བོད་ཀྱི་བེུད་ལྷན་ཚོགས་ཀྱི་ཚོགས་ཆེན་ཐེངས་༡༡་པ་དབུ་འཛུགས། XIth General Body meeting of TWA

དེ་རིང་ཟླ་ ༩ ཚེས་ ༡༠ ཉིན་གྱི་སྔ་དྲོ་ཚོུད་ ༩༌༣༠ སྟེང་བཞུགས་སྒར་དྷརྨ་ས་ལར་རྟེན་གཞི་བྱས་པའི་ Club House གསོལ་མགྲོན་ཁང་གི་ཚོགས་ཁང་དུ་བཙན་བྱོལ་དུ་བོད་ཀྱི་བེུད་ལྷན་ཚོགས་ཀྱི་སྒྲིག་འཛུགས་སླར་གསོ་ཞུས་ཏེ་མི་ལོ་ ༣༧ འཁོར་བའི་དུས་དྲན་ཉིན་མོར་སྲུང་བརྩིའི་མཛད་སྒོ་ཞིག་ཚོགས་ཡོད་ཅིང་། མཛད་སྒོའི་སྐུ་མགྲོན་གཙོ་བོར་བཙུན་མའི་ལས་འཆར་གྱི་འགན་འཛིན་སྣང་ས་ཆོས་སྒྲོན་ལགས་དང་དམིགས་བསལ་སྐུ་མགྲོན་དྷ་ས་ས་གནས་འགོ་འཛིན་ཀུན་དགའ་ཚེ་རིང་ལགས། དབུས་སྤྱི་ཁྱབ་རྒྱུན་ལས་ཁང་གི་རྒྱུན་ཟུར་གཙོས་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་གི་སྐུ་ཚབ་དང་མང་ཚོགས་བཅས་མཉམ་ཞུགས་གནང་སོང་།མཛད་སྒོའི་ཐོག་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བསྟན་འཛིན་སྒྲོལ་མ་ལགས་ཀྱིས་དབུས་སྤྱི་ཁྱབ་རྒྱུན་ལས་ཁང་གི་བསྒྲགས་གཏམ་སྒྲོག་སྦྱང་དང་སྦྲགས་ཏེ་བོད་རྒྱལ་ཁབ་དང་མི་རིགས་ཀྱི་དོན་དུ་རང་སྲོག་བློས་བཏང་གནང་མཁན་གྱི་རྒྱལ་གཅེས་པ་ཡོངས་དང་ལྷག་དོན་ཕྱི་ལོ་ ༡༩༥༩ ཟླ་ ༣ ཚེས་ ༡༢ ཉིན་ཆོལ་གསུམ་བོད་ཀྱི་བུད་མེད་སྟོང་ཕྲག་ལྷག་གིས་མ་གྲོས་བསམ་པ་གཅིག་མཐུན་གྱིས་རྒྱ་ནག་གི་བཙན་འཛུལ་ལ་ཞི་བའི་ངོ་རྒོལ་གནང་སྟེ་རང་སྲོག་ཤོར་བའི་རྒྱལ་གཅེས་དཔའ་མོ་རྣམས་ལ་རྗེས་དྲན་དང་ཁོང་རྣམ་པའི་དཔའ་མཛངས་སྙིང་སྟོབས་ཀྱི་མཛད་རྗེས་ལ་གུས་བཀུར་ཡི་རང་ཞུས་ཡོད། དེ་བཞིན་ཁོང་གིས་ཕྱི་ལོ་ ༡༩༨༤ ལོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་གྱི་དགོངས་གཞིའི་ལམ་སྟོན་བཀའ་སློབ་ཕེབས་པ་ལྟར་བོད་ཀྱི་བུད་མེད་ལྷན་ཚོགས་ཀྱི་སྒྲིག་འཛུགས་འདི་བཙན་བྱོལ་དུ་སླར་གསོ་ཐུབ་པར་གཙོ་འགན་བཞེས་མཁན་གྱི་བུད་མེད་ལྷག་བསམ་ཅན་རྣམས་ཀྱི་སྙིང་སྟོབས་ལའང་གུས་བཀུར་ཡི་རང་དང་བཀྲིན་རྗེས་དྲན་ཞུས་པ་མ་ཟད། ད་ལྟའི་བོད་ནང་གི་གནས་སྟངས་ཇི་ཆགས་ལུང་འདྲེན་དང་འབྲེལ་ནས་དེ་རིང་གི་ཉིན་མོ་འདི་བརྒྱུད་རྒྱལ་སྤྱིའི་རྒྱལ་ཁབ་ཁག་གི་དབུ་ཁྲིད་རྣམ་པ་དང་བོད་དོན་རྒྱབ་སྐྱོར་ཚོགས་པ་རྣམས་ལ་བོད་རྒྱའི་དཀའ་རྙོག་སེལ་ཐབས་སུ་བོད་རྒྱ་གྲོས་མོལ་བསྐྱར་གསོ་ཡོང་སླད་རྒྱ་ནག་གཞུང་ལ་གནོན་ཤུགས་སྤྲོད་དགོས་པའི་གཞེན་སྐུལ་ནན་པོ་ཞུས་སོང་། སྐུ་མགྲོན་གཙོ་བོ་བཙུན་མའི་ལས་འཆར་གྱི་འགན་འཛིན་སྣང་ས་ཆོས་སྒྲོན་ལགས་ཀྱིས་ང་ཚོའི་ངོས་ནས་རྣམ་ཀུན་དུས་ཆེན་རིགས་སྲུང་བརྩི་ཞུས་སྐབས་མཛད་སྒོའི་ཐོག་དུས་ཆེན་གྱི་བྱུང་རབས་དང་གལ་ཆེའི་རང་བཞིན་སོགས་མ་ཎི་བགྲང་བ་བཞིན་གསུངས་དང་གསུང་གི་ཡོད་པ་དེ་ལྟར་ནའང། རང་ཉིད་ནས་དུས་ཆེན་དེ་རིགས་སྐབས་རྗེས་དྲན་ཞུ་དགོས་གལ་ལ་ངོས་འཛིན་གནང་གི་ཡོད་སྐོར་གསུངས་པ་དང་ཆབས་ཅིག བོད་པའི་མི་རབས་གཞོན་པ་ཚོས་འདས་པའི་ལོ་རྒྱུས་ལ་དཔྱད་ཞིབ་དང་ཐུགས་སྣང་རྒྱ་གང་ཆེ་བྱེད་དགོས་ཞེས་གསུངས་ཡོད།དེ་བཞིན་ཁོང་གིས་སྤྱི་འཐུས་ལྷན་ཚོགས་ཀྱི་དཀའ་རྙོག་དང་འབྲེལ་ད་ལྟའི་གནས་སྟངས་ཐད་གཟིགས་ཚུལ་གང་ཡོད་གསུངས་པ་དང་སྦྲགས་ཏེ་བོད་མི་མང་ཚོགས་ནས་དངོས་ཡོད་བདེན་པའི་གནས་ཚུལ་ལ་ཐུགས་སྣང་གནང་དགོས་པ་ལས་དཀྲོག་གཏམ་རིགས་ལ་མ་གསན་རོགས་ཞེས་འབོད་སྐུལ་གནང་སོང་། དམིགས་བསལ་སྐུ་མགྲོན་དྷ་ས་ས་གནས་འགོ་འཛིན་ཀུན་དགའ་ཚེ་རིང་ལགས་ཀྱིས་ཀྱང་ང་ཚོས་ངེས་པར་དུ་བཅའ་ཁྲིམས་རིན་པོ་ཆེར་སློབ་སྦྱོང་གནང་དགོས་གལ་དང་ལྷག་པར་དུ་ཆབ་སྲིད་ཚོགས་པ་རྣམས་ཀྱིས་མང་ཚོགས་ལ་དེ་འབྲེལ་གྱི་གོ་རྟོགས་སྤེལ་དགོས་གལ་ཡིན་སྐོར་གསུངས་ཡོད།གཞི་རྩའི་བོད་ཀྱི་བུད་མེད་ལྷན་ཚོགས་ཀྱི་ཁྱབ་ཁོངས་འོག་འཛམ་གླིང་གི་གླིང་ཕྲན་ཨེ་ཤ་ཡ་དང་ཨ་རི།...

དེ་རིང་སྔ་དྲོ་ཚོུད་ ༡༠ ཐོག་བཞུགས་སྒར་དྷརྨ་ས་ལའི་བོད་ཀྱི་ཟློས་གར་ཚོགས་པའི་ཚོགས་ཁང་དུ་བོད་ཀྱི་བུད་མེད་ལྷན་ཚོགས་ཀྱི་ཚོགས་ཆེན་ཐེངས་ ༡༣ པ་དབུ་འཛུགས་གནང་སོང་།ཚོགས་ཆེན་ཐོག་བཀའ་ཟུར་རྒྱ་རི་སྒྲོལ་མ་མཆོག་དང་བཀའ་ཟུར་རིན་ཆེན་མཁའ་འགྲོ་མཆོག་རྣམ་གཉིས་ཀྱིས་དབུས་པའི་སྐུ་མགྲོན་ཁག་ཅིག་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་དང་ས་གནས་ཀྱི་བུད་མེད་ལྷན་ཚོགས་ཀྱི་རྒྱུན་ལས་རྣམ་པ་ཕེབས་འདུགསྐབས་དེར་མཛད་སྒོའི་སྐུ་མགྲོན་གཙོ་བོ་བཀའ་ཟུར་རྒྱ་རི་སྒྲོལ་མ་མཆོག་གིས་ཉེ་ཆར་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཉིས་འཕོ་འགྱུར་བཏང་བའི་གནད་དོན་དང་འབྲེལ་ནས་སྤྱི་ཚོགས་ནང་དེ་འབྲེལ་གྱི་དོན་རྐྱེན་བྱུང་རྐྱེན་ནི་མི་དང་མིའི་དབར་གྱི་འབྲེལ་བ་གནང་ཕྱོགས་ལ་བརྟེན་ནས་ཡོང་བ་ཞིག་ཡིན་པར་ངོས་འཛིན་གནང་གི་ཡོད་སྟབས། ང་ཚོའི་སྒྲོམ་གཞི་མང་གཙོ་ཡིན་ཀྱང་བཙན་བྱོལ་ནང་ཡོད་པའི་སྒྲིག་འཛུགས་ཤིག་ཡིན་པར་བརྟེན་གནད་དོན་དེ་རིགས་ཐད་བཀའ་བསྡུར་དང་ལྷག་པར་དུ་མང་གཙོའི་ཀ་བ་གསུམ་པོ་གུ་ཡངས་ཇི་ཐུབ་གནང་གནད་ཡིན་སྐོར་གསུངས་སོང་བ་དང་ཆབས་ཅིག མང་གཙོའི་འགྲོ་ལུགས་དང་ཁྲིམས་ཀྱི་དབང་སྒྱུར། བཅའ་ཁྲིམས་དགོངས་དོན། ད་ལྟའི་དཀའ་ངལ་དེ་སེལ་བར་ལས་འགན་གཙོ་བོ་བོད་མི་མང་སྤྱི་འཐུས་ལྷན་ཚོགས་ལ་ཡོད་སྐོར་གསུངས་ཡོད།དེ་བཞིན་བཀའ་ཟུར་མཆོག་གིས་ཆིག་སྒྲིལ་དང་འབྲེལ་ཏེ་ང་ཚོ་ཞལ་ནས་ཆིག་སྒྲིལ་གསུངས་པ་ཙམ་མི་ཕན་པ་དང་རང་ཉིད་ཀྱི་གནང་ཕྱོགས་ལ་ཞིབ་དཔྱད་ཀྱིས་ཆིག་སྒྲིལ་ལ་ཕན་མིན་གཟིགས་དགོས་ཞེས་དང་དུས་ཀྱི་དགོས་མཁོ་དང་འཚམ་པའི་ལས་འགུལ་སྤེལ་ཕྱོགས་དང་བུད་མེད་ལྷན་ཚོགས་ཀྱི་མི་འབོར་འཕེལ་རྒྱས་ཀྱི་ལས་གཞི་དེ་གལ་ཆེན་པོ་ཡིན་སྐོར་གསུངས་སོང་། དམིགས་བསལ་སྐུ་མགྲོན་བཀའ་ཟུར་རིན་ཆེན་མཁའ་འགྲོ་མཆོག་གིས་དེང་སང་གི་སྤྱི་ཚོགས་ནང་ང་ཚོ་རང་ཉིད་སོ་སོ་ནས་བཙན་བྱོལ་ནང་ཡོང་དགོས་པའི་རྒྱུ་མཚན་སོགས་ལ་དགོངས་པ་བཞེས་དགོས་པ་དང་། གལ་ཏེ་དེ་ལྟར་དགོངས་པ་བཞེས་ཐུབ་ན་རྙོག་གྲ་ཆུང་ཙག་རིགས་འཕྲད་སྐབས་འགོག་རྐྱེན་བཟོ་ཐུབ་རྒྱུ་མེད་པ་དང་། ང་ཚོའི་བློ་རྒྱ་ཆེ་ཙམ་ངང་ནས་དུས་ཀུན་ཏུ་ལས་དོན་གནང་དགོས་སྐོར་གསུངས་སོང་། ཚོགས་འདུའི་ཐོག་མར་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་ནས་ལྷན་ཚོགས་ཀྱི་ལས་བསྡོམས་སྒྲོག་སྦྱང་གནང་སོང་བ་དང་། ཉིན་གྲངས་གསུམ་རིང་འཚོགས་རྒྱུའི་ཚོགས་ཆེན་ཐོག་༸གོང་ས་མཆོག་གི་༸སྐུ་ཕྱཱའི་སྲུང་སྐྱོབ་གཙོས་༸པཎ་ཆེན་རིན་པོ་ཆེ་དང་ཆབ་སྲིད་བཙོན་པ་རྣམས་གློད་བཀྲོལ་དགོས་པ་སོགས་གྲོས་གཞི་དོན་ཚན་དགུའི་ཐོག་གོ་བསྡུར་གནང་རྒྱུ་ཡིན་སྐོར་ཚོགས་གཞོན་སྐལ་བཟང་གཡུ་སྒྲོན་ལགས་ཀྱིས་དེ་ལྟར་འགྲེལ་བརྗོད་གནང་ཡོད།གཞི་རྩའི་དབུ་འབྱེད་མཛད་སྒོའི་ཐོག་བུད་མེད་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་གི་སློབ་སྟོན་པ་བཀའ་ཟུར་རིན་ཆེན་མཁའ་འགྲོ་མཆོག་ལ་ཆེ་བསྟོད་ཀྱི་གཟེངས་རྟགས་དང་། དེ་བཞིན་བུད་མེད་ལྷན་ཚོགས་ལ་ཕྱག་རོགས་གནང་མཁན་རྒྱུན་ཟུར་གཙོས་དབུས་ས་གང་རུང་ནང་རྒྱུན་ལས་ལོ་བཅུ་གཉིས་གནང་མྱོང་ཡོད་པ་རྣམས་ལ་གཟེངས་རྟགས་འབུལ་ལམ་ཞུས་ཡོད་པ་རེད། རྣམ་ཀུན་ཚོགས་ཆེན་ཚོགས་སྐབས་ས་གནས་རེ་རེ་ནས་རྒྱུན་ལས་བཞི་འམ་ལྔ་ཕེབས་ཀྱི་ཡོད་པ་དེ་ལྟར་ནའང་། ད་ལན་ནད་ཡམས་རྐྱེན་གྱིས་རྒྱུན་ལས་གཉིས་རེ་མཉམ་ཞུགས་གནང་རྒྱུར་འབོད་སྐུལ་ཞུས་པ་ལྟར་ས་གནས་ ༡༨ ནས་རྒྱུན་ལས་གཉིས་རེ་ཕེབས་འདུག འོན་ཏང་ས་གནས་ ༢༣ ནས་མཉམ་ཞུགས་གནང་ཐུབ་མེད་པ་རེད།

དེ་རིང་ཕྱི་ཟླ་ ༩ ཚེས་ ༡༠ ཉིན་གྱི་ཞོགས་པ་ཚོུད་ ༨  ཐོག་བཞུགས་སྒར་ལྷ་རྒྱལ་རིའི་མདུན་ཐང་དུ་དབུས་བོད་ཀྱི་བུད་མེད་ལྷན་ཚོགས་དང་དྷ་ས་ས་གནས་བུད་མེད་ལྷན་ཚོགས་གཉིས་ཀྱིས་གོ་སྒྲིག་འོག་བོད་ཀྱི་བུད་མེད་ལྷན་ཚོགས་ བཙན་བྱོལ་དུ་སླར་གསོ་བྱས་ཏེ་མི་ལོ་ ༣༥ ཧྲིལ་པོ་འཁོར་བའི་དུས་དྲན་སྲུང་བརྩིའི་ཞུས་སོང་། མཛད་སྒོའི་ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དྲུང་ཆེ་ཟུར་པ་བོད་ཀྱི་བཙུན་མའི་ལས་འཆར་འགན་འཛིན་སྣང་ས་ཆོས་སྒྲོན་ལགས་ཀྱིས་གཙོས་དམིགས་བསལ་སྐུ་མགྲོན་དྷ་ས་ས་གནས་འགོ་འཛིན་ཀུན་དགའ་ཚ་རིང་ལགས་དང་ས་གནས་གྲོས་ཚོགས་ཀྱི་ཚོགས་གཙོ། དེ་བཞིན་ས་གནས་མི་མང་བཅས་ཁྱོན་མི་གྲངས་བརྒྱ་ལྷག་འདུ་འཛོམ་གནང་ཐོག་དང་ཐོག་བསང་གསོལ་དང་། རྒྱལ་གཅེས་པ་ཡོངས་ལ་མྱ་ངན་གུས་འདུད་ཀྱིས་མཚོན་པའི་ཧིན་བོད་གཉིས་ཀྱི་རྒྱལ་གླུ་དང་། བོད་ཀྱི་བེུད་ལྷན་ཚོགས་ཀྱི་གླུ་བཅས་བླངས་སོང་། སྐབས་དེར་སྐུ་མགྲོན་གཙོ་བོ་བོད་ཀྱི་བཙུན་མའི་ལས་འཆར་འགན་འཛིན་སྣང་ས་ཆོས་སྒྲོན་ལགས་ཀྱིས་ཉིན་མོ་འདི་དགའ་ཞིང་སྤྲོ་བའི་ཐོག་ནས་ཚོགས་པའི་གྲུབ་འབྲས་ལ་རྗེས་དྲན་ཞུ་རྒྱུ་དང་མ་འོངས་མདུན་སྐྱོད་གནང་ཕྱོགས་ཐད་ལ་ཐུགས་བསམ་བཞེས་དགོས་པའི་དུས་ཚིགས་གལ་ཆེན་ཞིག་ཡིན་སྐོར་གསུངས་པ་དང་འབྲེལ། སྤྱི་བའི་ལས་དོན་ལ་གཙིགས་ཆེར་འཛིན་ནས་ངས་ཀྱང་དེ་ལྟར་བྱེད་བསམ་པའི་བློ་དགོས་པ་དང་། ལྷག་པར་དུ་ད་ལྟའི་ཆར་བོད་ཀྱི་སྐད་ཡིག་དེ་ཉམས་ཆག་ཤུགས་ཆེར་འགྲོ་བཞིན་ཡོད་སྟབས་༸གོང་ས་མཆོག་གི་བཀའ་དགོངས་ལམ་སྟོན་ལྟར་བོད་ཀྱི་སྐད་ཡིག་མི་ཉམས་རྒྱུན་འཛིན་སླད་ཁྱིམ་ཚང་གི་ནང་དུ་ཨ་མ་ལགས་ཚོས་འགན་བཞེས་དགོས་པ་གསུངས་སོང་། དེ་བཞིན་དམིགས་བསལ་སྐུ་མགྲོན་དྷ་ས་ས་གནས་འགོ་འཛིན་ཀུན་དགའ་ཚ་རིང་ལགས་ཀྱིས་ཚོགས་པའི་ངོས་ནས་༸གོང་ས་མཆོག་གི་༸སྐུའི་ཐུགས་བསྐྱེད་དམ་བཅའ་བཞི་དང་འབྲེལ་ནས་སྤྱི་ཚོགས་ཁྲོད་དུ་གོ་རྟོགས་སྤེལ་དགོས་གལ་དང་། དུས་རབས་ཉེར་གཅིག་ནང་བེུད་མེད་ཚོས་སྐྱེ་པ་ཕོ་ལས་ལྷག་པའི་ཐུགས་འགན་བཞེས་ཐོག་ཕྱག་ལས་སྔར་ལྷག་གནང་དགོས་པ་གསུངས་ཡོད། བོད་ཀྱི་བེུད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ཀྱིས་བེུད་ལྷན་ཚོགས་ནང་སྔ་མོ་ནས་ཡོད་པའི་ཚོགས་མི་ཕལ་ཆེ་བ་སློབ་སྦྱོང་དེ་ཙམ་མེད་ནའང་ཁོང་ཚོར་སེམས་ཤུགས་དང་ལྷག་བསམ་ཡོད་པ་གསུངས་པ་དང་འབྲེལ་ཏེ་མ་འོངས་བོད་ཀྱི་བེུད་ལྷན་ཚོགས་ཀྱི་ཐུགས་འགན་དེ་གཞོན་སྐྱེས་ཚོས་བཞེས་དགོས་པ་དང་། རིང་མིན་ཟླ་ཤས་ཀྱི་ནང་ཚོགས་མི་གསར་བསྡུ་གནང་འཆར་ཡོད་སྟབས་གཞོན་སྐྱེས་གང་མང་ནས་མཉམ་ཞུགས་གནང་རོགས་ཞེས་འབོད་སྐུལ་ཞུས་ཡོད།

ཁ་སང་ཟླ་ ༩ ཚེས་ ༡༠ ཉིན་སྔ་དྲོ་ཚོུད་ ༩།༣༠ སྟེང་དྷ་ས་མེག་གྷན་དུ་རྟེན་གཞི་བྱས་པའི་ནོར་བུ་གསོལ་མགྲོན་ཁང་གི་ཚོགས་ཁང་དུ་སྐུ་མགྲོན་གཙོ་བོ་གླིང་མཆོག་སྤྲུལ་རིན་པོ་ཆེ་མཆོག དམིགས་གསལ་སྐུ་མགྲོན་བོད་ཀྱི་བེུད་ལྷནཚོགས་ཀྱི་སློབ་སྟོན་པ་དང་ཚོགས་གཙོ་ཟུར་པ་བཀའ་ཟུར་རིན་ཆེན་མཁའ་འགྲོ་ལགས། རྡ་ས་ས་གནས་འགོ་འཛིན་ཟླ་བ་རིན་ཆེན་ལགས། བེུད་སྤྱི་འཐུས་དང་ལས་ཟུར་རྣམ་པ། གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་སྐུ་ཚབ་བཅས་ལྷན་འཛོམས་ཐོག་བཙན་བྱོལ་དུ་བོད་ཀྱི་བུད་མེད་ལྷན་ཚོགས་སླར་གསོ་གནང་སྟེ་ལོ་ངོ་ ༣༣ ཧྲིལ་པོ་འཁོར་བའི་དུས་དྲན་སྲུང་བརྩི་ཞུས་ཡོད་པ་རེད། སྐབས་དེར་དབུས་བོད་ཀྱི་བེུད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་དེ་སྔ་ཕྱི་ལོ་ ༡༩༥༩ ལོར་བོད་དོན་ཆེད་རྒྱ་གཞུང་ལ་ངོ་རྒོལ་གྱིས་ལུས་སྲོག་བློས་གཏོང་གནང་མཁན་གྱི་བེུད་སྙིང་སྟོབས་ཅན་རྣམས་ལ་རྗེས་དྲན་ཞུས་པ་དང་སྦྲགས། རྒྱ་གཞུང་ལ་བོད་རྒྱ་འབྲེལ་མོལ་བསྐྱར་གསོ་དགོས་པ་དང། ༸ཀུན་གཟིགས་པཎ་ཆེན་རིན་པོ་ཆེ་མཆོག་གློད་བཀྲོལ་དགོས་པ་དང། དེ་བཞིན་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་ཀྱི་ངོས་ནས་རྒྱ་གཞུང་ལ་བླ་རང་སྒར་དང་ཡར་ཆེན་སྒར་དུ་གཏོར་བཤིག་གི་ལས་དོན་སྤེལ་བཞིན་པ་མཚམས་འཇོག་དགོས་པ། བོད་མིའི་ཆབ་སྲིད་བཙོན་པ་རྣམས་འཕྲལ་དུ་གློད་བཀྲོལ་ཡོང་བར་གནོན་ཤུགས་སྤྲོད་དགོས་པ་སོགས་ཀྱི་དོན་ཚན་ ༤ ཅན་གྱི་དགོས་འདུན་ཞིག་ཀྱང་བཏོན་ཡོད་པ་རེད། མཛད་སྒོའི་སྐུ་མགྲོན་གཙོ་བོ་གླིང་མཆོག་སྤྲུལ་རིན་པོ་ཆེ་མཆོག་གིས་བཀའ་སློབ་སྩལ་དོན། བེུད་ལྷན་ཚོགས་ཀྱི་ལས་དོན་གནང་ཕྱོགས་དང་ལྷག་བསམ་ལ་ཡི་རངས་བསྔགས་བརྗོད་མཛད་པ་དང་འབྲེལ། ཚོགས་པའི་ངོས་ལས་གཞི་གང་ཞིག་སྤེལ་བ་རྣམས་ལས་བསྡོམས་ནང་དུ་འཁོད་ཐུབ་པ་ཙམ་མིན་པར་རྒྱུན་སྐྱོང་ཐུབ་པ་གནང་དགོས་གལ་དང། བེུད་ལྷནཚོགས་ཀྱི་ངོས་ནས་འཛམ་གླིང་ཡུལ་གྲུ་གང་སར་ཁྱབ་པའི་བཙན་བྱོལ་བོད་མི་རྣམས་ཀྱི་དབར་ལ་ཤེས་ཡོན་དང་རིག་གཞུང་གོང་འཕེལ་ཐད་ཕྱག་ལས་གནང་དགོས་གལ་ཡིན་པ་མ་ཟད།...