བེུད་ཀྱི་རྐང་སྤོལ་རྩེད་འགྲན་ཁྲོད་བོད་ཀྱི་བེུད་རྐང་སྤོལ་རུ་ཁག་ཨང་གཉིས་པ་ཐོབ་པ།

བོད་ཀྱི་རྐང་རྩེད་སྤོ་ལོའི་ཁག་རིང་མིན་ ༢༠༡༨ ལོའི་ CONIFA འཛམ་གླིང་རྐང་རྩེད་སྤོ་ལོའི་གཟེངས་རྟགས་ཀྱི་འགྲན་བསྡུར་ནང་མཉམ་ཞུགས་གནང་རྒྱུ་རེད་འདུག དེ་ནི་བཙན་བྱོལ་ནང་གི་སྐྱེས་པའི་རྐང་སྤོལ་རུ་ཁག་ལ་ལོ་ངོ་བཅུ་ལྷག་ཙམ་རྗེས་སུ་རྒྱལ་སྤྱིའི་རྐང་རྩེད་སྤོ་ལོའི་རྩེད་འགྲན་ནང་མཉམ་ཞུགས་གནང་པ་ཐོག་མ་ཆགས་ཀྱི་ཡོད་པ་རེད། Confederation of Independent Football Associations (CONIFA) ཞེས་པའི་འཛམ་གླིང་རྐང་རྩེད་སྤོ་ལོའི་རྩེད་འགྲན་ནི། དུས་རྒྱུན་ FIFA འཛམ་གླིང་རྐང་རྩེད་སྤོ་ལོའི་འགྲན་བསྡུར་ནང་མ་ཚུད་པའི་འཛམ་གླིང་ཁྲོད་ཀྱི་གྲངས་ཉུང་མི་རིགས་དང་སྐྱབས་བཅོལ་བ་། དེ་བཞིན་རང་མི་རིགས་ཀྱི་རིག་གཞུང་དང་རྒྱལ་ཁབ་མཚོན་ཐུབ་པའི་མི་རིགས་ཁག་ལ་ཆེད་དམིགས་གནང་པའི་རྩེད་འགྲན་ཞིག་ཆགས་ཀྱི་ཡོད་པ་དང། ཚོགས་པ་དེའི་འོག་བྱང་ཨ་རི་དང་ཡོ་རོབ། ཨེ་ཤ་ཡ། ཨ་ཕི་རི་ཀ མཚོ་ངོས་རྒྱལ་ཁབ་བཅས་ཀྱི་ཚོགས་མི་རྒྱལ་ཁབ་ ༤༧ ཡོད་པ་རེད། CONIFA རྩེད་འགྲན་དེ་རིང་མིན་ཕྱི་ལོ་ ༢༠༡༨...

འདི་ལོའི་བེུད་རྐང་རྩེད་སྤོ་ལོ་རྩེད་འགྲན་དེ་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་རྡ་ས་བོད་ཕྲུག་ཁྱིམ་སྡེའི་རྐང་སྤོལ་རྩེད་ཐང་དུ་རྒྱ་གར་ཧི་མཱ་ཅལ་མངའ་སྡེའི་ཨུ་ན་བེུད་རྐང་སྤོལ་རུ་ཁག་དང་བོད་ཀྱི་བེུད་རྐང་སྤོལ་རུ་ཁག་དབར་རྩེད་འགྲན་གནང་པའི་ཁྲོད་བོད་ཀྱི་བེུད་རྐང་སྤོལ་རུ་ཁག་ལ་ཨང་གཉིས་པ་ཐོབ་ཡོད་པ་རེད། ཁ་སང་ཟླ་ ༦ ཚེས་ ༡༢ ཉིན་རྒྱབ་ཚོུད་ ༣།༠༠ སྟེང་རྡ་སྟེང་བོད་ཁྱིམ་སློབ་གྲྭའི་རྩེད་ཐང་དུ་སྐུ་མགྲོན་གཙོ་བོ་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་ཨ་ཇེ་སིངྒ་མནྐོ་ཊི་ཡ་ལགས་དང་དམིགས་བསལ་སྐུ་མགྲོན་རྡ་ས་ས་གནས་འགོ་འཛིན་གསར་པ་ཟླ་བ་རིན་ཆེན་ལགས། རྡ་སྟེང་བོད་ཁྱིམ་སློབ་གྲྭའི་སློབ་སྤྱི་གཙོས་དགེ་སློབ་རྣམ་པ་དང་། གཟིགས་མོ་བ་བཅས་ཚང་འཛོམས་ཐོག་རྒྱ་གར་ཧི་མཱ་ཅལ་མངའ་སྡེའི་ཨུ་ན་བེུད་རྐང་རྩེད་སྤོ་ལོའི་རུ་ཁག་དང་བོད་ཀྱི་བེུད་རུ་ཁག་གཉིས་དབར་རྐང་སྤོལ་རྩེད་འགྲན་མཐའ་མ་དེ་གནང་ཡོད་པ་རེད། དེའང་བོད་རྒྱལ་ཡོངས་རྩེད་རིགས་ཚོགས་པས་གོ་སྒྲིག་འོག་རྡ་སྟེང་བོད་ཕྲུག་ཁྱིམ་སྡེའི་རྩེད་ཐང་དུ་བུད་མེད་རྐང་རྩེད་སྤོ་ལོའི་འགྲན་བསྡུར་འདི་བཞིན་ཟླ་འདིའི་ཚེས་ ༩ ནས་དབུ་འཛུགས་ཀྱིས་ཚེས་ ༡༢ བར་བཅས་ཉིན་གྲངས་བཞིའི་རིང་རྩེད་འགྲན་གནང་ཡོད། སྐབས་དེར་རུ་ཁག་གཉིས་ནས་ཚོུད་གཅིག་ནང་སྤོ་ལོ་གཅིག་ཀྱང་བླུགས་མ་ཐུབ་པས་རུ་ཁག་གཉིས་པོའི་དབར་རྒྱལ་ཁའི་ཐག་གཅོད་གནང་ཐུབ་མེད། འོན་ཀྱང་སླར་སྐར་མ་བཅུའི་དུས་ཚོད་འཕར་མའི་རྩེད་འགྲན་གནང་ཡང་རུ་ཁག་གཉིས་ལ་རྒྱལ་ཕམ་གྱི་ཐག་གཅོད་མ་ཐུབ་པར་བརྟེན། རུ་ཁག་གཉིས་ཀྱི་བར་ལ་ Penalty Kick འམ་ཉེས་ཆད་རྡོག་འཕུལ་རྩེད་འགྲན་གནང་མཐར་ཨུ་ན་རུ་ཁག་གིས་སྤོ་ལོ་གཅིག་བླུགས་པ་དང་། བོད་ཀྱི་བེུད་རུ་ཁག་ནས་སྤོ་ལོ་གཅིག་ཀྱང་བླུགས་མ་ཐུབ་སྟབས། ཐའ་མའི་རྒྱལ་ཁ་ལས་ཧི་མཱ་ཅལ་མངའ་སྡེའི་ཨུ་ན་བེུད་ཀྱི་རུ་ཁག་ལ་ཨང་དང་པོ་དང་བོད་ཀྱི་བུད་མེད་རྐང་རྩེད་སྤོ་ལོའི་རུ་ཁག་ལ་ཨང་གཉིས་པ་ཐོབ་སོང་། འདི་གའི་རླུང་འཕྲིན་ཁང་གི་གསར་འགོད་པས་བོད་པའི་བེུད་ཀྱི་རྐང་རྩེད་སྤོ་ལོའི་རུ་ཁག་གི་རུ་དཔོན་ཆོས་སྐྱིད་ལགས་སུ་མྱོང་ཚོར་ཇི་བྱུང་ཐད་བཅར་འདྲི་ཞུས་པར་ཁོ་མོས་ད་ལན་གྱི་རྩེད་འགྲན་དེ་ཤོར་བར་བློ་ཕམ་ཡོད་ཀྱང་། སེམས་ཤུགས་མ་ཆག་པར་མུ་མཐུད་རྩེད་འགྲན་ནང་མཉམ་ཞུགས་གནང་ནས་རྩེད་མོའི་སྒྱུར་རྩལ་གོང་མཐོར་གཏོང་ཐབས་གནང་རྒྱུ་ཡིན་པ་གསུངས་སོང་། དེ་བཞིན་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་སྐལ་བཟང་ལགས་ཀྱིས་བོད་ཀྱི་བེུད་རྐང་རྩེད་སྤོ་ལོའི་གནས་ཚད་དེ་གང་འདྲ་ཞིག་ལ་གཟིགས་ཀྱི་ཡོད་མེད་ཐད་འགྲེལ་བརྗོད་གནང་པར་ཁོང་གིས་ང་ཚོ་བོད་ཀྱི་བུད་མེད་རྐང་རྩེད་སྤོ་ལོའི་རུ་ཁག་དེ་རུ་ཁག་གཞན་ལྟར་སྦྱོང་བརྡར་སྟར་ཆགས་བྱ་རྒྱུ་བྱུང་མེད་ཀྱང་ད་ལན་རུ་ཁག་དེས་ཧ་ཅང་ཡག་པོ་རྩེད་སོས་ལ། མ་འོངས་མར་སྦྱོང་བརྡར་ལེགས་པོ་གནང་ཚེ་དེ་ལས་ཡག་རུ་འགྲོ་ཐུབ་ངེས་ཡིན་པ་སོགས་གསུངས་ཡོད་པ་རེད། གཞི་རྩའི་འདི་ལོའི་བེུད་རྐང་རྩེད་སྤོ་ལོའི་རྩེད་འགྲན་ནང་བོད་ཀྱི་བེུད་ཀྱི་རྐང་རྩེད་སྤོ་ལོའི་རུ་ཁག་དང་ཨཱ་མར་སར་རུ་ཁག་གཅིག དེ་བཞིན་ཧི་མཱ་ཅལ་མངའ་སྡེའི་ Sirmour...