རྒྱ་གཞུང་གིས་རང་སྲེག་གནང་མཁན་བོད་མི་གསུམ་གློད་བཀྲོལ་བཏང་འདུག

རང་ལུས་མེར་བསྲེགས་བཏང་ནས་རྒྱ་གཞུང་ལ་ཞི་རྒོལ་གནང་རྐྱེན་འཛིན་བཟུང་བྱས་པའི་བོད་མིའི་ཁྲོད་ནས་རྔ་བ་ཀིརྟི་དགོན་པའི་དགེ་འདུན་པ་གསུམ་དུས་ཚོད་སྔ་རྗེས་སུ་གློད་བཀྲོལ་བཏང་འདུག དེའང་ཟླ་བ་འདིའི་ཚེས་ ༢༩ ཉིན་གྲྭ་བློ་བཟང་སྐལ་བཟང་ལགས་རྔ་བ་ཏིག་ཡང་བཙོན་ཁང་ནས་གློད་གྲོལ་བཏང་ཡོད་པ་དང་། ཁོང་ནི་དེ་སྔོན་༢༠༡༡ ལོ་ཟླ་ ༣ ཚེས་ ༡༦ ཉིན་རང་ལུས་མེར་སྲེག་གནང་མཁན་གྲྭ་ཕུན་ཚོགས་ལགས་ཀྱི་ཚ་བོ་ཡིན་པ་རེད་འདུག གཞི་རྩའི་ཕྱི་ལོ་ ༢༠༡༡ ཟླ་ ༩ ཚེས་ ༢༦ ཉིན་བོད་ནང་གི་སྔ་དྲོ་ཚོུད་ ༡༠།༠༠ ཡས་མས་ཤིག་ལ་བོད་མདོ་སྨད་རྔ་བ་ཀིརྟི་དགོན་གྱི་རང་ལོ་ ༡༨ སོན་པའི་གྲྭ་བློ་བཟང་སྐལ་བཟང་ལགས་དང་རང་ལོ་ ༡༨ ཡིན་པའི་གྲྭ་བློ་བཟང་དཀོན་མཆོག་ལགས་རྣམ་གཉིས་ཀྱིས་༸རྒྱལ་བ་རིན་པོ་༸སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས་ཞེས་རྔ་པ་རྫོང་གི་ཁྲོམ་གཞུང་དུ་རང་སྲེག་གནང་བཞིན་ཞི་རྒོལ་གནང་ནས་དུས་ཡུན་རིང་པོ་མ་འགོར་བར་རྒྱ་གཞུང་གི་དྲག་ཆས་ཉེན་རྟོག་མི་སྣ་འབྱོར་ནས་ཁོང་གཉིས་འཛིན་བཟུང་བྱས་རྗེས་ད་བར་ལོ་ངོ་དྲུག་ཙམ་རིང་གར་སོང་ཆ་མེད་དུ་གྱུར་ཡོད་པ་རེད། དེ་བཞིན་ཁོང་གི་རོགས་པ་རྔ་བ་ཀིརྟི་དགོན་གྱི་གྲྭ་བློ་བཟང་དཀོན་མཆོག་ལགས་འདིའི་ལོ་ཟླ་ ༣ ཚེས་...