བཞུགས་སྒར་ཁུལ་དུ་ཏོག་དབྱིབས་གཉན་རིམས་ཕོག་མཁན་ ༢༥ ཙམ་བྱུང་འདུག

དེ་རིང་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་ ༡༩ ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༡༡༨ པ་གནང་སྟེ་འཕྲོད་བསྟེན་ལས་ཁུངས་ཀྱི་དྲུང་འཕར་བྱམས་པ་ཕུན་ཚོགས་ལགས་ཀྱིས་དེང་སྐབས་རྒྱ་གར་གཙོས་རྒྱལ་སྤྱིའི་ཁྱོན་ཡོངས་སུ་ཏོག་དབྱིབས་གཉན་རིམས་ ༡༩ པའི་གཉན་སྲིན་གསར་པ་ཕོག་པའི་གནད་དོན་ཇེ་མང་དུ་འགྲོ་བཞིན་ཡོད་སྐོར་གསུངས་པ་དང་འབྲེལ། འདས་པའི་བདུན་ཕྲག་འདིའི་ནང་བཞུགས་སྒར་དྷརྨ་སཱ་ལཱ་དང་ཉེ་འཁྲིས་ས་ཁུལ་གཅིག་བཅས་ས་ཁུལ་ཁག་གཉིས་སུ་ཏོག་དབྱིབས་གཉན་རིམས་གསར་པ་ཕོག་མཁན་ཁྱོན་མི་གྲངས་ ༢༥ ཙམ་བྱུང་ཡོད་པ་དང་དེའི་ཁོངས་སུ་སྐྱེས་པ་ ༡༥ དང་བེུད་ ༡༠ ཡོད། བོད་མི་དེ་དག་གི་ཁོངས་ནས་ཁག་ཅིག་དྲག་སྐྱེད་བྱུང་བར་བརྟེན་ད་ལྟའི་ཆར་ནད་གཞི་ཕོག་པ་མི་གྲངས་ ༡༨ ཡོད་པ་གསུངས་སོང་།ད་བར་བཙན་བྱོལ་བོད་མིའི་སྤྱི་ཚོགས་ནང་དུ་གཉན་རིམས་ཕོག་མཁན་མང་པོ་བྱུང་ཡོད་པ་ལྟར་དྲག་སྐྱེད་བྱུང་བ་ཁྱོན་ ༩༠༢༦ ཡོད་པ་མངོན་གསལ་དང་སྦྲགས། བོད་མི་རྣམས་གཉན་རིམས་སྔོན་འགོག་གི་གནང་སྒོ་ཁག་ཚུལ་མཐུན་གནང་དགོས་གལ་ཡིན་པ་དང་ལུས་པོའི་ནད་གཞི་འགོག་སྲུང་གི་ནུས་པ་ཇེ་ལེགས་ཡོང་ཆེད་ཟས་སྤྱོད་ལ་ཐུགས་སྣང་གང་ཐུབ་གནང་དགོས་པ་སོགས་ཀྱི་ལམ་སྟོན་གནང་ཡོད།དེ་རིང་རྒྱལ་སྤྱིའི་བརྒྱུད་ལམ་ཁག་གིས་གནས་ཚུལ་སྤེལ་བར་ཁ་སང་རྒྱ་ནག་གི་ Shanghai དང་ Xian གྲོང་ཁྱེར་གཉིས་ཀྱི་ནང་ཏོག་དབྱིབས་གཉན་རིམས་ ༡༩ ཕོག་མཁན་གསར་པ་...