འཚམས་འདྲི།

༸གོང་ས་མཆོག་གིས་རྒྱལ་སྤྱིའི་ནང་པའི་ལྷན་ཚོགས་ཐོག་འཚམས་འདྲི་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་ཤར་ཊི་མོར་གྱི་དབུ་ཁྲིད་སྐུ་ཞབས་ Jose Ramos Horta མཆོག་ཡུལ་དེའི་སྲིད་འཛིན་དུ་འོས་འདེམས་བྱུང་བར་དགའ་བསུའི་འཚམས་འཕྲིན་སྩལ་འདུགའདི་ལོའི་ཕྱི་ཟླ་ ༣ དང་ ༤ པའི་ལྷོ་ཤར་ཨེ་ཤ་ཡའི་མངའ་ཁུལ་དུ་ཡོད་པའི་ East  Timor རྒྱལ་ཁབ་ཀྱི་རྒྱལ་ཡོངས་འོས་བསྡུ་ཆེན་མོའི་ཁྲོད་ཡུལ་དེའི་ Fretilin ཚོགས་པའི་སྲིད་འཛིན་འོས་མི་ Francisco Guterres ལགས་ལ་འོས་གྲངས་བརྒྱ་ཆ་ ༣༧ དང་ དེ་བཞིན་ CNRT ཚོགས་པའི་སྲིད་འཛིན་འོས་མི་ Jose Ramos...

དེ་རིང་ཕྱི་ཟླ་ ༡༠ ཚེས་ ༡ ཉིན་རྒྱ་གར་གྱི་སྲིད་འཛིན་ Ram Nath Kovind མཆོག་དགུང་གྲངས་ ༧༦ ལ་ཕེབས་པའི་༸སྐུའི་འཁྲུངས་སྐར་དང་བསྟུན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགའ་བསུའི་འཚམས་འདྲི་སྩལ་བ་དང་འབྲེལ་ཏེ་སྲིད་འཛིན་མཆོག་གིས་རྒྱ་གར་རྒྱལ་ཁབ་ཀྱི་འཕེལ་རྒྱས་དང་ཉམ་ཐག་དབུལ་ཕོངས་ཚོའི་བདེ་དོན་སླད་དུ་ཕྱག་ལས་གནང་བར་ཡི་རངས་བསྔགས་བརྗོད་མཛད་པ་དང་སྦྲགས།རྒྱ་གར་རྒྱལ་ཁབ་ཆེན་པོ་འདིས་ཞི་བདེའི་ཐོག་ནས་འཛམ་གླིང་སྣེ་ཁྲིད་ཐུབ་པར་ཐུགས་རེ་ཡོད་ཅེས་བཀའ་སྩལ་འདུགའཚམས་འཕྲིན་དེའི་ནང་དུ་རྒྱ་གར་གྱི་རྒྱལ་ཁབ་འདི་ནི་ཆོས་ལུགས་དང་ལེགས་བྱང་སྣ་འཛོམས་ལྡན་ཞིང་ཕན་ཚུན་དབར་གུས་བརྩི་དང་མཐུན་སྒྲིལ་ངང་གནས་པའི་རྒྱལ་ཁབ་ཞིག་ཆགས་ཀྱི་ཡོད་པ་དང་། དེ་བཞིན་འཛམ་གླིང་ནང་གི་མི་འབོར་ཕོན་ཆེ་ཤེས་དང་མང་གཙོའི་རྒྱལ་ཁབ་ཆེ་ཤོས་ཤིག་ཀྱང་ཡིན་པར་བཀའ་བསྩལ་བ་དང་འབྲེལ། རྒྱ་གར་གྱི་གནས་བབས་དེ་རྒྱལ་སྤྱིའི་སྡིངས་ཆའི་ཐོག་གོང་འཕེལ་འགྲོ་བཞིན་ཡོད་པ་དང་། ང་ཚོའི་འཛམ་གླིང་འདི་ནི་རིམ་པས་ཕན་ཚུན་དབར་གཅིག་ལ་གཅིག་བརྟེན་གྱི་གནས་སྟངས་ཤུགས་ཆེ་ཆགས་བཞིན་ཡོད་སྟབས། ༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་འདིས་གོ་ལ་ཡོངས་མཐུན་སྒྲིལ་གྱི་ཐོག་ནས་ཞི་བདེ་ལྡན་པ་ཞིག་ཡོང་བར་སྣེ་ཁྲིད་ཀྱིས་ལམ་སྟོན་གནང་བར་ཐུགས་རེ་མཛད་ཀྱི་ཡོད་སྐོར་བཀའ་སྩལ་བ་དང་། ཆབས་ཅིག་ཏུ་རྒྱ་གར་གྱི་གཙིགས་ཆེ་བའི་འཚེ་མེད་ཞི་བ་དང་སྙིང་རྗེ་གཞིར་བཞག་པའི་རྒྱ་གར་གྱི་གནའ་བོའི་ལེགས་བཤད་དག་དེང་གི་དུས་སྐབས་སུའང་ཆེས་ཉེར་མཁོ་བའི་རིག་གནས་ཤིག་ཆགས་ཡོད་སྐོར་ལམ་སྟོན་བཀྲིན་ཆེ་བ་མཛད་འདུགམགོན་པོ་༸གང་ཉིད་མཆོག་གིས་ད་དུང་རྒྱ་གར་རྒྱལ་ཁབ་འདིར་རང་ཉིད་ཀྱི་ཐུན་མིན་གནའ་བོའི་ལེགས་བཤད་དམ་ལེགས་བྱང་དང་དེང་རབས་ཀྱི་ཤེས་ཡོན་གཉིས་ཟུང་འབྲེལ་གནང་རྒྱུ་དང་དེ་བཞིན་འཛམ་གླིང་འདི་སྔར་ལྷག་ཞི་བདེ་ལྡན་པ་ཞིག་བསྐྲུན་རྒྱུའི་ཁྱད་ནུས་དམིགས་བསལ་བ་ཡོད་པར་བཀའ་སྩལ་མཛད་ཡོད་པ་རེད།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་འཛིན་མཆོག་ལ་འཁྲུངས་སྐར་གྱི་གསུང་འཕྲིན་མཇུག་ཏུ་བོད་མི་རྣམས་བཙན་བྱོལ་ལ་འབྱོར་ནས་མི་ལོ་ ༦༢ འཁོར་གྱི་ཡོད་སྐོར་བཀའ་སྩལ་བ་དང་འབྲེལ་ཏེ་མགོན་པོ་༸གང་ཉིད་མཆོག་གིས་བོད་མི་ཡོངས་ཀྱི་སྐུ་ཚབ་མཛད་དེ་རྒྱ་གར་གཞུང་མང་གཉིས་ལ་བོད་མི་ཚོར་བཀྲིན་གཞལ་བར་དཀའ་བའི་གཏོང་ཕོད་དང་ཐུགས་བརྩེ་ཆེན་པོས་མཐུན་འགྱུར་རོགས་རམ་གནང་བར་ཐུགས་རྗེ་ཆེ་ཞེས་བཀའ་སྩལ་བ་མ་ཟད། རྒྱ་གར་གཞུང་མང་གཉིས་ནི་ང་ཚོ་བོད་མིར་དུས་ནམ་ཡང་བཀྲིན་ཆེན་པོ་ཞེས་བཀའ་སྩལ་མཛད་ཡོད། ལྷག་དོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་འཛིན་མཆོག་གི་འཁྲུངས་སྐར་ཉིན་མོ་དང་བསྟུན་གཟུགས་གཞི་བདེ་ཐང་ཡོང་བ་སོགས་ཀྱི་ཐུགས་སྨོན་མཚམས་སྦྱོར་མཛད་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ Nancy Pelosi མཆོག་སླར་ཡང་མདང་དགོང་སླར་ཡང་ཐེངས་བཞི་པར་ཨ་རིའི་གྲོས་ཚོགས་འོག་མའི་ཚོགས་གཙོར་བསྐོ་བཞག་བྱུང་བར་དགའ་བསུའི་འཚམས་འདྲི་མཛད་འདུགའཚམས་འཕྲིན་དེའི་ནང་དུ་མགོན་པོ་༸གང་ཉིད་མཆོག་གིས་ལྕམ་སྐུ་ Nancy Pelosi མཆོག་གིས་སླར་ཡང་གྲོས་ཚོགས་ཀྱི་ཚོགས་གཙོའི་ངོ་བོའི་ཐོག་ནས་མུ་མཐུད་ཨ་རིའི་མི་མང་གི་རེ་བ་དང་མངོན་འདོན་ཁག་བསྒྲུབ་རྒྱུ་མ་ཟད། འཛམ་གླིང་ཞི་བདེ་དང་འཆམ་མཐུན་སྐྲུན་རྒྱུར་གལ་གནད་ཆེ་བའི་གོ་བབ་ཅིག་འཛིན་རྒྱུར་མགོན་པོ་༸གང་ཉིད་མཆོག་ལ་ཐུགས་དོགས་རྩ་བ་ནས་མེད་ཅེས་བཀའ་སྩལ་འདུག དེ་བཞིན་ལྕམ་སྐུ་མཆོག་གིས་ལོ་མང་གི་རིང་ལ་བོད་དོན་རྒྱབ་སྐྱོར་དང་མགོན་པོ་༸གང་ཉིད་མཆོག་ལ་མཛའ་གྲོགས་ཀྱི་འདུ་ཤེས་བཅིངས་པ་སོགས་ལ་༸གོང་ས་མཆོག་ནས་དུས་རྟག་ཏུ་བཀའ་དྲིན་ཆེན་པོར་ཚོར་བཞིན་ཡོད་སྐོར་བཀའ་སྩལ་བ་དང་འབྲེལ། ལྕམ་སྐུ་མཆོག་ལ་ཕྱི་ལོ་གསར་ཚེས་ཀྱི་འཚམས་འཕྲིན་དང་སྨོན་འདུན་མཛད་འདུགབོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་ལྕམ་སྐུ་མཆོག་སླར་ཡང་ཨ་རིའི་གྲོས་ཚོགས་འོག་མའི་ཚོགས་གཙོར་བདམས་ཐོན་བྱུང་བར་དགའ་བསུའི་འཚམས་འདྲི་ཞུས་པ་དང་སྦྲགས། ལྕམ་སྐུ་མཆོག་གི་འཇིགས་ཞུམ་བྲལ་བའི་དབུ་ཁྲིད་ཀྱིས་དཀའ་ངལ་ལ་ལྟོས་མེད་ཀྱིས་འཛམ་གླིང་ནང་གི་གལ་གནད་ཆེ་བའི་གནད་དོན་ཡོངས་ཀྱིས་མཚོན་པའི་འགྲོ་བ་མིའི་ཐོབ་ཐང་སོགས་ལ་དྲང་བདེན་ཐོག་རྒྱབ་སྐྱོར་བླ་མེད་གནང་ཡོད་སྐོར་སོགས་གསུངས་འདུག ལྷག་དོན་སྲིད་སྐྱོང་མཆོག་གིས་ང་ཚོ་བོད་མི་རྣམས་ནས་ལྕམ་སྐུ་མཆོག་གིས་དུས་རྒྱུན་ནས་རྒྱ་ནག་གིས་བོད་ནང་གི་བོད་མིའི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་བཏང་ཁག་གཙོས་པའི་ཨ་རིའི་བོད་དོན་རྒྱབ་སྐྱོར་གྱི་ཁྲིམས་འཆར་གཏན་འབེབས་ཡོང་བར་རྒྱབ་སྐྱོར་ཤུགས་ཆེར་གནང་བར་ཐུགས་རྗེ་ཆེ་ཞེས་ཞུས་པ་དང་ཆབས་ཅིག་ཏུ་རྒྱལ་ཁབ་གཞན་རྣམས་ཀྱིས་ཀྱང་ཨ་རིའི་བོད་དོན་རྒྱབ་སྐྱོར་གྱི་ཁྲིམས་འཆར་གཏན་འབེབས་གནང་དོན་ལྟར་དེ་མཚུངས་གནང་སྐྱོང་ཡོང་བའི་རེ་སྐུལ་ཡང་ཞུས་འདུག

ནོར་ཝེ་རྒྱལ་ས་ Oslo ནང་རྟེན་གཞི་བྱས་པའི་ནོ་སྦེལ་ཞི་བདེའི་གཟེངས་རྟགས་ལྷན་ཚོགས་ཀྱིས་བཙན་གཡེམ་ལ་འགོག་རྒོལ་གནང་མཁན་ Iraq ཡི་ yazidi རིགས་ཀྱི་བུད་མེད་གཅིག་དང། Congo འི་སྨན་པ་ཞིག་ལ་འདི་ལོའི་ནོ་སྦེལ་ཞི་བདེའི་གཟེགས་རྟགས་གནང་རྒྱུ་ཡིན་པ་ཡོངས་བསྒྲགས་གནང་ཡོད་པ་ལྟར། དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཞི་བདེའི་དེད་དཔོན་རྣམ་གཉིས་ལ་དགའ་བསུའི་འཚམས་འཕྲིན་བསྩལ་བ་དང་འབྲེལ། བྱམས་བརྩེ་དངོས་སུ་ལག་བསྟར་གནང་མཁན་ཁོང་གཉིས་ལྟ་བུ་སྐྱེ་བོ་ཀུན་ལ་༸གང་ཉིད་མཆོག་ནས་ཡི་རང་བསྔགས་བརྗོད་ཆེན་པོ་གནང་བཞིན་ཡོད་པར་བཀའ་བསྩལ་འདུག རྩ་བའི་ Dr Denis Mukwege ལགས་ནི་ Congo འི་ Bukavu ཞེས་པའི་ས་གནས་སུ་སྨན་ཁང་ཞིག་བཙུགས་ནས་མི་ཚེ་གང་པོར་བཙན་གཡེམ་ཐེབས་པའི་བུད་མེད་སྟོང་ཕྲག་མང་པོར་སྨན་བཅོས་གནང་མཁན་ཞིག་ཡིན་པ་དང་། ཕྱི་ལོ ༢༠༡༢ ལོར་གོ་མཚོན་ཐོག་པའི་དམག་མིས་ཁོང་ལྐོག་གསོད་གཏོང་ཐབས་བྱས་རྐྱེན་ཡུལ་དེར་གནས་ཐབས་བྲལ་བས་གནས་སྐབས་སུ་རྒྱལ་ཁོངས་ཀྱི་ཕྱི་ལོགས་སུ་བཞུགས་ཡོད་པ་རེད། དེ་བཞིན་ Nadia ...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ཆར་ཨ་རིའི་སྲིད་འཛིན་དང་བྱང་ཀོ་རི་ཡའི་འགོ་ཁྲིད་རྣམ་གཉིས་དབར་མཇལ་མོལ་གནང་བར་འཚམས་འདྲི་གནང་བ་དང་འབྲེལ། མཇལ་མོལ་དེའི་བརྒྱུད་ཀོ་རི་ཡའི་ཉེ་བའི་གླིང་ཕྲན་ཁྱོན་ཡོངས་སུ་རྡུལ་ཕྲན་མཚོན་ཆ་རྩ་མེད་བཟོ་རྒྱུར་ཐུགས་རེ་ཡོད་པ་བཀའ་བསྩལ་འདུག གཟའ་འཁོར་འདིའི་རེས་གཟའ་མིག་དམར་ཕྱི་ཚེས་ ༡༢ ཉིན་ཨེ་ཤ་ཡའི་རྒྱལ་ཁབ་སིངྒ་པུར་ Sentosa གླིང་ཕྲན་ཐོག་ཨ་རིའི་སྲིད་འཛིན་སྐུ་ཞབས་ Donald Trump མཆོག་དང་བྱང་ཀོ་རི་ཡའི་འགོ་ཁྲིད་ Kim Jong-un གཉིས་དབར་ལོ་རྒྱུས་རང་བཞིན་ལྡན་པའི་མཇལ་འཕྲད་གནང་ཡོད་པ་དང་། མཇལ་མོལ་དེ་འཛམ་གླིང་རྒྱལ་ཁབ་ཁག་གི་གཞུང་དང་དེ་བཞིན་གསར་འགྱུར་བརྒྱུད་ལམ་སོགས་ནས་དོ་སྣང་ཆེན་པོ་གནང་ཡུལ་ཞིག་ཆགས་ཡོད་པ་རེད། ཁ་སང་ཟླ་ ༦ ཚེས་ ༡༣ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་ཁྲིད་རྣམ་གཉིས་ཀྱི་མཇལ་མོལ་ལ་དགའ་བསུའི་གསུང་འཕྲིན་ཞིག་བསྩལ་བའི་ནང་གྲོས་མོལ་ནི་རྒྱལ་ཁབ་དང་མི་སྒེར་སོ་སོའི་དབར་ཡོད་པའི་དཀའ་ངལ་སེལ་ཐབས་བྱ་རྒྱུའི་ཐབས་ལམ་གཅིག་པོ་དེ་ཡིན་པ་དང་དེ་ལ་༸གང་ཉིད་མཆོག་ནས་ཡིད་ཆེས་བརྟན་པོ་ཡོད་ཅེས་བཀའ་བསྩལ་བ་དང་འབྲེལ། སྤྱིར་མགོན་པོ་༸གང་ཉིད་མཆོག་ནི་འཛམ་གླིང་འདིའི་ནང་གོ་མཚོན་མེད་པ་བཟོ་རྒྱུ་དང་རྡུལ་ཕྲན་མཚོན་ཆ་རྩ་མེད་བཟོ་ཐབས་ལ་ཡོངས་གྲགས་ཐོག་རྒྱབ་སྐྱོར་གནང་མཁན་ཞིག་ཡིན་སྟབས། ད་རེས་རྒྱལ་ཁབ་ཕྱོགས་གཉིས་དབར་ལོ་རྒྱུས་རང་བཞིན་ལྡན་པའི་ངོ་ཐུག་མཇལ་མོལ་དེར་དགའ་ཚོར་ཆེན་པོས་འཚམས་འདྲི་ཡོད་ཅེས་བཀའ་བསྩལ་བ་དང་ཆབས་ཅིག་ཏུ་མཇལ་མོལ་དེའི་བརྒྱུད་ཀོ་རི་ཡའི་ཉེ་བའི་གླིང་ཕྲན་ཁྱོན་དུ་རྡུལ་ཕྲན་མཚོན་ཆ་རྩ་མེད་བཟོ་བའི་བརྒྱུད་ཞི་བདེ་རྒྱུན་གནས་ཐུབ་པར་ཐུགས་རེ་ཡོད་སྐོར་བཀའ་བསྩལ་འདུག ༸གོང་ས་མཆོག་གིས་གསུང་འཕྲིན་དེའི་ནང་ད་དུང་རྒྱལ་ཁབ་ཕྱོགས་གཉིས་པོའི་དབུ་ཁྲིད་ནས་ད་རེས་གོམ་སྟབས་ཆེན་པོ་དེ་འདྲ་ཞིག་སྤོ་གནང་བར་ཆེ་བསྟོད་དང་འབྲེལ། དབུ་ཁྲིད་རྣམ་གཉིས་ཀྱིས་འབད་བརྩོན་གནང་བ་དེས་མ་འོངས་པར་འགྲོ་བ་མིའི་ཚེ་སྲོག་ལ་གནོད་པའི་འཇིགས་སྣང་ཆེ་བའི་གོ་མཚོན་དེ་དག་མེད་པ་བཟོ་རྒྱུར་གཞན་ལའང་སེམས་ཤུགས་འཕར་མ་ཞིག་སྦྱིན་པ་དང་། རིང་མིན་གོ་ལའི་ཐོག་དོན་དམ་པའི་ཞི་བདེ་ཡུན་གནས་ཐུབ་རྒྱུར་ཐུགས་རེ་ཡོད་པར་མ་ཟད་༸གང་ཉིད་མཆོག་ནས་མཇལ་མོལ་དེ་ནས་བཟང་ཕྱོགས་ཀྱི་གྲུབ་འབྲས་ཤིག་ཐོན་རྒྱུར་ཐུགས་སྨོན་ཡོད་པ་བཀའ་བསྩལ་འདུག