རྒྱ་ནག་གི་དྲག་གནོན་སྲིད་བྱུས་ལ་གཞིས་བྱེས་བོད་མིའི་སྙིང་སྟོབས་ནམ་ཡང་ཞུམ་གྱི་མ་རེད།

དེ་རིང་ཟླ་ ༣ ཚེས་ ༡༤ ཉིན་རྒྱ་གར་གྱི་རྒྱལ་ས་ལྡི་ལིའི་ནང་བོད་མིའི་གཞུང་འབྲེལ་མ་ཡིན་པའི་ཚོགས་པ་ལྔས་ཕྱི་ལོ་ ༢༠༠༨ ལོའི་ས་བྱི་ཞི་རྒོལ་གྱི་དྲག་གནོན་རྗེས་དྲན་ཞེས་པའི་ལས་འགུལ་ཞིག་སྤེལ་ཡོད། དེའང་ལྡི་ལི་ཁུལ་གྱི་བོད་མི་ཚོས་ Parliament Street ཁུལ་དུ་ངོ་རྒོལ་རྔམ་སྟོན་གྱི་ལས་འགུལ་ཞིག་སྤེལ་བ་དང་། ལས་འགུལ་དེ་ནི་ཕྱི་ལོ་ ༢༠༠༨ ལོའི་གསུམ་བཅུའི་དུས་དྲན་ནས་ཚེས་ ༡༣ བར་བོད་ཀྱི་རྒྱལ་ས་ལྷ་ས་ནས་ཐོག་མར་དབུ་འཛུགས་ཀྱིས་བོད་རྒྱལ་ཡོངས་སུ་རྒྱ་ནག་གིས་བོད་མིའི་ཐོག་འཛིན་པའི་སྲིད་བྱུས་ལ་བོད་མི་ཚོས་མ་གྲོས་སེམས་པ་གཅིག་མཐུན་གྱིས་ཞི་བའི་སྒེར་ལངས་གནང་ཡོད་པ་དང་།    མཐར་ཕྱི་ཚེས་ ༡༤ ཉིན་རྒྱ་ནག་གི་དྲག་ཆས་དམག་དཔུང་གིས་བོད་མིའི་ཐོག་དྲག་གནོན་ཤུགས་ཆེ་བྱས་སྟབས་བོད་མི་ལས་འགུལ་བ་ ༢༢༥ ལྷག་གི་ཚེ་སྲོག་ཤོར་བའི་གནས་ཚུལ་བྱུང་བ་མ་ཟད།  བོད་མི་ ༧༠༠༠ ཙམ་ཞིག་འཛིན་བཟུང་དང་དེ་བཞིན་བོད་མི་ ༥༠༠...