ཆོས་ལུགས་ལས་འདས་པའི་བཟང་སྤྱོད་དང་བདེན་བཞིའི་ཐོག་རྒྱལ་སྤྱིའི་བགྲོ་གླེང་།

ཁ་སང་ཕྱི་ཟླ་ ༨ ཚེས་ ༤ སྟེ་བདག་ཅག་གི་སྟོན་པ་རྣམ་འདྲེན་བཞི་པ་ཤཱཀྱ་ཐུབ་པ་མཆོག་གིས་རྒྱ་གར་གྱི་གནས་མཆོག་ཝཱ་རཱ་ཎ་སཱིར་བཀའ་དང་པོ་བདེན་བཞིའི་ཆོས་ཀྱི་འཁོར་ལོ་བསྐོར་གནང་མཛད་པའི་དུས་ཆེན་ཁྱད་འཕགས་ཅན་དང་བསྟུན། ཡུ་རོབ་བྱང་ཕྱོགས་ Finland ནང་རྟེན་གཞི་བྱས་པའི་སྔ་འགྱུར་རྙིང་མའི་དྷ་ན་ཀོ་ཤའི་ཆོས་ཚོགས་ཀྱི་གོ་སྒྲིག་འོག བོད་བརྒྱུད་ནང་བསྟན་གཙོ་ གྱུར་ཆོས་ལུགས་རིས་མེད་ཀྱི་བླ་མ་དང་སྐུ་ཚབ་བཅས་ལྷན་འཛོམས་ཐོག་ཟླ་བ་འདིའི་ཕྱི་ཚེས་ ༣ དང་ ༤ བར་བཅས་ཉིན་གྲངས་གཉིས་ཀྱི་རིང་ཕིར་ལན་ཌིའི་ Jokioinen གྲོང་ཁྱེར་དུ་ཆོས་ལུགས་ལས་འདས་པའི་བཟང་སྤྱོད་དང་འཕགས་པའི་བདེན་བཞིའི་ཐོག་རྒྱལ་སྤྱིའི་བགྲོ་གླེང་ཞིག་ཚོགས་འདུག དྷ་ན་ཀོ་ཤའི་ཆོས་ཚོགས་ཀྱི་ཚོགས་གཙོ་གྲགས་པ་རིན་པོ་ཆེ་མཆོག་གིས་དབུས་པའི་གསུང་བཤད་གནང་མཁན་གཙོ་བོ་འབྲུག་ནང་པའི་སྐུ་ཚབ་འབྲུག་གི་ཡུ་རོབ་གཞུང་ཚབ་པ་ཆེན་མོ་ལྕམ་ Pema Choden ལགས་དང་ས་གནས་ཡི་ཤུའི་ཆོས་དཔོན་ Matti Repo ལགས་རྣམ་གཉིས་གཙོས་བོད་བརྒྱུད་ནང་བསྟན་གྱི་བླ་མ་དང་ས་གནས་དེར་རྟེན་གཞི་བྱས་པའི་ཐེ་ལན་ཌི་དང་ཝེ་ཏི་ནམ་ནང་པའི་མཁན་པོ། ཀོ་རི་ཡ་དང་ཉི་ཧོང་གི་ནང་པའི་ཆོས་དགེ དེ་བཞིན་ཚན་རིག་པ་དང་མཁས་དབང་བཅས་ཁྱོན་མི་གྲངས་བརྒྱ་ལྷག་ཚོགས་བཅར་གནང་འདུག རྒྱལ་སྤྱིའི་བགྲོ་གླེང་ལྷན་ཚོགས་དང་འབྲེལ་བའི་ཐོག་དྷ་ན་ཀོ་ཤའི་ཆོས་ཚོགས་ཀྱི་ཚོགས་གཙོ་གྲགས་པ་རིན་པོ་ཆེ་མཆོག་ལ་བཀའ་འདྲི་ཞུས་པར་ཕིན་ལན་ཌི་ནང་བོད་རྒྱུད་ནང་བསྟན་གྱི་ཆོས་ཚོགས་མང་པོ་མེད་ཀྱང་།...