པེ་རིས་ནང་བོད་མི་ཞིག་ལ་ཏོག་ཀོ་ཝིཌ་གཉན་རིམས་ནད་ཕོག་འདུག

ཡོ་རོབ་རྒྱལ་ཁབ་ཕ་རན་སིའི་རྒྱལ་ས་པེ་རིས་ནང་བོད་མི་ཞིག་ལ་ཏོག་དབྱིབས་ནད་རིམས་ཕོག་འདུགཉེ་ལམ་སྐད་འཕྲིན་བརྒྱུད་པེ་རིས་ཁུལ་དུ་བོད་མི་ཞིག་ལ་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་རིམས་ནད་ Covid19 ཕོག་ཡོད་པའི་གནས་ཚུལ་ཞིག་ཁྱབ་བཞིན་ཡོད་པ་རེད། རླུང་འཕྲིན་ཁང་གིས་ཕ་རན་སི་བོད་རིགས་ཚོགས་པའི་ཚོགས་གཙོ་བསྟན་འཛིན་སྤེན་པ་ལགས་སུ་བཀའ་འདྲི་ཞུས་པར་ཁོང་གིས་པེ་རིས་ནང་གནས་བཞུགས་བོད་མི་ཞིག་ལ་རིམས་ནད་དེ་ཕོག་ཡོད་པར་མ་ཟད། ད་ལྟའི་ཆར་ཁོང་གི་ནང་མི་རྣམས་རང་ཤག་ལ་ཟུར་འཇོག་གནང་ཡོད་སྐོར་གསུངས་སོང་། ཁོང་གིས་བོད་རིགས་སྤུན་ཟླ་ཡོངས་ནས་རིམས་ནད་དེར་སྣང་བྱུང་མ་གནང་བར་ཚང་མས་རང་ཉིད་ཀྱི་སྐུ་གཟུགས་ལ་ཐུགས་འཇགས་གནང་རོགས་ཞེས་འབོད་སྐུལ་ཞུས་གནང་གི་འདུག གཞི་རྩའི་ཕ་རན་སི་ནང་ཁ་སང་བར་མི་ཉིས་ཁྲི་ལྷག་ལ་རིམས་ནད་ཕོག་འདུག་པ་དང་། དེའི་ཁྲོད་མི་ ༡༠༠༠ ལྷག་འདས་གྲོངས་སུ་གྱུར་ཡོད་པ། མི་གྲངས་ ༢༥༡༦ ལྷག་ཛ་དྲག་གི་གནས་སྟངས་འོག་ཡོད་པ་རེད། མི་གྲངས་ ༣༠༠༠ ལྷག་དྲག་སྐྱེད་བྱུང་འདུག