་ཕྱི་ལོ་ ༢༠༢༢ ཟླ་  ༡ ཚེས་ ༢༠ ཉིན་མཚོ་སྔོན་ཁུལ་དུ་སྐད་འཕྲིན་གྱི་ཚོགས་པ་བཟང་སྤྱོད་ཚོགས་པ་དང་གུ་རུ་སིདྡྷི་ཚོགས་པ། དེ་བཞིན་མ་ཎི་ཚོགས་པ་བཅས་ས་གནས་གཞུང་གིས་བཙན་དབང་ཐོག་ནས་འཕྲལ་མར་སྒོ་བརྒྱབ་བཅུག་ཡོད་སྟབས། ད་ཆ་བོད་ཁུལ་གྱི་བོད་མི་བརྒྱ་ཕྲག་དང་སྟོང་ཕྲག་མང་པོར་ཆོས་ཕྱོགས་ཀྱི་གནས་ཚུལ་རག་ཁུངས་ནི་རྒྱ་ནག་གཞུང་གི་སྟངས་འཛིན་བྱས་པའི་ཆོས་ཕྱོགས་ཀྱི་ཚོགས་པ་ཁོ་ན་ཆགས་ཀྱི་ཡོད་པར་གསུངས་པ་དང་སྦྲགས། ཆོས་དད་རང་དབང་ཞེས་པ་དེ་རྒྱ་ནག་གི་རྩ་ཁྲིམས་ནང་གསལ་ཡོད་ཀྱང་རྒྱ་ནག་གཞུང་དང་ལག་སྦྲེལ་བྱེད་མཁན་འབའ་ཞིག་མ་གཏོགས་གཞན་རྣམས་ལ་རྩ་ཁྲིམས་ཀྱི་ནང་དོན་ལྟར་དོན་དམ་གྱི་རང་དབང་མེད་པ་མ་ཟད།...