དངོས་ཁམས་རིག་པའི་ནོ་སྦེལ་གཟེངས་རྟགས་ཐོབ་མཁན་རྣམས་ལ་འཚམས་འདྲི་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་མཆོག་གི་མཛའ་གྲོགས་སྐུ་ཞབས་ Anton Zeilinger ལགས་ཀྱིས་དབུས་པའི་ཁོང་གི་ཕྱག་རོགས་ཚན་རིག་པ་གཉིས་བཅས་ལ་འདི་ལོའི་དངོས་ཁམས་རིག་པའི་ནོ་སྦེལ་གཟེངས་རྟགས་ཐོབ་པར་དགའ་བསུའི་འཚམས་འདྲི་མཛད་འདུགཁ་སང་སུད་ཌེན་ནང་རྟེན་གཞི་བྱས་པའི་ནོ་སྦེལ་ལྷན་ཚོགས་ཀྱིས་ཕྱི་ལོ་ ༢༠༢༢ ལོའི་དངོས་ཁམས་རིག་པའི་ནོ་སྦེལ་གཟེངས་རྟགས་དེ་ཨོས་ཏྲི་ཡ་ཡི་ཚན་རིག་པ་སྐུ་ཞབས་ Anton Zeilinger ལགས་དང་། ཕ་རན་སིའི་ཚན་རིག་པ་སྐུ་ཞབས་ Alain Aspect ལགས། དེ་བཞིན་ཨ་རིའི་ཚན་རིག་པ་སྐུ་ཞབས་ John F Clauser ལགས་རྣམ་པ་གསུམ་ལ་གནང་རྒྱུའི་གསལ་བསྒྲགས་གནང་དོན་ལྟར། དེ་རིང་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་དྷརྨ་སཱ་ལཱའི་༸རྒྱལ་བའི་ཕོ་བྲང་ནས་ཚན་རིག་པ་གསུམ་ལ་དགའ་བསུའི་འཚམས་འདྲི་སྩལ་བ་དང་འབྲེལ། ཚན་རིག་པ་དེ་དག་གིས་འཕྲུལ་རིག་གི་དུས་རབས་གསར་པའི་ནང་རྨང་གཞིའི་བརྟག་དཔྱད་མ་ལག་ཡར་རྒྱས་ཐད་ཁྱད་པར་ཅན་གྱི་ཞིབ་འཇུག་གསར་གཏོད་མཛད་པར་མངོན་བསྟོད་མཛད་འདུག༸གོང་ས་མཆོག་གི་གསུང་འཕྲིན་ནང་མགོན་པོ་༸གང་ཉིད་མཆོག་གིས་འདས་པའི་ལོ་ངོ་བཅུ་ཕྲག་བཞིའི་ནང་ཚན་རིག་པ་མང་དག་ཅིག་དང་ལྷན་དུ་བཀའ་བསྡུར་གནང་བའི་ཁྲོད་ཚན་རིག་པ་ Anton Zeilinger ལགས་དང་ལྷན་དུ་ Quantum Physics...