ཕ་རན་སའི་ཤིང་ནགས་ཁྲོད་བཞུགས་པའི་བོད་མི་སྐྱབས་བཅོལ་བ་ཡོངས་ལ་སྡོད་གནས་སོགས་ཀྱི་མཐུན་རྐྱེན་སྦྱར་འདུག

འདས་པའི་ལོ་ཤས་ནས་བོད་མི་མང་པོ་ཞིག་ཕྱིའི་རྒྱལ་ཁབ་སྤྱི་དང་ལྷག་པར་དུ་ཡོ་རོབ་རྒྱལ་ཁབ་ཕ་རན་སི་ནང་སྐྱབས་བཅོལ་དུ་འགྲོ་མཁན་ཇེ་མང་དུ་ཕྱིན་ཏེ་ཁུལ་དེར་བོད་མི་སྣེ་ལེན་ཞུ་མཁན་གྱི་ཚོགས་པ་ཁག་ལ་དཀའ་ངལ་འཕྲད་བཞིན་པའི་གནས་ཚུལ་ཐོན་པ་མ་ཟད། ལྷག་པར་དུ་བོད་མི་སྐྱབས་བཅོལ་བ་མང་པོ་ཞིག་ཕ་རན་སིའི་ས་གནས་མི་ཉུང་བ་ཞིག་ཏུ་སྡོད་གུར་སོགས་ཕུབ་ནས་བཞུགས་དགོས་བྱུང་ཡོད་པ་ལྟར། ཁ་སང་ཕ་རན་སི་གྱི་རྒྱལ་ས་ Paris ནས་རྒྱང་ཐག་སྤྱི་ལེ་ ༢༥ ལྷག་གི་སར་ཆགས་པའི་ཕ་རན་སིའི་ Yvelines ས་གནས་འཛིན་སྐྱོང་མངའ་ཁོངས་ཀྱི་ཤིང་ནགས་ཁྲོད་དུ་སྡོད་གུར་ཕུབ་ནས་བཞུགས་པའི་བོད་མི་སྐྱབས་བཅོལ་བ་ ༦༠༠ ལྷག་ཡོད་པ་ཚང་མ་ལ་སྡོད་ཁང་སོགས་ཀྱི་མཐུན་རྐྱེན་སྦྱར་འདུག དེ་ཡང་ཕ་རན་སིས་གཙོས་པའི་རྒྱལ་སྤྱིའི་བརྒྱུད་ལམ་ཁག་གིས་གནས་ཚུན་སྤེལ་བར་གཞིགས་ན། ཁ་སང་རེས་གཟའ་མིག་དམར་ཉིན་གྱི་སྔ་ཐོག་ Yvelines ས་གནས་འཛིན་སྐྱོང་ལས་ཁུངས་ནས་ཤིང་ནགས་ཁྲོད་དུ་སྡོད་གུར་ཕུབ་ནས་བཞུགས་པའི་བོད་མི་སྐྱབས་བཅོལ་བ་ ༦༠༠ འཛིན་སྐྱོང་དེའི་མངའ་ཁོངས་སུ་གཏོགས་པའི་གྲོང་ཁྱེར་ Versailles དང་ Saint-Germain-en-Laye དེ་བཞིན་ཕ་རན་སིའི་ Essonne ས་གནས་འཛིན་སྐྱོང་གི་མངའ་ཁོངས་ཀྱི་གྲིང་ཁྱེར་ Evry བཅས་སུ་གནས་སྤོས་ཀྱིས་སྡོད་ཁང་སོགས་ཀྱི་མཐུན་རྐྱེན་སྦྱར་འདུག་པ་དང་།...