ཡོ་རོབ་བོད་རིགས་ཚོགས་པའི་ལོ་འཁོར་ཚོགས་ཆེན་ཐེངས་གཉིས་པ།

བོད་ནང་གི་ཛ་དྲག་གནས་བབ་ལ་ཐུགས་འཚབ་ཀྱིས་བོད་དོན་ཞུ་གཏུག་སྔར་ལྷག་རྒྱ་སྐྱེད་གཏོང་ཐབས་ལ་དམིགས་ཏེ་མི་ལ་ནོ་བསྒྲགས་གཏམ་སྤེལ་ཐོག་ཡོ་རོབ་བོད་རིགས་ཚོགས་པའི་ལོ་འཁོར་ཚོགས་ཆེན་ཐེངས་གསུམ་པ་མཇུག་སྒྲིལ་གནང་ཡོད།ཨི་ཊ་ལི་གྲོང་ཁྱེར་མི་ལན་ནང་རྟེན་གཞི་བྱས་པའི་བོད་བརྒྱུད་ནང་བསྟན་གྱི་ཆོས་ཚོགས་དགེ་འཕེལ་གླིང་དུ་ཕྱི་ཟླ་ ༡༠ ཚེས་ ༡ དང་ ༢ བཅས་ཉིན་གྲངས་གཉིས་རིང་ཚོགས་པའི་ཚོགས་ཆེན་དེ་མཇུག་སྒྲིལ་གནང་བ་དང་བསྟུན་ཚོགས་བཅར་བ་རྣམས་ཀྱིས་བོད་ནང་གི་གནས་སྟངས་ལ་ཐུགས་འཚབ་དང་འབྲེལ་ཏེ་བོད་ནང་གི་ཛ་དྲག་གནས་སྟངས་སྐོར་གོ་རྟོགས་དང་བོད་དོན་ཞུ་གཏུག་སྔར་ལྷག་རྒྱ་སྐྱེད་གཏོང་ཐབས་ཀྱི་མཚན་རྟགས་བཀོད་དེ་མི་ལ་ནོའི་བསྒྲགས་གཏམ་ཞེས་པ་ཞིག་སྤེལ་འདུག བསྒྲགས་གཏམ་ནང་ཡོ་རོབ་ཁུལ་གྱི་བོད་རིགས་ཚོགས་པ་རྣམས་ཀྱིས་བོད་ནང་རྒྱ་ནག་གཞུང་གིས་མི་རིགས་རྩ་མེད་བཟོ་བར་དམིགས་ཏེ་བཙན་དབང་གིས་ལོ་ན་ ༤ ཡན་ཆད་ཀྱི་བོད་ཕྲུག་དུ་མ་རང་ཉིད་ཀྱི་ཕ་མ་དང་ཁ་བྲལ་བཏང་སྟེ་མི་སེར་སྤེལ་བའི་གཏན་འཇགས་སློབ་གྲྭར་བཏང་བ་མ་ཚད་པར་ཆབ་སྲིད་ཀྱི་སློབ་གསོ་སྤྲོད་བཞིན་པར་ཐུགས་འཚབ་དང་ཉེ་ཆར་བོད་ནས་ཐོན་པའི་གནས་ཚུལ་ནང་རྒྱ་གཞུང་གིས་ཏོག་དབྱིབས་གཉན་རིམས་ཁྱབ་གདལ་ཁྲོད་བོད་མི་རྣམས་གང་བྱུང་དུ་འགོག་དབྱེ་ཟུར་འཇོག་ཁང་དུ་བཞག་ནས་ཞལ་ལག་དང་སྨན་བཅོས་གཙོས་གཞི་རྩའི་མཐུན་རྐྱེན་ཁག་དུད་ཐོག་ཏུ་སྦྱོར་སྤྲོད་བྱེད་ཀྱི་མེད་པའི་ཆེས་ཡ་ང་བའི་གནས་སྟངས་འོག་བཞག་པ་དང་བོད་མི་ཁག་ཅིག་གིས་དེ་ལྟར་མ་བཟོད་ནས་རང་སྲོག་བཅད་པའི་གནས་དོན་བྱུང་སྐོར་དང་། ལྷག་པར་བོད་མི་རྣམས་ལ་མུ་མཐུད་དྲག་གནོན་སླད་སྐྱེས་པ་དང་སྐྱེས་མ། དེ་བཞིན་ཕྲུ་གུ་རྣམས་ཀྱི་རིགས་རྫས་མཁོ་སྒྲུབ་བྱེད་ཀྱི་ཡོད་པར་འགྲེལ་བརྗོད་གནང་བ་དང་ཆབས་ཅིག་བོད་མིའི་ཐོག་ཏུ་དྲག་གནོན་ཅན་གྱི་སྲིད་བྱུས་ལག་བསྟར་བྱས་དང་བྱེད་བཞིན་པའི་བྱ་སྤྱོད་དག་ལ་མཐའ་གཅིག་ཏུ་ངོ་རྒོལ་དང་། རྒྱ་གཞུང་ནས་མི་སེར་སྤེལ་བའི་གཏན་འཇགས་སློབ་གྲྭ་ཇི་ཡོད་རྣམས་འཕྲལ་མར་སྒོ་བརྒྱབ་དགོས་པར་མ་ཟད། གཉན་རིམས་ཀླད་ཀོར་གྱི་སྲིད་བྱུས་ལ་ཁག་དཀྲི་བྱས་ཏེ་བོད་མི་རྣམས་ལ་དམ་དྲག་དང་བཙན་དབང་གིས་རིགས་རྫས་མཁོ་སྒྲུབ་བྱེད་མུས་འཕྲལ་མར་མཚམས་འཇོག་དགོས་ཞེས་གསུངས་འདུགརྒྱ་གཞུང་གིས་རྒྱ་ནག་གི་རྩ་ཁྲིམས་དང་རྒྱལ་སྤྱིའི་ཁྲིམས་སྒྲིག་ནང་བོད་མི་རྣམས་ལ་སྐད་ཡིག་དང་ཆོས་དད་རང་དབང་། རང་སྐྱོང་གི་གནས་བབ་ཚུད་པའི་སྤྱི་ཚོགས་དང་རིག་གཞུང་། དཔལ་འབྱོར་གྱི་ཐོབ་ཐང་འཁོད་པ་ལྟར་དེ་དག་ལ་བརྩི་སྲུང་དང་ལག་བསྟར་ཞུ་དགོས་ཞེས་གསུངས་པ་དང་། ལྷན་ཅིག་ཏུ་ཡོ་རོབ་ཀྱི་གཞུང་ཁག་དང་གྲོས་ཚོགས། ཡོ་རོབ་མཐུན་ཚོགས། དེ་བཞིན་རྒྱལ་ཚོགས་བཅས་ཀྱིས་རྒྱ་ནག་ལ་འགྲོ་བ་མིའི་ཐོབ་ཐང་རྡོག་རོལ་གཏོང་མཚམས་འཇོག་དགོས་པ་དང་རྒྱལ་སྤྱིའི་ཁྲིམས་སྒྲིག་ལ་བརྩི་འཇོག་ཞུ་དགོས་པའི་གནོན་ཤུགས་སྤྲོད་དགོས་ཞེས་གསུངས་ཡོད།  སུད་སི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཀྱིས་འདི་ལོའི་ལོ་འཁོར་ཚོགས་ཆེན་ཚོགས་པའི་དགོས་དམིགས་གཙོ་བོ་ནི་རིང་མིན་ཕྱི་ལོ་ ༢༠༢༣ ལོའི་ཡོ་རོབ་རྒྱལ་ཁབ་ཨི་ཊ་ལིའི་རྒྱལ་ས་རོམ་དུ་འཚོགས་རྒྱུའི་གསུམ་དུས་ལས་འགུལ་ཆེན་མོ་སྤེལ་ཕྱོགས་དང་འབྲེལ་བའི་བཀའ་བསྡུར་གནང་ཆེད་ཡིན་པར་གསུངས་ཡོད་ལ། ཆོགས་ཆེན་ཐོག་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་དགུ་བཅུ་བདག་གིར་བཞེས་པའི་༸སྐུའི་གོ་སྟོན་སྐབས་ཡོ་རོབ་བོད་རིགས་ཚོགས་པ་ཐོུང་ནས་མགོན་པོ་༸གང་ཉིད་མཆོག་ལ་བརྟན་བཞུགས་འདེགས་འབུལ་ཞུ་ཐབས་དང་། བོད་རིགས་ཚོགས་པ་ཕན་ཚུན་དབར་འབྲེལ་ལམ་དམ་ཟབ། བོད་མིའི་སྒྲིག་འཛུགས་ཀྱི་ལས་དོན་ཁག་དབུ་འོག་དཔུང་འདེགས་ཞུ་ཕྱོགས། ཡོ་རོབ་ཁུལ་དུ་བོད་དོན་ཆབ་སྲིད་ཀྱི་ལས་འགུལ་ནུས་པ་ཤུགས་ཆེ་རུ་གཏོང་ཐབས་སོགས་གྲོས་གཞི་ཁག་ལྔའི་ཐོག་གོ་བསྡུར་གནང་ཡོད།

ཟླ་བ་འདིའི་ཕྱི་ཚེས་ ༡༨ དང་ ༡༩ བཅས་ཉིན་གྲངས་གཉིས་རིང་ཕ་རན་སིའི་རྒྱལ་ས་པེ་རི་སིར་རྟེན་གཞི་བྱས་པའི་རིག་པ་ཆོས་ཚོགས་སུ་ཡོ་རོབ་ཕྱོགས་བཞུགས་བོད་མི་མང་སྤྱི་འཐུས་རྣམ་པ་དང་ཡོ་རོབ་བོད་ཀྱི་སྐུ་ཚབ་དོན་གཅོད་བཅས་ཐུང་མོང་གི་གོ་སྒྲིག་འོག་ཡུ་རོབ་བོད་རིགས་ཚོགས་པ་ཁག་གི་ལོ་འཁོར་ཚོགས་ཆེན་ཐེངས་གཉིས་པ་ཚོགས་ཡོད།ཚོགས་འདུ་དེ་གཙོ་བོ་ཡོ་རོབ་ཁུལ་གྱི་བོད་རིགས་ཀྱི་ཚོགས་པ་ཁག་གི་སྒྲིག་འཛུགས་སྔར་ལྷག་ཚགས་ཚུད་ཐོག་བོད་དོན་འཐབ་རྩོད་ཀྱི་ནུས་པའི་གོང་བུ་གཅིག་སྒྲིལ་རྒྱུན་གནས་སྲ་བརྟན་དང་བོད་རིགས་ཚོགས་ཁག་གི་བོད་དོན་ཆབ་སྲིདཐོག་ཐུན་མོང་གིས་གཞི་རྒྱ་ཆེ་བའི་ཆབ་སྲིད་ཀྱི་ལས་འགུལ་སྤེལ་ཕྱོགས་སོགས་ལ་ཆེད་དམིགས་ཀྱིས་ཚོགས་པ་ཞིག་ཡིན་པ་རེད།ཚོགས་འདུའི་ཐོག་ཡོ་རོབ་བོད་མི་མང་སྤྱི་འཐུས་རྣམ་པ་གཉིས་དངསྐུ་ཚབ་དོན་གཅོད་ཁག་གིས་གཙོས་པའི་སུད་སི་དང་འཇར་མི་ནི། ཕ་རན་སི། སྦེལ་ཇམ།  ནི་དྷར་ལན་ཌི། པོ་ལན་ཌི། ཨི་ཊ་ལི། སེ་པན། ཨོ་སི་ཀྲི་ཡ། དེ་བཞིན་ཅེཀ་སྤྱི་མཐུན་རྒྱལ་ཁབ་བཅས་ཡོ་རོབ་རྒྱལ་ཁབ་བཅུའི་ནང་གི་བོད་རིགས་ཚོགས་པ་ཁག་གི་ཚོགས་གཙོ་དང་ཚོགས་གཞོན། སྐུ་ཚབ་འཐུས་མི་སོགས་ཁྱོན་ཚོགས་བཅར་ ༢༦ ལྷག་འདུ་འཛོམས་བྱུང་འདུགཐེངས་འདིའི་ཡོ་རོབ་བོད་རིགས་ཚོགས་པ་ཁག་གི་ལོ་འཁོར་ཚོགས་ཆེན་ཐོག་ཡོ་རོབ་བོད་རིགས་ཚོགས་པ་ཁག་འབྲེལ་ལམ་དམ་གཟབ་ཐོག་༸རྒྱལ་བའི་བཀའ་དགོངས་འགལ་མེད་སྒྲུབ་རྒྱུ་དང་། བོད་མིའི་སྒྲིག་འཛུགས་ལ་དབུ་འོག་དཔུང་འདེགས་ཞུ་ཕྱོགས་སྐོར། ཆོས་རིག་དང་སྐད་ཡིག་སོགས་འཛིན་སྐྱོང་སྤེལ་གསུམ་བྱེད་ཕྱོགས་སྐོར། ཐུན་མོང་གིས་གཞི་རྒྱ་ཆེ་བའི་ཆབ་སྲིད་ཀྱི་ལས་འགུལ་སྤེལ་ཕྱོགས་སོགས་ཀྱིས་མཚོན་པའི་གྲོས་གཞི་ཁག་ལྔའི་ཐོག་བགྲོ་གླེང་དང་གྲོས་བསྡུར་ལྷུག་པོར་གནང་ཡོད་པ་རེད།རྩ་བའི་ཡོ་རོབ་ཁུལ་གྱི་ལོ་འཁོར་ཚོགས་ཆེན་ཐེངས་དང་པོ་དེ་ཕྱི་ལོ་ ༢༠༡༩ ལོར་ཡོ་རོབ་རྒྱལ་ཁབ་སི་པན་གྱི་རྒྱལ་ས་སྦར་སི་ལོ་ནར་ཚོགས་ཡོད་པ་དང་། ད་རེས་ཀྱི་ཚོགས་འདུ་དེ་ཐེངས་གཉིས་པ་དེ་ཆགས་ཀྱི་ཡོད་པ་རེད། སྤྱིར་སྔར་དང་མི་འདྲ་བར་འདས་པའི་ལོ་ཤས་ནང་དུ་ཡོ་རོབ་རྒྱལ་ཁབ་སུད་སི་དང་ཕར་རན་སི་། དེ་བཞིན་སྦེལ་འཇམ་གཙོས་ཡོ་རོབ་རྒྱལ་ཁབ་གཞན་ཁག་ཏུ་སྐྱབས་བཅོལ་དུ་ཡོང་མཁན་བོད་མི་ཇེ་མང་དུ་སོང་བར་བརྟེན་ད་ལྟའི་ཆར་ཡོ་རོབ་ཁུལ་དུ་སྐྱབས་བཅོལ་བོད་མིའི་གྲངས་འབོར་དེ་ཁྲི་གཉིས་ལྷག་ཙམ་ཡོད་པར་ཚོད་དཔག་གནང་གི་འདུག