ཉེན་རྟོག་པ

ཌེན་མགྷ་གཞུང་ནས་ཕྱི་ལོ་ ༢༠༡༢ ལོར་རྒྱ་ནག་གི་སྲིད་འཛིན་ཧུ་ཅིན་ཐའོ་ཡུལ་དེའི་ནང་བསྐྱོད་སྐབས་ས་གནས་ཉེན་རྟོག་པས་བོད་དོན་ལས་འགུལ་བར་དམ་དྲག་བྱེད་ཕྱོགས་དང་འབྲེལ་བའི་གྱོད་གཞི་ཐོག་ཞིབ་འཇུག་གཏིང་ཟབ་ཏུ་བཏང་ནས་ད་ཆ་ཕྱི་ལོ་ ༢༠༡༢ ལོའི་གནད་དོན་དེ་གཅིག་པོ་མིན་པར་འདས་པའི་ལོ་ ༢༣ ནང་རྒྱ་ནག་གི་དཔོན་རིགས་ཚོ་ཡུལ་དེའི་ནང་ཕེབས་སྐབས་དང་འབྲེལ་ཡོད་གནད་དོན་ཡོངས་རྫོགས་ལ་ཞིབ་འཇུག་གནང་རྒྱུ་ཡིན་པ་གསུངས་འདུག དེ་སྔ་ཕྱི་ལོ་ ༢༠༡༢ ལོར་རྒྱ་ནག་གི་སྲིད་འཛིན་ Hu jintao ཡོ་རོབ་རྒྱལ་ཁབ་ཌེན་མག་གི་གྲོང་ཁྱེར་ Copenhagen ནང་འབྱོར་བསྟུན་ས་གནས་ཀྱི་བོད་དོན་ལས་འགུལ་བ་ཁག་ཅིག་གིས་བོད་ཀྱི་རྒྱལ་དར་འཁྱེར་ནས་རྒྱ་ནག་སྲིད་འཛིན་ལ་ངོ་རྒོལ་གནང་སྐབས་ཌེན་མག་ས་གནས་ཀྱི་ཉེན་རྟོག་པས་ལས་འགུལ་བ་དེ་དག་གི་ལག་ནས་བོད་ཀྱི་རྒྱལ་དར་བཙན་འཕྲོག་བྱས་ཡོད་སྟབས། སྐབས་དེར་བོད་དོན་ལས་འགུལ་བ་མི་སྣ་བརྒྱད་ནས་ས་གནས་ཀྱི་ཁྲིམས་ཁང་དུ་རྒྱལ་དར་བཙན་འཕྲོག་གནང་མཁན་ཉེན་རྟོག་པ་དེ་དག་ཁྲིམས་གཏུགས་བྱས་པར་བརྟེན་ས་གནས་ཁྲིམས་ཁང་ནས་དེ་སྔོན་ Denmark ས་གནས་ཉེན་རྟོག་པས་བོད་དོན་ལས་འགུལ་བའི་ཐོག་སྤེལ་བའི་བྱ་སྤྱོད་དེ་དག་ཁྲིམས་འགལ་ཡིན་པའི་བཅད་ཁྲ་བཏང་བ་དང་འབྲེལ། ཉེན་རྟོག་པ་གཉིས་ས་གནས་གཞན་དུ་གནས་སྤོ་བཏང་བ་དང་བོད་དོན་ལས་འགུལ་བ་མི་སྣ་བརྒྱད་པོ་དེ་དག་ལ་ས་གནས་ཀྱི་ཉེན་རྟོག་ལས་ཁང་ནས་ཌེན་མག་གི་སྒོར་མོ་ཁྲི་ ༢ རེ་གུན་གསབ་སྤྲོད་དགོས་པའི་བཀོད་ཁྱབ་བཏང་ཡོད་པ་རེད། ཌེན་མག་གི་ཁྲིམས་ཞིབ་བློན་ཆེན་སྐུ་ཞབས་ Soeren Pape Poulson ལགས་ཀྱིས་ཁ་སང་གསར་འགོད་གསལ་བསྒྲགས་ཤིག་སྤེལ་བའི་ནང་གྱོད་གཞི་དེར་ཞིབ་འཇུག་གནང་བའི་བརྒྱུད་རིམ་ཁྲོད།...