ཐེམ་སྤང་དུས་བཀག་སྐབས་སུ་ RC དུས་འགྱངས་ཞུ་ཕྱོགས་དང་འབྲེལ་བའི་ལམ་སྟོན།

རྒྱ་ནག་གྲོང་ཁྱེར་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ཁྱབ་བརྡལ་རྐྱེན་པས་ད་ཆ་རྒྱ་གར་རྒྱལ་ཡོངས་ཟླ་བ་གཅིག་ལྷག་ཐེམ་སྤང་གི་བཀག་རྒྱའི་འོག་གནས་ཡོད་པར་བརྟེན་གཞུང་དང་གཞུང་འབྲེལ་མིན་པའི་ལས་ཁུངས་ཡོངས་སུ་སྒོ་བརྒྱབ་ནས་མི་མང་གི་འགྲོ་འདུག་ལ་ཚད་བཀག་གནང་བའི་དུས་སྐབས་འདིར་བོད་མི་ཁག་ཅིག་ལ་རྒྱ་གར་དུ་གནས་སྡོད་ཆོག་པའི་ལག་འཁྱེར་ RC དུས་འགྱངས་ཞུ་མ་ཐུབ་པའི་དཀའ་ངལ་འཕྲད་བཞིན་པའི་གནས་ཚུལ་ཐོས་རྒྱུ་འདུགརླུང་འཕྲིན་ཁང་གིས་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་འབྲེལ་ཡོད་ལས་བྱེད་སྐལ་བཟང་ལགས་སུ་ RC དུས་འགྱངས་ཞུ་ཕྱོགས་དང་འབྲེལ་བའི་བཀའ་འདྲི་ཁག་ཅིག་ཞུས་པར་ཁོང་གིས་རྩ་བའི་ཐེམ་སྤང་གི་བཀག་རྒྱའི་སྐབས་འདིར་ལྡི་ལི་དོན་གཅོད་ཁང་བརྒྱུད་ནས་རྒྱ་གར་དབུས་གཞུང་ལ་བོད་མི་རྣམས་ལ་ RC དུས་འགྱངས་ཀྱི་དཀའ་ངལ་འཕྲད་བཞིན་ཡོད་སྟབས་གནད་དོན་དེར་དགོངས་བཞེས་གནང་སྐྱོང་ཡོང་བའི་ཞུ་སྙན་ཞིག་ཕུལ་ཟིན་ཡོད་པར་ངོ་སྤྲོད་དང་སྦྲགས། བོད་མི་སུ་ཞིག་ནས་རྒྱ་གར་གྱི་ RC དུས་འགྱངས་ཞུ་དགོས་ཡོད་ཚེ་ངེས་པར་དུ་དྲྭ་ཐོག་ནས་འགེངས་ཤོག་སྐོང་རྒྱུ་གལ་ཆེན་པོ་ཡིན་པ་དང་། དེ་བཞིན་འགེངས་ཤོག་སྐོང་རྒྱུར་དཀའ་ངལ་འཕྲད་ཚེ་འབྲེལ་ཡོད་བདེ་སྲུང་ལས་ཁུངས་དང་ས་གནས་གཞིགས་འགོར་འབྲེལ་བ་ཞུ་ན་ལམ་སྟོན་དང་མཐུན་འགྱུར་གནང་ངེས་ཡིན་པར་གསུངས་ཡོད།