སང་ཉིན་བོད་མི་ལས་འགུལ་བ་ཨ་ཉ་སེང་སྒྲ་ལགས་ཀྱི་ཁྲིམས་གཤེར་འགོ་འཛུགས་གནང་རྒྱུ།

རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཙོས་ཚོགས་པ་ཁག་ནས་ཟླ་བ་འདིའི་ཕྱི་ཚེས་ ༢༧ ཉིན་བོད་མི་ལས་འགུལ་བ་ཨ་ཉ་སེང་སྒྲ་ལགས་ཀྱི་ཁྲིམས་བཤེར་ཐེངས་གཉིས་པ་དེ་གནང་རྒྱུ་ཡིན་པ་དང་བསྟུན་རྒྱ་ནག་གཞུང་གིས་བདུན་ཕྲག་རྗེས་མར་གནང་རྒྱུའི་ཁོང་གི་ཁྲིམས་བཤེར་ཐེངས་གཉིས་པ་དེར་དྲང་བདེན་གནང་དགོས་པའི་གསར་འགོད་བསྒྲགས་གཏམ་སྤེལ་གནང་འདུག གཞི་རྩའི་མཚོ་སྔོན་ཞིང་ཆེན་མགོ་ལོག་དགའ་བདེ་རྫོང་རྐྱང་ཆད་ནས་ཡིན་པའི་བོད་མིའི་ལས་འགུལ་བ་ཨ་ཉ་སེང་སྒྲ་ལགས་ནི་དེ་སྔ་ས་གནས་སྲིད་གཞུང་གི་ལས་དོན་ཁྲོད་ལྐོག་ཟ་རུལ་སུངས་ཀྱི་གནད་དོན་ཕྱིར་བསྒྲགས་དང་ས་གནས་སུ་ཁྲིམས་འགལ་གྱི་གཏེར་ཁ་སྔོག་འདོན། དེ་བཞིན་སྟོང་ལ་ཉེ་བའི་རི་དྭགས་རྔོན་པའི་ལས་དོན་ལ་གདོང་ལེན་གནང་མཁན་གྱི་ལས་འགུལ་བ་ཞིག་ཡིན་པ་དང་། ཁོང་ཕྱི་ལོ་ ༢༠༡༩ ཟླ་ ༡༢ ཚེས་ ༦ ཉིན་སྤྱི་ཚོགས་དཀྲུག་པའི་ཉེས་མིང་འོག་ལོ་བདུན་གྱི་བཙོན་འཇུག་ཁྲིམས་ཐག་བཅད་ཡོད་པ་རེད། ཁས་ས་ཕྱི་ཚེས་ ༢༣ ཉིན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་གཙོས་པའི་ཚོགས་པ་ཁག་ཅིག་གིས་གསར་འགོད་བསྒྲགས་གཏམ་ཞིག་སྤེལ་བའི་ནང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ཁོར་ཡུག་ཉམས་ཞིབ་པ་བློ་བཟང་དབྱངས་མཚོ་ལགས་ཀྱིས་ཨ་ཉ་སེང་སྒྲ་ལགས་ཀྱིས་སྤྱི་ཚོགས་ཀྱི་བདེ་འཇགས་ལ་སྨན་པའི་ལས་འགུལ་སྤེལ་བ་དེ་ནི་བོད་ཀྱི་ཁོར་ཡུག་གི་གནས་བབས་ཀྱི་ཆ་ནས་དུས་ཀྱི་དགོས་མཁོ་ཞིག་ཡིན་པ་དང་སྒོས་ཁོང་ནག་ཉེས་ཅན་ཞིག་ལ་ངོས་འཛིན་རྒྱུ་ཚབ་ཏུ་དཔའ་བོ་ཞིག་ཏུ་ངོས་འཛིན་གནང་དགོས་པ་གསུངས་འདུག ཁོང་གིས་ད་དུང་འཛམ་གླིང་གི་ཁོར་ཡུག་ལས་འགུལ་བ་མང་པོ་ཞིག་ནས་ད་ཆ་ཁོར་ཡུག་སྲུང་སྐྱོབ་དང་སྦྲགས་ལས་དོན་སྣ་མིན་གཉེར་བཞིན་པ་དེ་ལྟར་ཡང་རྒྱ་གཞུང་གི་དབང་སྒྱུར་འོག་ཏུ་དེ་འབྲེལ་ཕྱག་ལས་གནང་མཁན་ཨ་ཉ་སེང་སྒྲ་ལགས་ལྟ་བུར་ནག་ཉེས་ཅན་ལ་ངོས་འཛིན་གྱིས་བཙོན་འཇུག་ཁྲིམས་ཐག་བཅད་ཡོད་པ་གསུངས་འདུག བློ་བཟང་དབྱངས་མཚོ་ལགས་ཀྱིས་ཨ་ཉ་སེང་སྒྲ་ལགས་ནི་བོད་མིའི་ཁོར་ཡུག་ལས་འགུལ་བ་ཞིག་ཆགས་ཀྱི་ཡོད་པས་ད་རེས་ཁོར་ཡུག་གི་ཉིན་མོ་དང་བསྟུན་ཁོང་གློད་བཀྲོལ་དགོས་པའི་ལས་འགུལ་སྤེལ་གྱི་ཡོད་པ་དང་ཆབས་ཅིག་བོད་པའི་ཚོགས་པ་ཁག་ནས་རྒྱ་ནག་ནང་གཞུང་ཚབ་ལས་ཁང་ཡོད་པ་རྣམས་ལ་འབྲེལ་གཏུག་གནང་སྟེ་ཨ་ཉ་སེང་སྒྲ་ལགས་ཀྱི་གནད་དོན་ཐད་རྒྱ་གཞུང་ལ་གནོན་ཤུགས་སྤྲོད་ཐུབ་པའི་རེ་བ་ཞུས་ཡོད་པ་གསུངས་སོང་། དེ་བཞིན་ཨིན་ཡུལ་ནང་གི་ Free Tibet བོད་དོན་རྒྱབ་སྐྱོར་ཚོགས་པའི་ལས་འཆར་འགན་འཛིན་ John Jones ལགས་ཀྱིས་རྒྱ་གཞུང་གིས་དྲག་གནོན་དང་དམ་བསྒྲགས་འོག་ད་ཆ་བོད་ནང་གི་བོད་མིར་དྲང་བདེན་མེད་པའི་ཁྲིམས་བཤེར་བྱེད་རྒྱུ་དང་ཁོར་ཡུག་གཏོར་བཅོམ་བྱེད་རྒྱུ། དེ་བཞིན་ས་གནས་སྲིད་གཞུང་གིས་དབང་ཆ་ལོག་སྤྱོད་ཐོག་བོད་མིར་གདུག་རྩུབ་གཏོང་བཞིན་པའི་གནད་དོན་དེ་དག་ལ་གདོང་ལེན་སླད་ཨ་ཉ་སེང་སྒྲ་ལགས་སུ་སྤྱི་ཚོགས་དཀྲུག་པའི་ཉེས་མིང་གིས་འཛིན་བཟུང་བཀག་ཉར་དང་། ཁྲིམས་བཤེར་རྫུན་མ་བྱས་ཡོད་པས་ད་ཆ་ཁྲིམས་ཁང་ནས་ཨ་ཉ་སེང་སྒྲ་ལགས་ཀྱི་བཅད་ཁྲ་ལ་བསྒྱུར་བ་བཏང་ནས་སྤྱི་ཚོགས་ལ་སྨན་པའི་ལས་འགུལ་མུ་མཐུད་སྤེལ་འཐུས་ཆོག་པ་བཟོ་དགོས་པ་གསུངས་འདུག བོད་རང་བཙན་སློབ་ཕྲུག་ཚོགས་པའི་ལས་འགུལ་འགན་འཛིན་པདྨ་སྒྲོལ་མ་ལགས་ཀྱིས་རྒྱ་གཞུང་ནས་བོད་མིར་ཆེད་མངགས་ནག་ཉེས་འཛུགས་པའི་སླད་རང་རྒྱལ་གྱི་ཁྲིམས་བསྒྱུར་བཅོས་གཏང་བའི་གོམས་འདྲིས་ཡོད་པས་རྒྱ་གཞུང་ནས་དེ་སྔ་ཕྱི་ལོ་ ༢༠༡༨ ལོ་ནས་བཟུང་བོད་མི་རྣམས་རྒྱུ་མཚན་རྩ་བ་ནས་མེད་པར་འཛིན་བཟུང་བྱེད་རྒྱུའི་ཁྲིམས་གཞི་ལག་བསྟར་བྱེད་བཞིན་ཡོད་པ་བརྗོད་འདུག དེ་སྔོན་ཨ་ཉ་སེང་སྒྲ་ལགས་དང་དེ་བཞིན་བོད་མི་ ༤༠༠...

སྤྱི་ཚོགས་དཀྲུག་པའི་ཉེས་འཛུགས་འོག་བཀག་བསྐྱིལ་བྱས་པའི་ལྐོག་ཟ་རུལ་སུངས་ཐེར་འདོན་གནང་མཁན་གྱི་བོད་མི་ལས་འགུལ་བ་ཨ་ཉ་སེང་སྒྲ་ལགས་ཀྱི་ཁྲིམས་གཤེར་སང་ཉིན་ནས་འགོ་འཛུགས་བྱ་རྒྱུ་ཡིན་པའི་གནས་ཚུལ་ཐོན་འདུག གཞི་རྩའི་མཚོ་སྔོན་ཞིང་ཆེན་མགོ་ལོག་དགའ་བདེ་རྫོང་རྐྱང་ཆད་ནས་ཡིན་པའི་ལྐོག་ཟ་རུལ་སུངས་ཐེར་འདོན་གནང་མཁན་གྱི་བོད་མི་ལས་འགུལ་བ་ཨ་ཉ་སེང་སྒྲ་ལགས་ནི་སྔ་ལོའི་ཟླ་ ༩ ཚེས ༤ ཉིན་སྤྱི་ཚོགས་དཀྲུག་པའི་ཉེས་འཛུགས་འོག་འཛིན་བཟུང་གྱིས་ཁོང་རང་ཉིད་ཀྱི་ཁྱིམ་ཚང་ནས་སྤྱེ་ལེ་ ༦༠༠ ཙམ་ལ་ཆགས་པའི་གྲོ་ཚང་གི་ལྟ་སྲུང་ཁང་དུ་བཀག་ཉར་བྱེད་མུས་ཡིན་པ་རེད། རྒྱལ་སྤྱིའི་བོད་དོན་འབྲེལ་མཐུད་ལས་ཁང་སོགས་བཙན་བྱོལ་བོད་མིའི་འགྲོ་བ་མིའི་ཐོབ་ཐང་དང་འབྲེལ་བའི་ཚོགས་པ་ཁག་ལ་གནས་ཚུལ་ཤེས་རྟོགས་བྱུང་བར་གཞིགས་ན་ཨ་ཉ་སེང་སྒྲ་ལགས་ཀྱི་ཁྲིམས་གཤེར་སང་ཉིན་ཕྱི་ཚེས་ ༥ ཉིན་འགོ་ཛུགས་བྱ་རྒྱུ་ཡིན་པ་མ་ཟད། ཁྲིམས་གཤེར་འགོ་འཛུགས་མ་གནང་བའི་གོང་ཕྱི་ཟླ་ ༡༡ པའི་ནང་ཉིན་གསུམ་གྱི་རིང་ལ་ཁོང་གི་ཁྲིམས་རྩོད་པ་ཆེད་འགུག་གིས་ཚོགས་འདུ་ཞིག་བསྐོང་ཚོགས་བྱས་ཡོད་པ་དང་། སྐབས་དེར་རྒྱ་ནག་གཞུང་གིས་ཨ་ཉ་ལགས་སུ་གཡོ་ཟོལ་གྱི་ནག་ཉེས་ཤིག་འཛུགས་རྒྱུའི་ཐབས་ཤེས་བྱས་ཡོད་ཀྱང་། ཁྲིམས་རྩོད་པས་དེར་ངོས་ལེན་ཞུས་མེད་པ་རེད་འདུག ཐེངས་འདིའི་གནད་དོན་འདི་དང་འབྲེལ་ནས་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་དྲྭ་ལམ་གྱི་བརྒྱུད་དེ་ཞུ་གཏུག་གི་ལས་འགུལ་སྤེལ་མུས་ཡིན་པ་ལྟར། འཇིགས་བྲལ་ལགས་ཀྱིས་ས་གནས་གང་སར་ཡོད་པའི་བོད་དོན་རྒྱབ་སྐྱོར་བ་ཚོས་འཕྲལ་མར་པེ་ཅིང་དུ་ཡོད་པའི་གཞུང་ཚབ་ལས་ཁང་ལ་འབྲེལ་བ་གནང་ནས་ཁྲིམས་གཤེར་གྱི་སྐབས་སུ་འཐུས་ཚབ་མི་སྣ་བཏང་ནས་ཨ་ཉ་ལགས་ཀྱི་སྐོར་ལ་གླེང་སློང་བྱ་རྒྱུའི་འབོད་སྐུལ་ཞུས་དགོས་པ་མ་ཟད་སོ་སོའི་ས་གནས་ཁག་གི་ཕྱི་སྲིད་ལས་ཁུངས་ལ་འབྲེལ་བ་གནང་ནས་དེ་འབྲེལ་ཞུ་གཏུག་ལས་འགུལ་སྤེལ་དགོས་པ་གསུངས་སོང་། རྩ་བའི་ཨ་ཉ་སེང་སྒྲ་ལགས་ནི་ས་གནས་རྒྱ་ནག་གཞུང་གི་ལས་དོན་ཁྲོད་ལྐོག་ཟ་རུལ་སུངས་གི་གནད་དོན་ཕྱིར་བསྒྲགས་དང་། ས་གནས་སུ་ཁྲིམས་འགལ་གྱི་གཏེར་ཁ་སྔོག་འདོན་དང་། སྟོང་ལ་ཉེ་བའི་རི་དྭགས་རྔོན་པའི་ལས་དོན་ལ་གདོང་ལེན་གནང་མཁན་གྱི་ལས་འགུལ་བ་ཞིག་ཡིན་པ་དང་། ཁོང་གིས་ཕྱི་ལོ་ ༢༠༡༤ ལོའི་ནང་ས་གནས་ཀྱི་འབྲོག་པ་ཁག་ཅིག་དང་ལྷན་དུ་དམངས་དོན་གླིང་ཞེས་པའི་ཚོགས་པ་ཆེད་འཛུགས་གནང་སྟེ་རུལ་སུངས་གི་གནད་དོན་དེ་དག་ཕྱིར་མངོན་པ་བྱས་ཡོད་པ་དང་། ཁོང་འཛིན་བཟུང་བྱས་ཟིན་པའི་རྗེས་སུ་ཁོང་གི་ཁྲིམས་རྩོད་པ་དང་བཟའ་ཟླ་དབྱངས་སྐྱིད་གཉིས་བཙོན་འཇུག་ཁང་དུ་ཁོང་དང་ཐུག་འཕྲད་དུ་བཅར་ཀྱང་ས་གནས་སྤྱི་བདེ་མི་སྣས་ཐུག་འཕྲད་གནང་བཅུག་མེད་པ་དང་། ཉིན་གྲངས་ ༤༨ གྱི་རྗེས་སུ་དགའ་བདེ་རྫོང་སྤྱི་བདེ་ལས་ཁུངས་ཀྱི་ཆོག་མཆན་བརྒྱུད་ཁྲིམས་རྩོད་པ་ཨ་ཉ་སེང་སྒྲ་ལགས་དང་ཐུག་འཕྲད་བྱ་རྒྱུའི་གོ་སྐབས་བྱུང་ཡོད་ནའང་སྤྱི་བདེ་མི་སྣས་ཁོང་ས་བབ་མཐོ་ས་ནས་དམའ་སར་བཀག་ཉར་བྱས་པའི་རྐྱེན་གྱིས་ས་ཆུ་མ་འཕྲོད་པས་གྲོད་ཁོག་ཤལ་ནས་ལུས་སྟོབས་ཧ་ཅང་ཞན་པོ་ཆགས་ཡོད་སྐོར་གྱི་གནས་ཚུལ་ཡང་ཐོན་ཡོད་པ་རེད། སང་ཕྱི་ཟླ་ ༡༢...