རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་དེ་དྲུག་བཞིའི་དོན་རྐྱེན་རྗེས་སུ་གདུག་རྩུབ་ཆེ་ཤོས་སུ་གྱུར་ཡོད།

ཁ་སང་རྒྱ་ནག་གཞུང་གིས་བོད་གཙོས་ཤར་ཏུར་ཀི་སི་ཐན། ལྷོ་སོག་བཅས་ཀྱི་འགྲོ་བ་མིའི་ཐོབ་ཐང་རྡོག་རོལ་བཏང་དང་གཏོང་བཞིན་པར་བྱ་ར་གནང་ཕྱིར་ཉི་ཧོང་གྲོས་ཚོགས་འཐུས་མིའི་བྱུས་སྟོན་ཚོགས་ཆུང་ཞིག་གསར་འཛུགས་གནང་བ་དེ་དབུ་འབྱེད་གནང་འདུགཁ་སང་ཕྱི་ཚེས་ ༥ ཉིན་ཉི་ཧོང་གྲོས་ཚོགས་ཀྱི་ཚོགས་ཁང་དུ་བོད་དང་ཡུ་གུར། ལྷོ་སོག་གི་གནད་དོན་ལ་རྒྱབ་སྐྱོར་གནང་མཁན་གྱི་ཉི་ཧོང་གྲོས་ཚོགས་འཐུས་མི་ཁག་གཅིག་ལྷན་འཛོམས་ཀྱིས་རྒྱ་གཞུང་གིས་བོད་ཀྱིས་གཙོས་པའི་ཤར་ཏུར་ཀི་སི་ཐན་དང་ལྷོ་སོག་བཅས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་ཐད་བྱ་ར་གནང་ཕྱིར་ཉི་ཧོང་གྲོས་ཚོགས་འཐུས་མིའི་བྱུས་སྟོན་ཚོགས་ཆུང་གསར་འཛུགས་གནང་བ་དེ་གསལ་བསྒྲགས་གནང་ཡོད།ཚོགས་ཆུང་གི་ཚོགས་གཙོ་དང་དྲུང་ཆེར་ཉི་ཧོང་གི་གུ་ཡངས་མང་གཙོ་ཚོགས་པའི་འཐུས་མི་ Keiji Furuya ལགས་དང་ Hiromi Mitsuybayashi བསྐོ་གཞག་བྱུང་འདུག གྲོས་ཚོགས་འཐུས་མི་སྐུ་ཞབས་ Keiji Furuya ལགས་དང་དཔལ་འབྱོར་བདེ་འཇགས་ཀྱི་བློན་ཆེན་ལྕམ་སྐུ་ Sanae Takaichi མཆོག ཉི་ཧོང་གི་སྲིད་བྱུས་ཉམས་ཞིབ་ཁང་གི་ངེས་སྟོན་པ་ལྕམ་ Yoshiko Sakurai ལགས་རྣམ་པས་རྒྱ་ནག་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་ཐད་རྒྱལ་སྤྱིའི་སྤྱི་ཚོགས་ནས་མུ་མཐུད་ཁུ་སིམ་པོར་བཞུགས་པའི་རྐྱེན་གྱིས་རྒྱ་གཞུང་གི་བྱེད་སྟངས་ལ་ད་ཆ་བཟང་ཕྱོགས་ཀྱི་འགྱུར་བ་གང་ཡང་ཕྱིན་མེད་པ་དང་ལྷག་པར་ད་ཆ་ང་ཚོས་རྒྱལ་སྤྱིའི་ཁྲིམས་སྒྲིག་སྲུང་སྐྱོབ་གནང་རྒྱུ་དང་རྒྱ་ནག་གི་བྱེད་ཕྱོགས་ལ་བཀའ་མོལ་གནང་བའི་དུས་ལ་སླེབས་ཡོད་ཅེས་གསུང་བཤད་གནང་ཡོད། དེ་བཞིན་ཉི་ཧོང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Shimomura...

ཨ་རིར་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་འཛམ་གླིང་གི་རྒྱལ་ཁབ་བརྒྱ་ལྷག་གི་འགྲོ་བ་མིའི་ཐོབ་ཐང་གི་གནས་སྟངས་ལ་ཞིབ་འཇུག་གནང་བའི་ལོ་འཁོར་སྙན་ཐོ་ཞིག་འདོན་སྤེལ་བརྒྱུད་ད་ཆ་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་དེ་དེ་སྔ་དྲུག་བཞིའི་དོན་རྐྱེན་གྱི་ལས་འགུལ་སྤེལ་རྗེས་ཆེས་མུན་ནག་དང་གདུག་རྩབ་ཆེ་ཤོས་སུ་གྱུར་ཡོད་པར་ཐེར་འདོན་གནང་འདུགའགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཁ་སང་འདོན་སྤེལ་གནང་བའི་སྙན་ཐོར་རྒྱ་གཞུང་གིས་འདས་ལོའི་ནང་བོད་དང་ཤིན་ཅང་། དེ་བཞིན་ནང་སོག་ནང་གི་གྲངས་ཉུང་མི་རིགས་རྣམས་ཀྱི་ཐོག་དྲག་གནོན་ཆེས་ཆེར་བྱེད་བཞིན་རྐྱེན་གྱིས་འགྲོ་བ་མིའི་ཐོབ་ཐང་གི་གནས་བབ་ཧ་ཅང་ཛ་དྲག་གི་ངོ་བོར་གྱུར་ཡོད་པར་མ་ཟད་ཧོང་ཀོང་ནང་གི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་དང་ལྷག་དོན་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ཀྱི་གནས་ཚུལ་སྦས་གསང་སོགས་ནི་ད་ལྟའི་རྒྱ་ནག་གི་སྲིད་འཛིན་ཞི་ཅིན་ཕིང་གི་དབང་འཛིན་འོག་གནས་སྟངས་ཆེས་ཇེ་སྡུག་ཏུ་འགྲོ་བཞིན་པའི་ཆ་ཤས་ཤིག་ཡིན་པར་མངོན་གསལ་གནང་སྟེ། འདས་ལོའི་རྒྱ་ནག་ནང་འགྲོ་བ་མིའི་ཐོབ་ཐང་གི་གནས་སྟངས་དེ་དེ་སྔ་ཕྱི་ལོ་ ༡༩༨༩ ལོར་རྒྱ་ནག་སྲིད་གཞུང་གིས་གནམ་སྡེ་སྒོ་མོ་ཆེའི་ཐང་ཆེན་དུ་སློབ་ཕྲུག་སྟོང་ཕྲག་མང་པོ་དམར་གསོད་བཏང་བའི་དྲུག་བཞིའི་དོན་རྐྱེན་གྱི་ལས་འགུལ་རྗེས་སུ་ཆེས་མུན་ནག་དང་གདུང་རྩུབ་ཆེ་ཤོས་སུ་གྱུར་ཡོད་པར་ཐེར་འདོན་གནང་འདུག འདས་ལོདེའི་ནང་རྒྱལ་སྤྱིའི་སྲིད་གཞུང་ཁག་གིས་འཁོན་ལན་གྱི་ཉེན་ཁ་སོགས་ལ་མ་འཛེམ་པར་རྒྱ་ནག་གི་དྲག་པོའི་སྲིད་བྱུས་དག་ལ་སྐྱོན་བརྗོད་གནང་བའི་རྣམ་པ་གསར་པ་ཞིག་ཐོན་ཡོད་པར་འགྲེལ་བརྗོད་གནང་ཡོད། སྙན་ཐོར་སྔ་ལོ་ཕྱི་ཟླ་ ༡༢ ནང་རྒྱ་ནག་ཝུ་ཧན་ནང་ཏོག་དབྱིབས་གཉན་རིམས་ཁྱབ་བརྡལ་བྱུང་བ་ནས་བཟུང་རྒྱ་གཞུང་གིས་སྨན་པ་ Li Wenliang ལགས་དམ་པ་དེ་ཉིད་ཀྱིས་གཙོས་པའི་དེའི་སྐོར་དངོས་ཡོད་གནས་ཚུལ་གསུང་མཁན་རྣམས་འཛིན་བཟུང་བཀག་ཉར་དང་སུན་གཙེར་བཟོ་བ་དང་གར་སོང་ཆ་མེད་དུ་བཏང་བ་སོགས་ཀྱི་གནས་ཚུལ་རིམ་པ་ཐོན་ཡོད་པ་དེས་རྒྱལ་སྤྱིའི་ཁྱོན་ལ་རྒྱ་ནག་གི་དྲག་པོའི་རིང་ལུགས་གསལ་བཏོན་དང་སྦྲགས། རྒྱ་གཞུང་གིས་ཤིན་ཅང་ནང་གི་ Turkic ཁ་ཆེ་མི་མང་སྟོང་ཕྲག་མང་པོ་བཙན་དབང་གིས་བཀག་སྐྱིལ་དང་། རྒྱ་ནག་རྒྱལ་ཡོངས་ཀྱི་བཟོ་ཚོང་ཁང་གང་སར་འགྲེམས་འཇོག་གིས་བཙན་ཤེད་བྱེད་བཞིན་པར་མ་ཟད། ནང་སོག་གི་སློབ་གྲྭ་ཁག་ཏུ་རང་ཉིད་ཀྱི་སྐད་ཡིག་ཚབ་ཏུ་རྒྱ་ཡིག་སློབ་ཏུ་བཅུག་པ་དང་ལྷག་དོན་བོད་ནང་ལ་མཚོན་ན་རྒྱ་གཞུང་གིས་མུ་མཐུད་བོད་མིའི་ཆོས་དད་དང་སྨྲ་བརྗོད། འདུ་འཛོམས་བཅས་ཀྱི་རང་དབང་ལ་ཆེས་དམ་དྲག་བྱས་ནས་བོད་ནང་གཏེར་ལས་དང་ས་ཞིང་བཙན་འཕྲོག་བྱེད་བཞིན་པའི་གནད་དོན་བཅས་ལ་བརྟེན་ནས་རྒྱ་ནག་ཉེན་རྟོག་པས་བོད་རིགས་མང་ཚོགས་ཐོག་ཁྲིམས་འགལ་གྱིས་བྱ་སྤྱོད་མི་སྤྱོད་ལས་འདས་པ་སྤེལ་མུས་ཡིན་པར་མངོན་གསལ་གནང་འདུགའགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་ཉམས་ཞིབ་པ་ Yaqui Wang ལགས་ཀྱིས་ཞི་ཅིན་ཕིང་རྒྱ་ནག་དམར་ཤོག་ཚོགས་པའི་སྲིད་འཛིན་ཆགས་པ་ནས་བཟུང་ཡུལ་དེའི་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་སྔར་ལས་བརྩི་མེད་རྡོག་རོལ་མང་བ་བཏང་དང་གཏོང་མུས་ཁྲོད་འདིར་རྒྱ་ནག་ནང་རང་དབང་ལྡན་པའི་ལས་འགུལ་གང་འདྲ་སྤེལ་ཡང་དེར་གཞུང་འཛིན་ཚོགས་པས་བཟོད་སྒོམ་མི་ཐུབ་པའི་གནས་སུ་གྱུར་ཡོད་པར་བརྗོད་འདུག ཚོགས་པའི་སྤྱི་ཁྱབ་ངེས་སྟོན་པ་ Kenneth Roth ལགས་ཀྱིས་ཀྱང་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནས་བབ་ཐད་རྒྱ་ནག་དེ་ཉེན་ཁ་ཆེ་ཤོས་སུ་གྱུར་ཡོད་པར་འགྲེལ་བརྗོད་དང་བསྦྲགས། སྲིད་འཛིན་ཞི་ཅིན་ཕིང་གི་དབང་སྒྱུར་འོག་ཡུལ་དེའི་མང་ཚོགས་ལ་དྲག་གནོན་བྱེད་བཞིན་པའི་གནས་སྟངས་དེ་ནི་དེ་སྔ་ཕྱི་ལོ་...