རྒྱ་རིགས་མཁས་དབང་ཞིག་གིས་༸གོང་ས་མཆོག་དང་གྲོས་མོལ་ཞུ་ཚེ་རྒྱ་གཞུང་ལ་དགེ་མཚན་ཡོད་ཅེས་བརྗོད་འདུག

རྒྱ་ནག་གི་རྒྱལ་ས་པེ་ཅིང་དུ་རྟེན་གཞི་བྱས་པའི་རྒྱ་ནག་གཞུང་འབྲེལ་དབུས་རྒྱལ་སྲིད་ལྷན་ཁང་གི་རྒྱལ་སྤྱིའི་ཆབ་སྲིད་དང་དཔལ་འབྱོར་ཞིབ་འཇུག་སྡེ་ཚན་གྱི་འགན་འཛིན་སྐུ་ཞབས་ Xue li ལགས་ཀྱིས་༸གོང་ས་མཆོག་དང་ལྷན་དུ་བོད་ཀྱི་གནད་དོན་ཐོག་གྲོས་མོལ་ཞུ་ཚེ་དེས་རྒྱ་ནག་ལ་དགེ་མཚན་ཡོད་ཅེས་བརྗོད་ཡོད་པ་རེད།  ཉེ་བའི་ཆར་དབྱིན་ཡུལ་ནང་རྟེན་གཞི་བྱས་པའི་ Financial Times གསར་ཁང་གྱི་དྲ་རྒྱའི་ཐོག་ཏུ་རྒྱ་ནག་གཞུང་འབྲེལ་དབུས་རྒྱལ་སྲིད་ལྷན་ཁང་གི་རྒྱལ་སྤྱིའི་ཆབ་སྲིད་དང་དཔལ་འབྱོར་ཞིབ་འཇུག་སྡེ་ཚན་གྱི་འགན་འཛིན་སྐུ་ཞབས་ Xue li ལགས་ཀྱིས་དེང་སྐབས་རྒྱ་ནག་ནང་དཔལ་འབྱོར་ཡར་རྒྱས་མྱུར་ཚད་ཆེན་པོ་འགྲོ་བཞིན་པའི་དུས་འཚམས་འདིར། རྒྱ་གཞུང་གིས་ངེས་པར་དུ་གདོང་ལེན་བྱ་དགོས་པའི་གནད་དོན་འབྲེལ། Pitfalls in the next stage of china’s Rise ཞེས་པའི་དཔྱད་རྩོམ་ཞིག་སྤེལ་འདུག  སྐུ་ཞབས་ Xue li...