བོད་ནང་རྒྱལ་ཁབ་ཀྱི་བདེ་འཇགས་ལ་ཉེན་ཚབས་བཟོས་པའི་ཉེས་དོན་འོག་ཁྲིམས་བཤེར་ཇེ་མང་།

ཕྱི་ལོ་ ༢༠༡༧ ནས་ ༢༠༢༠ བར་གྱི་རྒྱ་ནག་ཁྲིམས་ཁང་གི་ཚིག་ཐོར་གཞིགས་ཚེ་དེ་སྔའི་ལོ་གཉིས་དང་བསྡུར་ན་ཕྱི་ལོ་ ༢༠༢༠ ནང་རྒྱ་ནག་རྒྱལ་ཡོངས་སུ་རྒྱལ་ཁབ་ཀྱི་བདེ་འཇགས་ལ་ཉེན་ཚབས་བཟོས་པའི་ཉེས་དོན་འོག་ཁྲིམས་བཤེར་ཧ་ཅང་མང་པོ་བྱས་པ་དང་སྒོས་སུ་བོད་ནང་རྒྱལ་ཁབ་ཀྱི་བདེ་འཇགས་ལ་ཉེན་ཚབས་བཟོས་པའི་ཉེས་དོན་འོག་ཁྲིམས་བཤེར་གྱི་གྱོད་དོན་ཆེས་མང་བ་ཡོད་པ་མངོན་གསལ་གནང་ཡོད།ཨ་རིར་རྟེན་གཞི་བྱས་པའི་ Dui Hua ཞེས་ཆབ་སྲིད་བཙོན་པའི་གནད་དོན་ཐོག་ཉམས་ཞིབ་གཙོ་བོ་གནང་སྟེ་རྒྱ་ནག་ནང་གི་འགྲོ་བ་མིའི་ཐོབ་ཐང་སྲུང་སྐྱོབ་ཐད་ཕྱག་ལས་གནང་མཁན་ཐེབས་རྩ་ཁང་གི་དྲ་གནས་ཐོག་གནས་ཚུལ་སྤེལ་བར་ National Bureau of Statistics ཞེས་རྒྱ་ནག་རྒྱལ་ཡོངས་གྲངས་རྩིས་བསྡུ་བཤེར་ལས་ཁུངས་ཀྱི་དྲ་རྒྱར་ཕྱི་ལོ་ ༢༠༡༧ ནས་ ༢༠༢༠ བར་ལོ་གསུམ་གྱི་དུས་ཡུན་ནང་རྒྱ་ནག་ཏུ་ཉེས་དོན་ཁྲིམས་བཤེར་བྱས་པའི་གྲངས་ཐོ་ལུང་འདྲེན་གྱིས་ཕྱི་ལོ་ ༢༠༢༠ ལོར་རྒྱ་ནག་ཁྱོན་དུ་ Endangering State Security...