རྒྱ་ནག་ནི་གསར་འགོད་པ་འཛིན་བཟུང་བཙོན་འཇུག་བྱེད་མཁན་གྱི་རྒྱལ་ཁབ་སྡུག་ཤོས་རང་འཇགས་ཡིན་པ་གསལ་བཏོན་གནང་འདུག

Committee to protect journalist འམ་རྒྱལ་སྤྱིའི་གསར་འགོད་པ་སྲུང་སྐྱོབ་ཚོགས་པས་ཁ་སང་འདོན་སྤེལ་གནང་པའི་དམིགས་བསལ་སྙན་ཐོ་ཞིག་གི་ནང་། རྒྱ་ནག་ནི་གསར་འགོད་པ་འཛིན་བཟུང་བཙོན་འཇུག་བྱེད་མཁན་གྱི་རྒྱལ་ཁབ་ཆེས་སྡུག་ཤོས་ཨང་དང་པོ་རང་འཇགས་ཡིན་པ་གསལ་བཏོན་གནང་པའི་སྙན་ཐོ་སྙན་སྒྲོན་ཞུས་འདུག     དེ་ཡང་CPJ འི་དམིགས་བསལ་སྙན་ཐོ་དེ་ནི་ CPJ གསར་འགོད་པ་སྲུང་སྐྱོབ་ཚོགས་པའི་རྩོམ་སྒྲིག་འགན་འཛིན་ལྕམ་ Elana Beiser ལགས་ཀྱིས་སྤེལ་གནང་འདུག་པ་དང་། ཁོང་གིས་སྙན་ཐོ་འདིའི་ནང་རྐང་འཛམ་གླིང་ནང་གསར་འགོད་པ་འཛིན་བཟུང་གིས་བཙོན་འཇུག་བྱེད་པ་ཚོའི་གནས་སྟངས་ལ་ཡར་རྒྱས་སོང་མིན་དང་། ལྷག་པར་དུ་འཛིན་བཟུང་བཙོན་འཇུག་མང་ཤོས་བྱེད་མཁན་གྱི་རྒྱལ་ཁབ་གང་ཡིན་བཙལ་རྩོད་གནང་འདུག་པ་དེ་ལྟར་ཡང། ཁོང་གིས་སྙན་ཐོ་དེའི་ནང་སྤྱི་ཡོངས་ཀྱི་ཆ་ནས་འདས་པའི་ལོ་གསུམ་དང་ཁྱད་པར་དུ་ལོ་འདིའི་ནང་འཛམ་གླིང་ནང་གསར་འགོད་པ་བཙོན་འཇུག་བྱེད་མཁན་ཉུང་དུ་སོང་ཡོད་ཀྱང་། Turkey དང་ Egypt དེ་བཞིན་རྒྱ་ནག་སོགས་རྒྱལ་ཁབ་རེ་ཟུང་ནང་། འདི་ལོ་གཞུང་ནས་སྐྱོན་བརྗོད་རིགས་འབུར་འཛོམས་གཏང་ཆེད་གསར་འགོད་པ་འཛིན་བཟུང་བཙོན་འཇུག་སྔར་ལས་མང་དུ་སོང་ཡོད་པ་གསལ་བཏོན་གནང་འདུག གསར་འགོད་པ་སྲུང་སྐྱོབ་ཚོགས་པར་ར་སྤྲོད་གསལ་པོ་བྱུང་བར་ལོ་འདིའི་ནང་འཛམ་གླིང་ཁྱོན་ཡོངས་སུ་གསར་འགོད་པ་བཙོན་འཇུག་བྱེད་པ་གྲངས་ ༡༩༩ བྱུང་འདུག་པ་དང་།...