གངས་ཤུད་ལྷམ་གྱོན་ཏེ་པེ་ཅིང་དགུན་དུས་ཨོ་རྩལ་འགྲན་ཚོགས་ལ་ངོ་རྒོལ་གྱི་གོམ་བགྲོད་ལས་འགུལ།

སུད་སི་ནང་གནས་བཞུགས་བོད་མི་གཞས་པ་དང་སྒྱུ་རྩལ་བ་བློ་ལྡན་རྣམ་གླིང་ལགས་ཀྱིས་བོད་ནས་ཁྱེད་ལ་གཞས་གཅིག་ཅེས་པའི་མིང་བྱང་འོག་ཡོ་རོབ་རྒྱལ་ཁབ་ཁག་ཏུ་རང་ཉིད་ཀྱི་གླུ་གཞས་སྒྱུ་རྩལ་ལམ་ནས་བོད་དོན་ངོ་སྤྲོད་ཀྱི་སྐོར་སྐྱོད་ལས་འགུལ་ཞིག་སྤེལ་བཞིན་འདུག བློ་ལྡན་རྣམ་གླིང་ལགས་ཀྱིས་བོད་ཀྱི་རྒྱལ་དར་དང་བོད་རང་དབང་ཞེས་འབོད་ཚིག་སོགས་འཁོད་པའི་བོད་པའི་རྣམ་པ་མཚོན་པའི་རླངས་འཁོར་ཞིག་བཏང་སྟེ། ཡོ་རོབ་རྒྱལ་ཁབ་ཁག་གི་ནང་དུ་བོད་དོན་ཆེད་སྐོར་སྐྱོད་གནང་བཞིན་འདུགལས་འགུལ་དེ་ནི། ཁོང་གིས་ཐོག་མར་སྔར་ལོའི་༸སྐུའི་འཁྲུང་སྐར་ཉིན་སུད་སི་ནས་དབུ་འཛུགས་གནང་ཡོད་པ་དང། བོད་ནས་ཁྱེད་ལ་གཞས་གཅིག་འམ་ A Song from Tibet for You ཞེས་པའི་ལས་འགུལ་ཁྲོད་བོད་ཀྱི་ཐོུང་མ་ཡིན་པའི་གླུ་གཞས་སྒྱུ་རྩལ་ལམ་ནས་མང་ཚོགས་ལ་བོད་དོན་གོ་རྟོགས་སྤེལ་བའི་ལས་འགུལ་ཞིག་ཆགས་ཀྱི་ཡོད་པ་རེད། བློ་རྣམ་གླིང་ལགས་ཀྱིས་བོད་ནས་ཁྱེད་ལ་གཞས་གཅིག་ཅེས་པའི་བོད་དོན་སྐོར་སྐྱོད་ལས་འགུལ་དེ་སྦེལ་ཇམ་དང་འཇར་མི་ནི། ནི་ཐར་ལན་ཌི། ཨི་ཊ་ལི། ཕ་རན་སོགས་ཡོ་རོབ་རྒྱལ་ཁབ་མང་པོར་སྐོར་སྐྱོད་གནང་གི་ཡོད་པ་རེད། བོད་པའི་གཞས་པ་བློ་ལྡན་རྣམ་གླིང་ལགས་ནས་རྒྱུན་དུ་རང་ཉིད་གླུ་གཞས་སྒྱུ་རྩལ་ལམ་ནས་བོད་དོན་ངོ་སྤྲོད་དང་དྲིལ་བསྒྲགས་ཀྱི་ལས་འགུལ་མི་ཉུང་བ་ཞིག་སྤེལ་བཞིན་ཡོད་པ་དང། ཕྱི་ལོ་ ༢༠༡༢ ལོར་ཁོང་ནས་བོད་ནང་གི་དངོས་ཡོད་གནས་སྟངས་རྒྱལ་སྤྱིའི་མང་ཚོགས་ལ་གོ་རྟོགས་སྤེལ་བའི་བོད་རང་དབང་གི་འགྲུལ་བཞུད་ཅེས་པའི་མིང་བྱང་འོག་སུད་སི་རྒྱལ་ས་སྦན་ནས་ཇི་ནི་ལྦར་སྤུར་སྒམ་འགྲུད་དེ་གོམ་བགྲོད་ཀྱི་ལས་འགུལ་སྤེལ་ཡོད་པ་མ་ཟད། བོད་དོན་འཐབ་རྩོད་པ་ཞེས་པའི་དངོས་བྱུང་གློག་བརྙན་ཞིག་ཀྱང་འདོན་སྤེལ་གནང་ཡོད་པ་རེད།

སུད་སི་ནང་གནས་བཞུགས་བོད་མི་གཞས་པ་དང་སྒྱུ་རྩལ་བ་བློ་ལྡན་རྣམ་གླིང་ལགས་ཀྱིས་འཚོགས་ལ་ཉེ་བའི་པེ་ཅིང་དགུན་དུས་ཨོ་རྩལ་འགྲན་ཚོགས་ལ་ངོ་རྒོལ་ཆེད། དེ་རིང་སུད་སི་རྒྱལ་ས་སྦན་ནས་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་ལས་ཁུངས་ཨ་མ་གནས་ཡུལ་སུད་སུ་གྲོང་ཁྱེར་ Lausanne བར་གྱི་གཞུང་ལམ་ཐོག་ Ski Boot March འམ་གངས་ཤུད་གཏོང་ཆེད་ཀྱི་ལྷམ་གྱོན་ཏེ་ཞི་བའི་གོམ་བགྲོད་ཀྱི་ལས་འགུལ་ཞིག་དབུ་འཛུགས་གནང་སོང།བློ་ལྡན་རྣམ་གླིང་ལགས་ཀྱིས་ལས་འགུལ་དེའི་དམིགས་ཡུལ་གཙོ་བོ་ནི་ ༢༠༢༢ ལོའི་པེ་ཅིང་དགུན་དུས་ཨོ་རྩལ་མགྲན་ཚོགས་དང་སུད་སིར་རྟེན་གཞི་བྱས་པའི་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་བྱ་སྤྱོད་ལ་ངོ་རྒོལ་གྱི་རྣམ་པ་མངོན་ཆེད་དང་དེ་བཞིན་འཛམ་གླིང་ཡུལ་གྲུ་ཁག་ནས་རྒྱ་ནག་ཏུ་དགུན་དུས་ཨོ་རྩལ་མགྲན་ཚོགས་གཟིགས་པར་སྐྱོད་མཁན། ལྷག་པར་དུ་འཛམ་གླིང་ཡུལ་གྲུ་ཁག་གི་རྩེད་འགྲན་པ་ཚོས་རྒྱ་ནག་གི་མངའ་འོག་ཏུ་སྡུག་རྩུབ་མྱོང་བཞིན་པའི་བོད་གཙོས་པའི་གྲངས་ཉུང་མི་རིགས་ཀྱི་ཁག་གི་དངོས་ཡོད་གནས་སྟངས་རྣམས་ཤེས་པའི་ཐོག་འཚོགས་ལ་ཉེ་བའི་ཨོ་རྩལ་འགྲན་ཚོགས་ནས་ཕྱི་འཐེན་ཡོང་བའི་ཞུ་འབོད་ཕྱིར་ཡིན་པར་འགྲེལ་བརྗོད་གནང་ཡོད།བློ་ལྡན་རྣམ་གླིང་ལགས་ཀྱིས་སྐབས་དེར་ལུས་ལ་བོད་ཆས་སྤྲས་ནས་རྐང་པར་ལྗིགས་ཚད་ཀི་ལོ་བཅུ་ལྷག་ཡོད་པའི་གངས་ཤུད་ལྷམ་དང་འབྲེལ་ཡོད་ཡོ་ཆས་དང། འདིའི་ཐོག་བོད་རང་དབང་དང་། ༢༠༢༢ ལོའི་པེ་ཅིང་ཨོ་རྩལ་འགྲན་ཚོགས་ཕྱིར་འཐེན་དགོས་ཞེས་པའི་འབོད་ཚིག་བཀོད་པ་གྱོན་ཏེ་རྒྱང་ཐག་སྤྱི་ལི་ ༡༠༠ ལྷག་གི་གཞུང་ལམ་ཐོག་ཞི་བའི་གོམ་བགྲོད་ཀྱི་ལས་འགུལ་སྤེལ་སོང་།བློ་ལྡན་རྣམ་གླིང་ལགས་ནས་དེ་རིང་ཕྱི་ཚེས་ ༢༦ ཉིན་སྦན་ནས་ལས་འགུལ་དབུ་འཛུགས་ཀྱིས་༢༠༢༢ ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་ཉིན་གཅིག་སྔ་རོལ། ཕྱི་ཟླ་གཉིས་པའི་ཚེས་ ༣ ཉིན་སུད་གྲོང་ཁྱེར་ལའོ་ཚན་དུ་རྟེན་གཞི་བྱས་པའི་རྒྱལ་སྤྱིའི་ཨོ་རྩལ་ལྷན་ཚོགས་ཀྱི་ལས་ཁུངས་ཨ་མ་གནས་མདུན་དུ་ལས་འགུལ་མཇུག་སྒྲིལ་གནང་རྒྱུ་རེད་འདུག རྩ་བའི་བོད་པའི་གཞས་པ་བློ་ལྡན་རྣམ་གླིང་ལགས་ནས་རྒྱུན་དུ་རང་ཉིད་གླུ་གཞས་སྒྱུ་རྩལ་ལམ་ནས་བོད་དོན་ངོ་སྤྲོད་དང་དྲིལ་བསྒྲགས་ཀྱི་ལས་འགུལ་མི་ཉུང་བ་ཞིག་སྤེལ་བཞིན་ཡོད་པ་དང། ཕྱི་ལོ་ ༢༠༡༢...