རྒྱ་ནག་ནི་གསར་འགོད་པ་མང་ཤོས་བཙོན་དུ་འཇུག་མཁན་གྱི་རྒྱལ་ཁབ་ཅིག་ཡིན་པར་བསྐྱར་ནན།

རྒྱལ་མཚམས་མེད་པའི་གསར་འགོད་པའི་མཐུན་ཚོགས་ཀྱིས་ནོ་སྦེལ་ཞི་བདེ་ཡི་གཟེགས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་རྒྱ་ནག་དམར་ཤོག་གི་བཙོན་ཁང་དུ་སྐུ་གྲོངས་ནས་ལོ་ངོ་གཉིས་ཕྱིན་པའི་རྗེས་སུའང་། རྒྱ་ནག་ནི་མུ་མཐུད་གསར་འགོད་པ་ཆེས་མང་ཤོས་བཙོན་དུ་འཇུག་མཁན་གྱི་རྒྱལ་ཁབ་ཆེ་ཤོས་ཤིག་ཏུ་གྱུར་ཡོད་པར་བསྐྱར་ནན་གནང་འདུག སྐུ་ཞབས་ Liu Xiaobo ལགས་དགོངས་པ་རྫོགས་ནས་ལོ་གཉིས་འཁོར་བའི་དུས་དྲན་གྱི་སྔ་ནུབ་ཏུ་ཕ་རན་སི་རྒྱལ་ས་ Paris དུ་རྟེན་གཞི་བྱས་པའི་  Reporters Without Borders ཞེས་རྒྱལ་མཚམས་མེད་པའི་གསར་འགོད་པའི་མཐུན་ཚོགས་ཀྱི་ཤར་ཨེ་ཤ་ཡ་ཁུལ་གྱི་ཚོགས་གཙོ་སྐུ་ཞབས་ Cédric Alviani ལགས་ཀྱིས་ཡོངས་གྲགས་བསྒྲགས་གཏམ་གནང་སྟེ། རྒྱ་ནག་གིས་སྐུ་ཞབས་ Liu Xiaobo ལགས་ལྐོག་གསོད་བྱས་པ་དེས་རྒྱལ་སྤྱིའི་སྟེང་རྩོད་རྙོག་ཆེན་པོ་བཟོས་ཡོད་ནའང་། རྒྱ་ནག་གིས་ད་དུང་ལམ་ལུགས་ཚགས་ཚུད་ཡོད་པའི་ཐོག་ནས་གསར་འགོད་པ་རྣམས་བཙོན་ལ་བཅུག་ནས་མུ་མཐུད་སྡུག་སྦྱོང་མནར་གཅོད་གཏོང་བཞིན་ཡོད་པ་མངོན་གསལ་གནང་བ་དང་འབྲེལ། རྒྱལ་སྤྱིའི་ངོས་ནས་རྒྱ་ནག་ལ་གནོན་ཤུགས་སྤྲད་པ་བརྒྱུད་བཙོན་དུ་ཡོད་པའི་གསར་འགོད་རང་དབང་གི་འཐབ་རྩོད་པ་རྣམས་མྱུར་དུ་གློད་ཐབས་བྱེད་དགོས་པའི་སྐུལ་མ་གནང་འདུག རྩ་བའི་སྐུ་ཞབས་ Liu...