བོད་མིའི་རང་སྲིད་རང་སྐྱོང་གི་མངོན་འདོད་ལ་རྒྱབ་སྐྱོར་དགོས་པའི་གྲོས་འཆར་ཆེད་བཏོན།

ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Thanh Hai Ngo ལགས་ཀྱིས་ཡུལ་དེའི་གྲོས་ཚོགས་གོང་མའི་ནང་ཁེ་ན་ཌ་གཞུང་ནས་བོད་མིའི་མངོན་འདོད་སྟེ། མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་ལ་མངོན་གསལ་གྱི་ཐོག་ནས་རྒྱབ་སྐྱོར་གནང་དགོས་པ་སོགས་བོད་དོན་དང་འབྲེལ་བའི་གྲོས་ཆོད་གྲོས་འཆར་ཁག་ཅིག་ཆེད་བཏོན་གནང་འདུགཁ་ཉིན་ཟླ་ ༥ ཚེས་ ༡༤ ཉིན་ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Thanh Hai Ngo ལགས་ཀྱིས་ཡུལ་དེའི་གྲོས་ཚོགས་གོང་མའི་ནང་དེ་སྔ་ཕྱི་ལོ་ ༢༠༡༧ ལོར་ཁོང་གིས་གྲོས་ཚོགས་སུ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་ལ་བློ་འཚབ་ཤུགས་ཆེ་ཡོད་སྐོར་གླེང་སློང་གནང་ཡོད་ཀྱང་། རྒྱ་གཞུང་གི་དྲག་པོའི་སྲིད་བྱུས་འོག་བོད་ནང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་གང་ཡང་འགྲོ་མེད་པའི་ཁར་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་གི་གནས་སྟངས་དེ་ཆེས་ཇེ་སྡུག་ཏུ་འགྲོ་བཞིན་པ་སོགས་འགྲེལ་བརྗོད་དང་སྦྲགས། ཁེ་ན་ཌའི་གྲོས་ཚོགས་འཐུས་མི་དང་གཞུང་གཉིས་ཀྱི་ངོས་ནས་བོད་ཀྱི་གནད་དོན་ཐོག་དེ་མུར་མ་བཞུགས་པར་བོད་དོན་ཐོག་ཕྱག་ལས་མང་ཙམ་གནང་རྒྱུའི་དུས་ལ་བབ་འདུག་ཅེས་གསུངས་པ་མ་ཟད། ལྷག་པར་དུ་ཁེ་ན་ཌ་གཞུང་ནས་བོད་མིའི་མངོན་འདོད་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་ལ་མངོན་གསལ་གྱིས་རྒྱབ་སྐྱོར་གནང་དགོས་པའི་གྲོས་ཆོད་གྲོས་འཆར་ཁག་ཅིག་ཆེད་བཏོན་ཡོད་པ་རེད།ཁོང་གིས་གྲོས་ཆོད་དེའི་ཐོག་ནས་ཁེ་ན་ཌ་གཞུང་ནས་རྒྱ་ནག་གཞུང་ལ་བོད་རྒྱ་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད་ནས་བོད་རྒྱའི་གནད་དོན་ཞི་འགྲིག་ཡོང་ཐབས་སུ་ཕྱོགས་གཉིས་ཀྱི་འབྲེལ་མོལ་བསྐྱར་གསོ་གནང་དགོས་པའི་སྐུལ་འདེད་གནང་དགོས་པ་དང་། ཁེ་ན་ཌའི་ཆབ་སྲིད་མི་སྣ་བོད་ནང་རང་དབང་ཐོག་འགྲོ་སྐྱོད་ཐུབ་ཐབས་སུ་ Reciprocal Access to Tibet...