མགོན་པོ་དོན་གྲུབ་ལགས་སླར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོར་བདམས་ཐོན།

ཉེ་ཆར་ཕྱི་ཟླ་ ༨ ཚེས་ ༢༧ ཉིན་བཞུགས་སྒར་ཉེ་འཁྲིས་སུ་ཆགས་པའི་ Imperial Heights གསོལ་མགྲོན་ཁང་དུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༨ པ་དབུ་འཛུགས་གནང་ཡོད་པ་ལྟར། དེ་རིང་ཕྱི་ཟླ་ ༩ ཚེས་ ༡ ཉིན་ཚོགས་ཆེན་གྱི་ཉིན་མཐའ་མའི་ཐོག་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་ཁང་གི་སྐབས་ ༡༨ པའི་རྒྱུན་ལས་གསར་འདེམས་དང་དམ་འབུལ་སོགས་ཀྱི་ལས་རིམ་ཁག་མཇུག་སྒྲིལ་གྱིས་མགོན་པོ་དོན་གྲུབ་ལགས་སླར་སྐབས་ ༡༨ པའི་སྤྱི་ཁྱབ་ཚོགས་གཙོར་བདམས་ཐོན་བྱུང་འདུགགསར་འགོད་པས་དེ་རིང་བསྐྱར་དུ་འོས་འདེམས་བྱུང་བའི་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས་སུ་བཅར་འདྲི་ཞུས་པར་ཐེངས་འདིའི་ཚོགས་ཆེན་ཐོག་༸གོང་ས་མཆོག་གི་༸སྐུ་ཕྱྭའི་གནད་དོན་འབྲེལ་ནས་༸རྒྱལ་བའི་བཀའ་སྲུང་ཅི་སྒྲུབ་རྒྱུ་དང་བོད་མིའི་ཆིག་སྒྲིལ་གྱི་ནུས་པ་གོང་འཕེལ་དང་། དེ་བཞིན་རྒྱལ་སྤྱིའི་ཁྲོད་དུ་བོད་ཀྱི་ལོ་རྒྱུས་ཀྱི་ཐོག་ནས་རང་བཙན་གཙང་མའི་རྒྱལ་ཁབ་ཅིག་ཡིན་པ་མངོན་གསལ་གནང་སྟེ་གཞི་རྒྱ་ཆེ་བའི་ལས་འགུལ་སྤེལ་རྒྱུ་སོགས་ཀྱི་གྲོས་ཆོད་ཁག་གཅིག་གཏན་འབེབས་བྱུང་ཡོད་པ་གསུངས་སོང་།མགོན་པོ་དོན་གྲུབ་ལགས་གཙོས་དེ་སྔ་སྐབས་ ༡༧ པའི་རྒྱུན་ལས་ ༤ སྐབས་ ༡༨...