བོད་རང་སྐྱོང་ལྗོངས་ཀྱི་དམར་ཤོག་ཚོགས་པའི་དྲུང་ཆེ་གསར་པ་ཝུ་ཡིང་ཇེས་ཏཱ་ལའི་བླ་མའི་བྱ་ངན་ཐེར་བཏོན་དགོས་ཀྱི་རེད་བརྗོད་པ།

བོད་རང་སྐྱོང་ལྗོངས་ཀྱི་སྲིད་གཞུང་གིས་དྲྭ་ལམ་དུ་བརྙན་ཞིག་འདོན་སྤེལ་བྱས་ཏེ་ས་ཁུལ་དེའི་ལས་བྱེད་ཚོ་ཆོས་ལུགས་ཀྱི་བྱེད་སྒོ་དང་ཁ་བྲལ་བ། དེ་བཞིན་རུལ་སུངས་ལ་འགོག་རྒོལ་སོགས་རྒྱ་ནག་དམར་ཤོག་གི་སྒྲིག་ཡིག་གྲངས་ ༤༦ ཙམ་འགལ་ཡོད་པར་ཕྱིར་བསྒྲགས་བྱས་འདུག དེ་རིང་ Global times ཐོག་གནས་ཚུལ་སྤེལ་བར་རྒྱ་ནག་གིས་ཟླ་ ༡ ཚེས་ ༢༨ ནས་ ༣༡ བར་རྒྱ་ནག་མི་དམངས་ལྷན་ཁང་གིས་ལེའུ་བཞི་ཅན་གྱི་བརྙན་ཞིག་ཆེད་གཏོང་གིས་དམར་ཤོག་སྲིད་གཞུང་དོ་དམ་གྱི་ཕྱིར་རྒྱལ་ཡོངས་ལ་དྲིལ་བསྒྲགས་སྤེལ་བ་མ་ཟད་ས་གནས་དཔོན་རིགས་ཚོ་རྒྱ་ནག་གི་སྒྲིག་ཡིག་ ༤༦ ཙམ་འགལ་ཡོད་པར་ཕྱིར་བསྒྲགས་བྱས་པ་བཀོད་འདུག རྒྱ་ནག་ཞཱོང་ཟེར་བའི་དཔོན་རིགས་ཤིག་གིས་བོད་ནང་དཔོན་རིགས་མགོ་གཉིས་མ་རེ་འགའ་ཡོད་པ་དང་། ཁོང་ཚོས་ཕྱོགས་གཅིག་ནས་སྲིད་གཞུང་ལ་བློ་དཀར་མདོག་སྟོན་བཞིན་པ་དང་། གསང་བའི་སྒོ་ནས་ཁ་བྲལ་གྱི་ལས་འགུལ་སྤེལ་བཞིན་ཡོད་པར་བརྟེན་བོད་རང་སྐྱོང་ལྗོངས་ཀྱི་སྲིད་གཞུང་གིས་དེ་ལྟ་བུའི་མི་ཁག་ཅིག་ངོས་འཛིན་བྱས་ཡོད་པ་ལྟར་ཕྱིར་ཕུད་གཏང་ངེས་ཡིན་པ་བརྗོད་འདུག དེ་བཞིན་མིང་མི་གསལ་བའི་རྒྱ་ནག་གི་ས་གནས་སྒྲིག་ཁྲིམས་རྟོག་ཞིབ་པ་ཞིག་གིས་རྒྱ་གཞུང་གིས་བོད་དུ་སྲིད་གཞུང་གི་སྒྲིག་ཡིག་དང་མཐུན་པའི་ལངས་ཕྱོགས་བརྟན་པོ་ཞིག་འཛིན་རྒྱུ་གལ་ཆེན་པོ་ཡིན་པ་མ་ཟད། ང་ཚོས་ཏཱ་ལའི་བླ་མ་དང་ཁོང་གི་ཕྱོགས་གཏོགས་ཚོར་ཁྱོད་ཤི་ང་གསོན་གྱི་གཡུལ་འཐབ་བྱེད་དགོས། དམར་ཕྱོགས་སྲིད་གཞུང་གི་ཚོགས་མི་སུ་ཞིག་ལ་འདིའི་ཐད་ནས་ལྟ་བ་ལོག་ཚེ་མ་འོངས་པར་ཉེན་འཚབ་ཆེ་བའི་དཀའ་ངལ་ཞིག་ཏུ་འགྱུར་རྒྱུ་རེད་ཅེས་བརྗོད་ཡོད་པ་རེད། བོད་ཀྱི་བརྙན་འཕྲིན་ཁང་གི་ལས་བྱེད་སྒྲོལ་མ་ཟེར་བ་ཞིག་གིས་གསར་ཁང་ལ་དམར་ཤོག་གཞུང་གི་ལས་བྱེད་ཚོའི་ཆབ་སྲིད་ཀྱི་བསམ་བློར་རུལ་སུངས་ཅན་དུ་གྱུར་སོང་ཡང་དེའི་མཇུག་འབྲས་ལ་ཤན་ཤུགས་ཆེན་པོ་ཐེབས་སྲིད་པས་ང་ཚོས་གནད་དོན་གང་གཙོ་གནད་ཡིན་པར་བློ་རིག་སྒྲིམ་དགོས་ཞེས་བཤད་འདུག འདི་གའི་གསར་འགོད་པས་ཨོ་སི་ཊོ་ལི་ཡའི་རྒྱ་རིགས་འབྲེལ་མཐུད་པ་འབའ་བ་སྐལ་བཟང་རྒྱལ་མཚན་ལགས་སུ་དེ་འབྲེལ་བཅར་འདྲི་ཞུས་པར་གནས་ཚུལ་དེ་གསར་པ་གང་ཡང་མིན་པ་དང་། ན་ནིང་ནས་རྒྱ་ནག་དམར་ཤོག་གཞུང་གི་སྒྲིག་གཞི་ལ་འགྱུར་བ་བཏང་ནས་དམར་ཤོག་གཞུང་གི་ཚོགས་མི་ཞིག་ཡིན་ན་ཆོས་ལུགས་ལ་དད་པ་གནང་མི་ཆོག་པ་བཟོས་ཡོད་པ་བཞིན། འདི་ལོ་ནི་རྒྱ་ནག་ནག་ཏུ་ལོ་རྒྱུས་ཀྱི་རང་བཞིན་ལྡན་པའི་ཚོར་བ་རྣོ་བའི་དུས་དྲན་མང་པོ་ཞིག་ཁེལ་ཡོད་སྟབས། རྒྱ་ནག་གིས་བོད་དུ་དམ་དྲག་བྱེད་ཤུགས་ཆེ་རུ་གཏོང་བཞིན་ཡོད་པ་གསུངས་སོང་། བརྙན་དེའི་ནང་ཕྱི་ལོ་ ༢༠༡༦ ལོར་བོད་རང་སྐྱོང་ལྗོངས་ཀྱི་ཁྱབ་ཁོངས་གཉའ་ལམ་དང་གཞིས་རྩེའི་ཆོས་ལུགས་དད་མོས།...

རྒྱ་ནག་ཏུ་རྟེན་གཞི་བྱས་པའི་ Foreign Correspondents Club ཕྱི་རྒྱལ་གསར་འགོད་ཚོགས་པས་ཕྱི་ལོ་ ༢༠༡༨ ལོའི་ལོ་འཁོར་སྙན་ཐོ་ནང་འདས་ལོར་རྒྱ་ནག་ཏུ་གནས་བཞུགས་ཕྱི་རྒྱལ་གསར་འགོད་པའི་ལས་དོན་ཐོག་གཞུང་གི་སྟངས་འཛིན་སྔར་ལྷག་བྱེད་ཤུགས་ཆེ་རུ་བཏང་ཡོད་པར་འགྲེལ་བརྗོད་གནང་བ་མ་ཟད། རྒྱ་གཞུང་གིས་བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་གནས་ཚུལ་མཁོ་སྒྲུབ་བྱ་རྒྱུར་དམ་དྲག་བྱས་པ་གསལ་སྟོན་གནང་འདུག Under Watch: Reporting in Surveillance State ཞེས་པའི་སྙན་ཐོ་དེ་གཙོ་བོ་རྒྱ་ནག་ནང་ཕྱག་ལས་གནང་བཞིན་པའི་རྒྱལ་ཁབ་དང་ས་ཁུལ་འདྲ་མིན་ ༣༡ ཙམ་གྱི་ཕྱི་རྒྱལ་གསར་འགོད་པ་ ༡༠༠ ལྷག་ཙམ་ལ་བཅར་འདྲི་དང་ལེན་བརྒྱུད་ཞིབ་འཇུག་གནང་བ་ཞིག་ཡིན་པ་དང་། དེའི་ནང་རྒྱ་གཞུང་གིས་རྒྱལ་སྤྱིའི་གསར་འགོད་པ་ཚོར་བོད་རང་སྐྱོང་ལྗོངས་ཟེར་བ་མ་གཏོགས་རྒྱ་ནག་གི་ས་ཁུལ་གཞན་ཚང་མའི་ནང་བསྐྱོད་ཆོག་པའི་ཆོག་མཆན་ཡོད་པ་དེ་ལྟར་ཡང་། འདས་ལོའི་ནང་ཤིན་ཅང་དུ་གནས་ཚུལ་མཁོ་སྒྲུབ་ཆེད་བསྐྱོད་རྒྱུར་དམ་དྲག་ཤུགས་ཆེ་བྱས་ཡོད་པ་མ་ཟད་བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་ཕེབས་མཁན་ཕྱི་རྒྱལ་གསར་འགོད་པ་བཞི་ལས་གཉིས་ཀྱི་ལས་དོན་ལ་འགོག་རྐྱེན་དང་དམ་དྲག་ཤུགས་ཆེ་བྱས་ཡོད་པ་མངོན་གསལ་གནང་འདུགདེ་བཞིན་ཨ་རིའི་ New York Times གསར་འགོད་པ་...

ཉེ་ལམ་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་གསར་དུ་བསྐོ་གཞག་བྱས་པའི་ཝུ་ཡིང་ཇེས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་བཀུར་འདེབས་དང་སྦྲགས། རྒྱ་གཞུང་གི་ངོས་ནས་ཏཱ་ལའི་བླ་མའི་བྱ་ངན་ཐེར་བཏོན་དང་སྐྱོན་བརྗོད་ཀྱི་ལས་དོན་དེ་དག་གཏིང་ཟབ་ཏུ་གཏོང་དགོས་པ་མ་ཟད། བོད་དོན་དང་འབྲེལ་བའི་དྲིལ་བསྒྲགས་ལས་དོན་ཐད་སྔར་ལྷག་ཤུགས་རྒྱབ་དགོས་སྐོར་འགྲེལ་བརྗོད་བྱས་འདུག དེའང་བོད་ལྗོངས་ཉིན་རེའི་གསར་ཤོག་ཐོག་གནས་ཚུལ་ཐོན་གསལ་ལྟར་ན། ཁ་སང་བོད་ཀྱི་རྒྱལ་ས་ལྷ་སར་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་རྒྱུན་ལས་ཚོགས་འདུ་ཚོགས་པ་དང་བསྟུན་ཝུ་ཡིང་ཇེས་རང་ཉིད་ཀྱི་མ་འོངས་པའི་ལས་དོན་དང་འབྲེལ་བའི་དོན་ཚན་ ༡༠ ཅན་གྱི་གཏམ་བཤད་ཞིག་བྱས་ཡོད་འདུག སྐབས་དེར་ཁོ་པས་སྲིད་འཛིན་ཞི་ཅིང་ཕིང་གཙོ་བོར་འགྱུར་བའི་རྒྱ་ནག་དབུས་ཆབ་སྲིད་ལྷན་ཁང་གི་འགོ་ཁྲིད་རྣམས་ནས་བོད་དོན་ལ་དོ་ཁུར་ཆེན་པོ་བྱེད་བཞིན་པ་མ་ཟད། བོད་ནང་བརྟན་ལྷིང་བསྐྲུན་ཆེད་ཏཱ་ལའི་རུ་ཚོགས་ལ་འཐབ་རྩོད་བྱ་རྒྱུ་དེ་ནི་ཆབ་སྲིད་ཀྱི་ལས་འགན་གཙོ་ཆེ་ཞིག་ལ་ངོས་འཛིན་བྱེད་བཞིན་ཡོད་སྐོར་ལུང་འདྲེན་དང་འབྲེལ། ང་ཚོས་ཏཱ་ལའི་བླ་མར་སྐྱོན་བརྗོད་དང་ཏཱ་ལའི་བླ་མའི་བྱ་ངན་ཐེར་བཏོན་གྱི་ལས་དོན་གཏིང་ཟབ་ཏུ་གཏོང་དགོས་ཀྱི་རེད་ཅེས་བརྗོད་པ་མ་ཟད། བོད་མའི་ཆོས་དད་རང་དབང་མུ་མཐུད་སྲུང་སྐྱོབ་བྱ་དགོས་པ་ལྟར་ཆོས་ལུགས་མཐུན་སྒྲིལ་སླད་གཙོ་བོ་བོད་ཀྱི་ནང་པའི་ཆོས་དང་སྤྱི་ཚོགས་རིང་ལུགས་གཉིས་ཕན་ཚུན་སྟུན་མཁས་ཡོང་བའི་ལམ་སྟོན་བཟང་པོ་ཞིག་གཏོད་དགོས་ཀྱི་རེད་ཅེས་བརྗོད་འདུག གཞི་རྩའི་ཝུ་ཡིང་ཇེ་ནི་འདི་ལོའི་ཟླ་ ༨ ཚེས་ ༢༨ ཉིན་བོད་རང་སྐྱོང་ལྗོངས་ཟེར་བའི་དྲུང་ཆེ་ཁྲེན་ཆོན་གོའི་ཚབ་ཏུ་བསྐོ་གཞག་བྱས་པ་དང། ཁྲེན་ཆོན་གོ་ཤིན་ཅང་རང་སྐྱོང་ས་ཁུལ་གྱི་དམར་ཤོག་ཚོགས་པའི་དྲུང་ཆེར་གནས་སྤར་བཏང་ཡོད་པ་རེད། ད་ལྟ་རང་ལོ་ ༥༩ ཡིན་པའི་ཝུ་ཡིང་ཇེ་ནི་ཕྱི་ལོ་ ༡༩༧༤ ཙམ་ནས་བོད་དུ་བསླེབས་ཏེ་མི་ཚེ་ཧྲིལ་པོ་ཁུལ་དེའི་ནང་བསྐྱལ་པ་མ་ཟད། ཕྱི་ལོ་ ༡༩༩༨ ལོར་བོད་རང་སྐྱོང་ལྗོངས་སློབ་གསོ་ལྷན་ཁང་གི་དྲུང་ཆེ་གཞོན་པ་དང་། ཕྱི་ལོ་ ༢༠༠༥...