བོད་མི་གཉིས་ཀྱིས་རྒྱ་ནག་གཞུང་ཚབ་མདུན་དུ་ངོ་རྒོལ་གྱིས་བོད་དོན་གོམ་བགྲོད་དབུ་འཛུགས།

ཁེ་ན་ཌར་གནས་བཞུགས་བོད་མི་ལས་འགུལ་བ་སངས་རྒྱས་སྐྱབས་ལགས་དང་ཨ་རི་ Minnesota གནས་བཞུགས་བོད་མི་ལས་འགུལ་བ་རབ་དགའ་ལགས་རྣམ་པ་གཉིས་ཀྱིས་ཁེ་ན་ཌའི་གྲོང་ཁྱེར་ Toronto ནས་ Ottawa དང་ཕྱིར་ Ottawa ནས་ Toronto བར་ཉིན་གྲངས་ ༢༥ ལྷག་གི་རིང་བོད་དོན་ཞི་བའི་གོ་མགྲོད་ལས་འགུལ་ཞིག་ཕྱི་ཚེས་ ༡༡ ཉིན་ཊོ་རོན་ཊོར་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་སྐད་འགོད་གནང་སྟེ་དབུ་འཛུགས་གནང་འདུགཟླ་ ༦ ཚེས་ ༢༢ ཉིན་ཨོ་ཊ་ཝར་ཁེ་ན་ཌའི་དབུས་གཞུང་གི་གྲོས་ཚོགས་མཇུག་སྒྲིལ་གནང་བ་དང་བསྟུན་ཁོང་རྣམ་པ་གཉིས་ཀྱིས་ཚེས་ ༢༢ སྔོན་ལ་ཨོ་ཊ་ཝར་འབྱོར་ཐབས་གནང་རྒྱུ་དང་། སྐབས་དེར་ཁེ་ན་ཌའི་གཞུང་དང་གྲོས་ཚོགས་འཐུས་མི་རྣམས་ལ་༸གོང་ས་༸སྐྱབས་མགོན་ཆེན་པོ་མཆོག་བོད་དུ་གདན་འདྲེན་ཞུ་བར་ཁེ་ན་ཌའི་གཞུང་དང་རྒྱལ་སྤྱིའི་སྤྱི་ཚོགས་ནས་རྒྱབ་སྐྱོར་གནང་དགོས་པ། བོད་རྒྱའི་དཀའ་རྙོག་དེ་དྲང་བདེན་གྱི་སྒོ་ནས་སེལ་ཐབས་སུ་རྒྱབ་སྐྱོར་དགོས་པ། ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་དབུས་པའི་སྒོ་ཤེས་རབ་རྒྱབ་མཚོ་ལ་སོགས་པའི་བོད་མདོ་དབུས་ཁྱས་གསུམ་གྱི་བོད་མིའི་ཆབ་སྲིད་བརྩོན་པ་རྣམས་མྱུར་དུ་གློད་བཀྲོལ་དགོས་པ།...