བོད་མི་སྒེར་པ་ཞིག་གིས་༸རྒྱལ་བའི་བཀྲིན་རྗེས་དྲན་གྱི་བྱེད་སྒོ་སྤེལ་བ།

བོད་མི་བློ་བཟང་དབང་པོ་ལགས་ནི་ཡོ་རོབ་རྒྱལ་ཁབ་སྦེལ་ཇམ་དུ་བཞུགས་མཁན་ཡིན་པ་དང་། ཉེ་ཆར་ཁོང་སྒེར་གྱི་ངོས་ནས་༸རྒྱལ་བའི་བཀྲིན་རྗེས་དྲན་ཞུ་ཕྱིར་ས་གནས་སུ་ཡོད་པའི་དཔེ་མཛོད་ཁང་དང་ཤེས་ཡོན་བསྟི་གནས་ཁང་ཁག་ཏུ་༸རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ལྗགས་རྩོམ་མཛད་པའི་ཕྱག་དེབ་ཁག་འགྲེམས་སྤེལ་གྱི་བྱེད་སྒོ་སྤེལ་བཞིན་ཡོད་པ་རེད།རླུང་འཕྲིན་ཁང་ལ་ཁོང་གིས་ད་རེས་གང་ཟག་སྒེར་པའི་ངོས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་༸ཞབས་པད་ཡུན་དུ་བརྟན་པའི་བརྟན་བཞུགས་རྒྱས་པ་དེ་འདྲ་བསྟར་འབུལ་ཞུ་རྒྱུའི་གནས་བབ་མེད་ཀྱང་། མགོན་པོ་མཆོག་གིས་ད་བར་སྩལ་བའི་བཀའ་སློབ་ཁག་གི་ཆ་ཤས་ཆུང་དུ་ཞིག་བསྒྲུབ་པའི་ཆེད་དུ་བྱེད་སྒོ་དེ་སྤེལ་སྐོར་གསུངས་སོང་། ཁོང་གིས་ས་གནས་སུ་རིན་མེད་ཐོག་ནས་༸གོང་ས་མཆོག་གི་ཕྱག་དེབ་ཁག་འགྲེམས་སྤེལ་ཞུ་ཆེད་དུ་ད་ལན་རྒྱ་གར་ནས་དེང་གི་དུས་ཚོད་དང་མང་ཚོགས་སྤྱིའི་བསམ་བློ་དང་རན་པའི་མགོན་པོ་༸གང་ཉིད་མཆོག་གི་ཕྱག་དེབ་ཞལ་གྲངས་ ༡༢༠ བླུ་ཡོན་ཞུས་འདུག་ཅིང་། དེའི་ཁོངས་མགོན་པོ་མཆོག་གི་ཕྱག་དེབ་ཆོས་ལུགས་ཀྱི་མཚམས་ལས་འདས་པ་དང་བདེ་སྐྱིད་སྐྲུན་ཐབས། བཙན་འབྱོལ་ནང་གི་རང་དབང་། ཆོས་ལུགས་མཐུན་སྒྲིལ་སྐོར་བཅས་ཀྱི་ཕྱག་དེབ་ཆགས་ཀྱི་འདུགཕྱག་དེབ་འགྲེམས་སྤེལ་གྱི་ལས་འཆར་དེའི་ཐོག་ས་གནས་སུ་ཤེས་རབ་སྣང་ཆེན་སློབ་གྲྭའི་དགེ་ལས་རྣམས་དང་སྐབས་གོང་མའི་སྦེལ་ཇམ་བོད་རིགས་ཚོགས་པའི་ལས་ཟུར་ཁག་ཅིག་གིས་ཁོང་ལ་དཔལ་འབྱོར་གྱི་མཐུན་འགྱུར་གནང་འདུགཁོང་གི་འཆར་གཞིར་གཞིགས་ན་མགོན་པོ་༸གང་ཉིད་མཆོག་གི་ཕྱག་དེབ་ཁག་ Antwerp ས་གནས་སུ་ཡོད་པའི་སློབ་གྲྭ་ཁག་ཚང་མར་སྐོར་སྐྱོད་གནང་རྒྱུ་མ་ཟད། གཞུང་འབྲེལ་གནད་ཡོད་མི་སྣ་དང་གསར་ཁང་ཁག་ཏུ་འགྲེམས་སྤེལ་གནང་རྒྱུར་འབད་བརྩོན་གནང་རྒྱུ་རེད་འདུག