ཆབ་སྲིད་བཙོན་ཟུར་ཞིག་འདས་གྲོངས་སུ་གྱུར་བ།

ཆབ་སྲིད་བཙོན་ཟུར་སྐུ་ཞབས་བསྟན་འཛིན་ལགས་ཟླ་བ་འདིའི་ཚེས་ ༦ ཉིན་བོད་ནང་དགོངས་པ་རྫོགས་པའི་ཡོད་སྐྱོའི་གནས་ཚུལ་ཐོན་འདུག གཞི་རྩའི་ཆབ་སྲིད་བཙོན་ཟུར་བསྟན་འཛིན་ལགས་ནི། ཕ་ཡུལ་ལྷ་ས་ནས་ཡིན་ཞིང་། ད་ལྟ་རང་ལོ་ ༧༩ ཡིན་པ་རེད་འདུག དེ་སྔོན་རྒྱ་གཞུང་གིས་ཁོང་ལ་བཙོན་འཇུག་ཐེངས་གཉིས་བྱས་འདུག་པ་དང། བཙོན་ཁང་ནང་དུ་སྡུག་སྦྱོང་མནར་གཅོད་ཚད་མེད་བཏང་སྟབས། ཁོང་གི་སྤྱན་ལོང་བར་གྱུར་བ་མ་ཟད། སྐུ་གཟུགས་ཀྱི་གནས་སྟངས་ཀྱང་ཆེས་ཞན་པའི་དབང་གིས་བཙོན་ཁང་ནས་སྔ་སྣུར་གྱིས་བཙོན་གྲོལ་བཏང་པ་ཞིག་ཡིན་འདུག ད་ལྟའི་ཆར་གནས་ཚུལ་དེ་ཙམ་ལས་ཁོང་འཛིན་བཟུང་བྱ་དོན་དང་བཙོན་གྲོལ་ནམ་བཏང་མིན་སོགས་ཀྱི་ཞིབ་ཁྲའི་གནས་ཚུལ་གང་ཡང་ཤེས་རྟོགས་ཐུབ་མེད།