ནང་པའི་ཆོས་ལ་རྒྱུའི་ཆ་ནས་ངལ་བ་མེད་ཀྱང་ལག་ལེན་ཐོག་ནས་ངལ་བ་ཕྲན་བུ་འཕྲད་བཞིན་འདུག་ཅེས་གསུངས་སོང།

  དེ་རིང་ཟླ་ ༨ ཚེས་ ༡ ཉིན་གྱི་སྔ་དྲོ་ཚོུད་ ༩།༣༠ སྟེང་བོད་མིའི་སྒྲིག་འཛུགས་ཆོས་རིག་ལས་ཁུངས་དང་བོད་ཀྱི་དཔེ་མཛོད་ཁང་གཉིས་ཟུང་སྦྲེལ་གྱིས་གོ་སྒྲིག་འོག་བཞུགས་སྒར་གྱི་ཉེ་འདབས་སུ་རྟེན་གཞི་བྱས་པའི་དབུས་སྣེ་ལེན་ཁང་དུ་སྐུ་མགྲོན་གཙོ་བོ་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོ་ལགས་དང་། དཔེ་མཛོད་ཁང་གི་ཚན་རིག་སྡེ་ཚན་འགན་འཛིན་ཀརྨ་ཐུབ་བསྟན་ལགས། ཆོས་རིག་ལས་ཁུངས་ཀྱི་ཟུང་དྲུང་ཐུབ་བསྟན་ཚེ་རིང་ལགས་རྣམ་པ་གསུམ་གཙོས། ཟབ་སྦྱོང་མཉམ་ཞུགས་བ་གྲྭ་བཙུན་ཞལ་གྲངས་ ༣༢ བཅས་ལྷན་འཛོམས་ཀྱིས་དེང་དུས་ཚན་རིག་ཟབ་སྦྱོང་ཐེངས་གསུམ་པ་དབུ་འཛུགས་གནང་སོང་བ་དང་། ཟབ་སྦྱོང་དེ་ཡང་གཟའ་འཁོར་གཉིས་རིང་ཚོགས་གནང་རྒྱུ་ཡིན་འདུག སྐབས་དེར་སྐུ་མགྲོན་གཙོ་བོ་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོ་ལགས་ཀྱིས་ཆེས་ཐོག་མར་༸གོང་ས་མཆོག་གིས་དགོན་སྡེ་ཁག་ཏུ་དེང་དུས་ཚན་རིག་ཐོག་བསླབ་པ་སློབ་གཉེར་གནང་གལ་ཆེ་བའི་བཀའ་སློབ་ཕེབས་དོན་ལྟར་བོད་ཀྱི་དཔེ་མཛོད་ཁང་གིས་བཙན་བྱོལ་ནང་བོད་པའི་དགོན་སྡེ་ཁག་ཏུ་མཚན་རིག་སློབ་མཚན་ངོ་སྤྲོད་གནང་པ་ནས་བཟུང་སྟེ། དེང་ཆར་དགོན་སྡེ་གྲྭ་ཚང་ཁག་ཅིག་གི་ནང་དུ་མཚན་རིག་གི་བསྟི་གནས་བཙུགས་ཐུབ་པ་བྱུང་ཡོད་སྐོར་ངོ་སྤྲོད་དང་སྦྲགས། ཁོང་གིས་༸གོང་ས་མཆོག་གིས་འཛམ་གླིང་འདིའི་ཐོག་དམག་འཁྲུག་དང་། འགྲོ་བ་ཀུན་རྒ་ཤིའི་རླབས་འཕྲུག་བཞིན་པའི་དུས་སྐབས་འདིར་ནང་ཆོས་ཀྱི་གྲུབ་དོན་རྣམས་འཛམ་གླིང་ཐོག་གསལ་བཏོན་གནང་ཐུབ་ཚེ། རང་གཞན་ཀུན་ལ་ཕན་ཐོགས་ཡོང་ངེས་ཡིན་པར་བཀའ་བསྩལ་གནང་བ་ལུང་འདྲེན་གནང་པ་མ་ཟད། ནང་པའི་ཆོས་ལ་རྒྱུའི་ཆ་ནས་དེང་དུས་ཚན་རིག་ལས་ལྷག་པའི་རྒྱུ་ཆ་ཡོད་ཀྱང་། དོན་དངོས་ལག་བསྟར་ནགང་སྐབས་ལས་དོན་ཆུང་ཙགས་རིགས་ནས་འཐུས་ཤོར་ཕྱིན་པ་སོགས་ཀྱི་ངལ་བ་ཕྲན་བུ་འཕྲད་བཞིན་འདུག་ཅེས་གསུངས་སོང་། དགེ་བཤེས་ལྷག་རྡོ་ལགས་ཀྱིས་མུ་མཐུད་གསུངས་པར་ཐེངས་འདིའི་ཟབ་སྦྱོང་ཐོག་མཉམ་ཞུགས་གནང་མཁན་གྱི་གྲྭ་བཙུན་རྣམས་ལ་ཚན་རིག་ལ་སློབ་སྦྱོང་བྱེད་པ་དེ་ཕྱི་རྒྱལ་གྱི་རྣམ་གྲངས་ཙམ་མ་ཡིན་པར། གཙོ་བོ་ནང་ཆོས་ཀྱི་སློབ་སྦྱོང་ཡོད་པའི་ཐོག་དེང་དུས་ཚན་རིག་གི་སློབ་སྦྱོང་ཚད་ལྡན་ཞིག་གནང་ཐུབ་ཚེ། གཞན་ལ་ཕན་པའི་བྱ་གཞག་གི་ནུས་པ་དེའང་ཤུགས་ཆེ་རུ་འགྲོ་ངེས་ཡིན་པའི་སྐུལ་མ་གནང་ཡོད། དེ་བཞིན་ཆོས་རིག་ལས་ཁུངས་ཀྱི་ཟུང་དྲུང་ཐུབ་བསྟན་ཚེ་རིང་ལགས་ཀྱིས་དེ་རིང་ཟབ་སྦྱོང་དེའི་དགོས་དམིགས་གཙོ་བོ་ནི་གྲྭ་བཙུན་རྣམས་ལ་དེང་དུས་ཚན་རིག་ངོ་སྤྲོད་ཞུ་རྒྱུ་དང་། ལྷག་དོན་ཚན་རིག་གི་འཛིན་གྲྭ་མེད་པའི་དགོན་ཁག་གི་གྲྭ་བཙུན་རྣམ་པར་ཆེད་དམིགས་ཐོག་བོད་མིའི་སྒྲིག་འཛུགས་ཆོས་རིག་ལས་ཁུངས་དང་བོད་ཀྱི་དཔེ་མཛོད་ཁང་གཉིས་ཟུང་སྦྲེལ་གྱིས་གོ་སྒྲིག་ཞུས་པ་ཞིག་དང་། ད་ལན་གྱི་ཟབ་སྦྱོང་དེའི་ཐོག་རྒྱ་གར་དང་བལ་ཡུལ་བཅས་ནས་དགོན་སྡེ་ ༢༠...