ཕ་རན་སི།

ཕ་རན་སིའི་གྲོས་ཚོགས་གོང་མས་བོད་ཁམས་སྡེ་དགེའི་གནད་དོན་དང་འབྲེལ་ཐུགས་ཚབས།

འདས་པའི་ལོ་ཤས་ནས་བོད་མི་མང་པོ་ཞིག་ཕྱིའི་རྒྱལ་ཁབ་སྤྱི་དང་ལྷག་པར་དུ་ཡོ་རོབ་རྒྱལ་ཁབ་ཕ་རན་སི་ནང་སྐྱབས་བཅོལ་དུ་འགྲོ་མཁན་ཇེ་མང་དུ་ཕྱིན་ཏེ་ཁུལ་དེར་བོད་མི་སྣེ་ལེན་ཞུ་མཁན་གྱི་ཚོགས་པ་ཁག་ལ་དཀའ་ངལ་འཕྲད་བཞིན་པའི་གནས་ཚུལ་ཐོན་པ་མ་ཟད། ལྷག་པར་དུ་བོད་མི་སྐྱབས་བཅོལ་བ་མང་པོ་ཞིག་ཕ་རན་སིའི་ས་གནས་མི་ཉུང་བ་ཞིག་ཏུ་སྡོད་གུར་སོགས་ཕུབ་ནས་བཞུགས་དགོས་བྱུང་ཡོད་པ་ལྟར། ཁ་སང་ཕ་རན་སི་གྱི་རྒྱལ་ས་ Paris ནས་རྒྱང་ཐག་སྤྱི་ལེ་ ༢༥ ལྷག་གི་སར་ཆགས་པའི་ཕ་རན་སིའི་ Yvelines ས་གནས་འཛིན་སྐྱོང་མངའ་ཁོངས་ཀྱི་ཤིང་ནགས་ཁྲོད་དུ་སྡོད་གུར་ཕུབ་ནས་བཞུགས་པའི་བོད་མི་སྐྱབས་བཅོལ་བ་ ༦༠༠ ལྷག་ཡོད་པ་ཚང་མ་ལ་སྡོད་ཁང་སོགས་ཀྱི་མཐུན་རྐྱེན་སྦྱར་འདུག དེ་ཡང་ཕ་རན་སིས་གཙོས་པའི་རྒྱལ་སྤྱིའི་བརྒྱུད་ལམ་ཁག་གིས་གནས་ཚུན་སྤེལ་བར་གཞིགས་ན། ཁ་སང་རེས་གཟའ་མིག་དམར་ཉིན་གྱི་སྔ་ཐོག་ Yvelines ས་གནས་འཛིན་སྐྱོང་ལས་ཁུངས་ནས་ཤིང་ནགས་ཁྲོད་དུ་སྡོད་གུར་ཕུབ་ནས་བཞུགས་པའི་བོད་མི་སྐྱབས་བཅོལ་བ་ ༦༠༠ འཛིན་སྐྱོང་དེའི་མངའ་ཁོངས་སུ་གཏོགས་པའི་གྲོང་ཁྱེར་ Versailles དང་ Saint-Germain-en-Laye དེ་བཞིན་ཕ་རན་སིའི་ Essonne ས་གནས་འཛིན་སྐྱོང་གི་མངའ་ཁོངས་ཀྱི་གྲིང་ཁྱེར་ Evry བཅས་སུ་གནས་སྤོས་ཀྱིས་སྡོད་ཁང་སོགས་ཀྱི་མཐུན་རྐྱེན་སྦྱར་འདུག་པ་དང་།...

ཧྤ་རན་སིའི་རྒྱལ་ས་ lyon ཁུལ་དུ་རྒྱལ་སྤྱིའི་རང་བཞིན་ལྡན་པའི་རྐང་རྩེད་སྤོ་ལོའི་འགྲན་བསྡུར་ཞིག་གནང་བཞིན་པ་དང་བསྟུན་ཁ་ཉིན་ཕྱི་ཚེས་ ༢༨ ཉིན་གྱི་ཁུལ་དེའི་ཆུ་ཚོད་ ༡༌༣༠ ཐོག་ཧྥ་རན་སའི་རྒྱལས་ས་ lyon རུ་ཁག་ Olympique Lyonnaise དང་རྒྱལ་ས་ Nantes ཡི་ FC Nantes ཞེས་པའི་རུ་ཁག་གཉིས་དབར་རྩེད་འགྲན་གནང་སྐབས་ lyon རུ་ཁག་གི་རྒྱབ་སྐྱོར་བ་ Bad Gones ཞེས་པའི་ཚོགས་པས་གོ་སྒྲིག་འོག་དང་དུ་བླངས་ཀྱི་མི་སྣ་བརྒྱ་ཕྲག་ཁ་ཤས་ཤིག་གིས་ཕྱག་ལ་བོད་རྒྱལ་དར་གྱི་ཚོན་གཞི་ཅན་གྱི་ཤོག་བུ་བསྣམས་ཏེ་དེ་དག་ལས་གྲུབ་པའི་བོད་ཀྱི་རྒྱལ་དར་ཆེན་པོ་ཞིག་དང་དཀྱིལ་དུ་དབྱིན་ཡིག་ཐོག་ free Tibet...

རྒྱ་ནག་གི་སྲིད་འཛིན་ཞི་ཅིན་ཕིང་ཡོ་རོབ་རྒྱལ་ཁབ་ཨི་ཊ་ལི་ནང་གི་གཞུང་འབྲེལ་ལས་དོན་གྲུབ་རྗེས་ཕ་རན་སི་རྒྱལ་ཁབ་ནང་ཁ་སང་འབྱོར་ཡོད་པ་དང་བསྟུན། ཁུལ་དེར་ཡོད་པའི་ས་གནས་བོད་རིགས་ཚོགས་པས་རྐང་འགན་བཞེས་ཐོག་ས་གནས་བོད་མིའི་གཞུང་འབྲེལ་མིན་པའི་ཚོགས་སྐྱིད་ཁག་དང་། བོད་དོན་རྒྱབ་སྐྱོར་བ། དེ་བཞིན་ཡུ་གུར་བ། ཝེ་ཏི་ནམ་བཅས་ཀྱི་མང་ཚོགས་ཚོས་ཞི་ཅིན་ཕིང་ལ་ངོ་རྒོལ་དང་སྐྱོན་བརྗོད་ཀྱིས་ཁོ་པར་སྣེ་ལེན་ཞུས་འདུག སྐབས་དེར་ལས་འགུལ་བ་རྣམས་ནས་རྒྱལ་ས་པེ་རིས་ནང་རྟེན་གཞི་བྱས་པའི་ Trocadero ཐང་ཆེན་དུ་འདུ་འཛོམས་ཀྱིས་བོད་མི་ལས་འགུལ་བ་ཚོས་སྲིད་འཛིན་ཞི་ཅིན་ཕིང་གི་འགོ་ཁྲིད་འོག་བོད་ནང་དུ་བོད་མི་ ༡༥༠ ལྷག་གིས་རང་ལུས་མེར་བསྲེགས་ཀྱིས་རྒྱ་གཞུང་ལ་ཞི་རྒོལ་གནང་བ་དང་། རྒྱ་གཞུང་གིས་བོད་ནང་གི་བོད་མིའི་འགྲོ་བ་མིའི་ཐོབ་ཐང་རྡོག་རོལ་དང་བོད་མི་དམར་གསོད་བཏང་དང་གཏོང་པའི་དངོས་ཡོད་གནས་སྟངས་མཚོན་པའི་གཏམ་བརྗོད་ཀྱི་ལམ་ནས་གསལ་བཏོན་བྱས་འདུགརྒྱ་ནག་གི་སྲིད་འཛིན་ཞི་ཅིན་ཕིང་ཡོ་རོབ་རྒྱལ་ཁབ་ནང་གཞུང་འབྲེལ་ཕྱོགས་སྐྱོད་བྱས་པའི་དམིགས་དོན་གཙོ་བོ་གཅིག་ནི་ཞི་ཡི་ངོས་ནས་རྒྱ་ནག་གི་རྒྱུད་གཅིག་ལམ་གཅིག་གོ་ལའི་ཚོང་དོན་གྱི་ལས་གཞི་ཐོག་ཡོ་རོབ་མཐུན་ཚོགས་དང་ཡོ་རོབ་རྒྱལ་ཁབ་ཁག་གི་ངོས་ལེན་དང་གན་རྒྱ་འཇོག་ཐོབ་ཕྱིར་ཡིན་པ་དང་། ཕྱི་ཚེས་ ༢༣ ཉིན་རྒྱ་ནག་གི་རྒྱུད་གཅིག་ལམ་གཅིག་གི་ལས་འཆར་དེའི་ཐོག་ཡོ་རོབ་རྒྱལ་ཁབ་ཨི་ཊ་ལིས་ལས་འཆར་དེའི་ཐོག་རྒྱབ་སྐྱོར་གྱིས་རྒྱ་ནག་དང་ལྷན་དུ་གན་རྒྱ་བཞག་ཡོད་པ་དང་། དེ་ནི་ཨ་རི་དང་ཁེ་ན་ཌ། ཕ་རན་སི། འཇར་མན། ཨི་ཊ་ལི། ཉི་ཧོང་། དེ་བཞིན་དབྱིན་ཡུལ་བཅས་ G7 ལྷན་ཚོགས་ཀྱི་ཚོགས་མི་རྒྱལ་ཁབ་ཁོངས་ནས་ཆེས་ཐོག་མ་ཆགས་ཀྱི་ཡོད་པ་རེད།ད་རེས་ཀྱི་གནད་དོན་འདིས་ཨ་རི་དང་ཡོ་རོབ་མཐུན་ཚོགས་ནས་ཨེ་ཤ་ཡའི་དཔལ་འབྱོར་དབང་སྒྱུར་གྱི་འཐབ་རྩོད་ལ་གདོང་ལེན་བྱ་རྒྱུར་དངངས་སྐྲག་གི་མེ་ཚག་ཞིག་སྤར་ཡོད་པ་བརྒྱུད་ལམ་ཁག་ཏུ་གསལ་འདུགའདི་ག་རླུང་འཕྲིན་ཁང་ནས་གནད་དོན་འདིའི་ཐོག་སུད་སི་བཅར་བཞུགས་༸གོང་ས་མཆོག་གིས་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་ལགས་སུ་གཟིགས་ཚུལ་ཇི་བྱུང་ཐོག་བཀའ་འདྲི་ཞུས་པར་ད་ལྟའི་ཆར་ཡོ་རོབ་ནང་དེ་སྔ་དང་མི་འདྲ་བར་རྒྱ་ནག་ལ་ལྟ་ཕྱོགས་ཀྱི་རྣམ་པ་ཆེས་འགྱུར་ཡོད་སྟབས་ཨི་ཊ་ལི་དང་ལྷན་བཞག་པའི་གན་རྒྱ་འདིས་ཡོ་རོབ་རྒྱལ་ཁབ་གཞན་དང་ཡོ་རོབ་མཐུན་ཚོགས་ལ་ཤུགས་རྐྱེན་ཐེབས་རྒྱུ་ཁག་པོ་རེད་ཅེས་གསུངས་ཡོད།སྤྱིར་ད་རེས་སྲིད་འཛིན་ཞི་ཅིན་ཕིང་དང་ཕ་རན་སིའི་སྲིད་འཛིན་ Emmanuel Macron...