བཞུགས་སྒར་དུ་ཧི་མཱ་ལ་ཡའི་རྒྱལ་སྤྱིའི་དུས་སྟོན་ཚོགས་པ།བཞུགས་སྒར་དུ་ཧི་མཱ་ལ་ཡའི་རྒྱལ་སྤྱིའི་དུས་སྟོན་ཚོགས་པ།

ཁ་སང་ཕྱི་ཟླ་ ༡༢ ཕྱི་ཚེས་ ༡༠ ཉིན་བཞུགས་སྒར་དུ་ྋགོང་ས་ྋསྐྱབས་མགོན་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་མི་ལོ་ཧྲིལ་པོ་ ༢༦ འཁོར་བའི་དུས་ཆེན་སྲུང་བརྩི་དང་བསྟུན། ཧིན་བོད་མཛའ་འབྲེལ་ཚོགས་པས་གོ་སྒྲིག་འོག་མེག་གྷན་སྦག་སུ་གསོལ་མགྲོན་ཁང་དུ་ཧི་མཱ་ལ་ཡའི་རྒྱལ་སྤྱིའི་དུས་སྟོན་གྱི་མཛད་སྒོར་སྐུ་མགྲོན་གཙོ་བོར་ཀང་ར་རྫོང་ཁོངས་ཀྱི་ཁྲིམས་དཔོན་གཞོན་པ་སྐུ་ཞབས་ Babir Thakur མཆོག་གིས་གཙོས་པའི་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག དེ་བཞིན་རྒྱ་གར་གྱི་གནད་ཡོད་མི་སྣ་ཁག་དང་སེར་སྐྱ་མི་མང་བཅས་ལྷན་འཛོམས་ཐོག་དབུ་འཛུགས་གནང་ཡོད་པ་རེད། མཛད་སྒོའི་ཐོག་མར་ཧིན་བོད་གཉིས་ཀྱི་རིག་གཞུང་གཞས་སྣ་འཁྲབ་སྟོན་གཟིགས་འབུལ་ཞུས་གྲུབ་རྗེས། ཧིན་བོད་མཛའ་འབྲེལ་ཚོགས་པའི་སློབ་སྟོན་པ་སྐུ་ཞབས་ Ram Swaroop ལགས་ཀྱིས་ཧོན་བོད་མཛའ་འབྲེལ་ཚོགས་པ་དེ་ཉིད་ ༡༩༩༥ ལོར་གསར་དུ་དབུ་བརྙེས་པ་ནས་བཟུང་ད་བར་གཙོ་བོ་ས་གནས་ཡུལ་མི་དང་བོད་མིའི་དབར་རིག་གཞུང་བརྗེ་ལེན་གྱི་ཐོག་ནས་རྒྱུན་གནས་ཐུབ་པ་ཞིག་ཡིན་པ་དང།  ལྷག་དོན་ ྋགོང་ས་ྋསྐྱབས་མགོན་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་པའི་ཉིན་མོ་དང་བསྟུན་ཏེ། བཞུགས་སྒར་དུ་ཧི་མཱ་ལ་ཡའི་རྒྱལ་སྤྱིའི་དུས་སྟོན་གོ་སྒྲིག་གནང་ཡིན་པ་ངོ་སྤྲོད་སོགས་གནང་ཡོད་པ་རེད། སྐབས་དེར་སྐུ་མགྲོན་གཙོ་བོ་སྐུ་ཞབས་ Babir Thakur མཆོག་གིས་ཧི་མཱ་ཅལ་མངའ་སྡེའི་གྲོང་སྡེ་ལྷན་ཁང་དང་ཡུལ་བསྐོར་སྤྲོ་འཆམ་བློན་ཆེན་སྐུ་ཞབས་ Sudhir...