བཞུགས་སྒར་དུ་བོད་ས་བཟུང་བ་ཅེས་པའི་པར་རིས་འགྲེམས་སྟོན་ཞིག་དབུ་འཛུགས།

དེ་རིང་ཟླ་ ༤ ཚེས་ ༡༤ ཉིན་སྔ་དྲོ་ཚོུད་ ༡༠། ཐོག་བཞུག་སྒར་ཐེག་ཆེན་ཆོས་གླིང་གཙུག་ལག་ཁང་གི་ཉེ་འགྲམ་དུ་རྟེན་གཞི་བྱས་པའི་བོད་ཀྱི་འགྲེམས་སྟོན་ཁང་དུ་དེ་སྔ་རྒྱ་གར་དབྱིན་གཞུང་གིས་བོད་ཀྱི་རྒྱལ་ས་ལྷ་སར་དྲག་པོའི་དོན་གཅོད་བཏང་སྟེ་བོད་བཙན་འཛུལ་བྱེད་སྐབས་ཀྱི་རྒྱལ་རབས་ལོ་རྒྱུས་དང་འབྲེལ་བའི་ Capturing Tibet འམ་བོད་ས་བཟུང་བ་ཅེས་པའི་པར་རིས་འགྲེམས་སྟོན་ཞིག་དབུ་འཛུགས་གནང་སོང་། འགྲེམས་སྟོན་དེ་བོད་མིའི་སྒྲིག་འཛུགས་ཕྱི་དྲིལ་འགྲེམས་སྟོན་ཚན་པ་དང་། དབྱིའི་ཇིའི་གྲོང་ཁྱེར་Liverpool ནང་རྟེན་གཞི་བྱས་པའི་ National Museums ཡི་མཁས་དབང་ Emma Martin ལགས་རྣམ་གཉིས་ཟུང་སྦྲེལ་གྱིས་གོ་སྒྲིག་ཞུས་པ་ཞིག་ཡིན་པ་དང་། དབུ་འབྱེད་ཀྱི་མཛད་སྒོའི་ཐོག་བོད་མིའི་སྒྲིག་འཛུགས་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་། དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་གཉིས་དབུས་པའི་མཁས་དབང་ Emma Martin ལགས། གཞན་ཡང་ས་གནས་མི་མང་དང་ཡུལ་སྐོར་སྤྲོ་འཆམ་པ་སོགས་ཁྱོན་མང་ཚོགས་བརྒྱ་སྐོར་ཞིག་ནས་མཉམ་ཞུགས་གནང་འདུག སྐབས་དེར་མཁས་དབང་...