བལ་ཡུལ་ནས་ལྷ་ས་བར་གནམ་གྲུ་ཆེས་ཐོག་མ་དེ་གཏང་རྒྱུར་ཚོད་ལྟ་བྱས་འདུག

བལ་ཡུལ་དང་རྒྱ་ནག་གཉིས་མཉམ་འབྲེལ་ཐོག་གཉེར་བའི་ Himalaya Airlines ཞེས་པའི་མཁའ་ལམ་འགྲུལ་བཞུད་ལས་ཁང་གིས་ཁ་སང་བལ་ཡུལ་གྱི་རྒྱལ་ས་ Kathmandu ནས་བོད་ཀྱི་རྒྱལ་ས་ལྷ་ས་བར་གནམ་འགྲུ་འཕུར་བསྐྱོད་ཆེས་ཐོག་མ་དེ་ཚོད་ལྟ་བྱས་འདུགམཁའ་ལམ་འགྲུལ་བཞུད་ལས་ཁང་དེས་འདི་ལོའི་དབྱར་དུས་ནས་བལ་ཡུལ་གྱི་རྒྱལ་ས་ Kathmandu ནས་དབུ་འཛུགས་ཀྱིས་བོད་ཀྱི་རྒྱལ་ས་ལྷ་ས་བར་བལ་ཡུལ་གྱི་གནམ་གྲུ་གཏང་འཆར་ཡོད་པ་ལྟར། ཁ་སང་ཕྱི་ཟླ་ ༡ ཚེས་ ༢༡ ཉིན་དངོས་སུ་ཚོད་ལྟ་བྱས་འདུག་པ་དང་། གནམ་གྲུའི་ཁ་ལོ་བ་ Hao Di ཟེར་བ་དེས་གནམ་གྲུ་ཨང་ H9 961 ཅན་དེ་ཉིད་ཁ་སང་བལ་ཡུལ་གྱི་ Tribhuvan རྒྱལ་སྤྱིའི་གནམ་ཐང་ནས་འགོ་བཙུགས་ཏེ་བོད་ཀྱི་རྒྱལ་སའི་གོང་དཀར་གནམ་ཐང་བར་འགྲུལ་ལམ་གསུམ་ལ་འབབ་ཚོད་ཀྱིས་ཞིབ་དཔྱད་བྱས་འདུག རྩ་བའི་...