སྤྲུལ་སྐུ་བསྟན་འཛིན་བདེ་ལེགས་མཆོག་གི་རྗེས་འཇུག་དད་ལྡན་མང་ཚོགས་ཚོར་རྒྱ་གཞུང་གིས་སྔོན་འགྲོའི་སློབ་གསོ་ཞེས་པའི་ཆབ་སྲིད་ཀྱི་བསམ་བློ་སྤེལ་ཏེ་དཀའ་ཚེགས་ཆེན་པོ་འཕྲད་བཞིན་འདུག

རྒྱལ་སྤྱིའི་བོད་དོན་འབྲེལ་མཐུད་ལས་ཁང་ International Tibet Network གིས་གོ་སྒྲིག་གནང་སྟེ་བོད་ཀྱི་ཁོར་ཡུག་སྲུང་སྐྱོབ་ཀྱི་ལས་འགུལ་བ་ཨ་ཉག་སེང་སྒྲ་ལགས་སུ་ཕྱི་ལོ་ ༢༠༢༢ ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་ཕུལ་འདུགཕྱི་ཟླ་ ༧ ཚེས་ ༡༢ ཉིན་ཁེལ་ཕོར་ནི་ཡའི་གྲོང་ཁྱེར་རིཆ་མོནྜ་  Richmond ནང་གི་བྱང་ཕྱོགས་ཁེལ་ཕོར་ནི་ཡའི་བོད་རིགས་ཚོགས་པའི་ཚོགས་ཁང་དུ་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་གོ་སྒྲིག་འོག་ཕྱི་ལོ་ ༢༠༢༢ ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་ཐེངས་ ༧ པ་དེ་བོད་ནང་གི་བོད་མི་ཁོར་ཡུག་སྲུང་སྐྱོབ་ཀྱི་ལས་འགུལ་བ་གྲགས་ཅན་ཨ་ཉག་སེང་སྒྲ་ལགས་སུ་ཕུལ་འདུགམཛད་སྒོའི་སྐབས་བྱང་ཕྱོགས་ཁེལ་ཕོར་ནི་ཡའི་བོད་རིགས་ཚོགས་པའི་སྐུ་ཚབ་དང་ས་གནས་བོད་ཀྱི་གཞོན་ནུའི་ཚོགས་པའི་སྐུ་ཚབ། དེ་བཞིན་བོད་ཀྱི་གྲོགས་པོ་ Bay Area Friends of Tibet བཅས་ཀྱི་སྐུ་ཚབ་རྣམས་མཉམ་ཞུགས་གནང་སྟེ་གཟེངས་རྟགས་དེ་ཨ་ཉག་སེང་སྒྲ་ལགས་ལ་ཆེ་བསྟོད་ཚུལ་དུ་ཕུལ་ཡོད་པ་རེད།...

དེ་རིང་ཕྱི་ཟླ་ ༧ ཚེས་ ༡༢ ཉིན་མོ་སྟེ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་སྐུ་འདས་གྲོངས་སུ་གྱུར་ནས་ལོ་ངོ་ ༦ ཧྲིལ་པོ་འཁོར་བའི་ཉིན་མོ་ཡིན་པ་དང་བསྟུན་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཙོས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པས་རིན་པོ་ཆེ་མཆོག་གི་དགོངས་རྫོགས་རྗེས་དྲན་དང་སྦྲགས་ཏེ་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་ཚོགས་སྡེ་ཁག་གིས་རྒྱ་ནག་གཞུང་གི་ནོར་འཁྲུལ་ཅན་གྱི་སྲིད་བྱུས་ལ་སྐྱོན་བརྗོད་དང་རྒྱ་གཞུང་གི་ངོས་ནས་བོད་མི་རྣམས་ཀྱི་འགྲོ་བ་མིའི་ཐོབ་ཐང་ལ་བརྩི་བཀུར་ཞུ་དགོས་པའི་གནོན་ཤུགས་སྤྲོད་དགོས་ཞེས་གསུངས་འདུག རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་ཁ་སང་རིན་པོ་ཆེའི་དགོངས་རྫོགས་ཀྱི་རྗེས་དྲན་དང་འབྲེལ་གསར་འགོད་གསལ་བསྒྲགས་སྤེལ་བར་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་རྒྱ་ནག་གི་བཙོན་ནང་ལོ་ངོ་ ༡༣ རིང་སྡུག་སྦྱོང་མནར་གཅོད་མྱངས་ཏེ་མཐར་གློ་བུར་གྱི་དགོངས་པ་རྫོགས་པ་དེས་བོད་མིའི་ཆབ་སྲིད་བཙོན་པ་རྣམ་པའི་སྤྱི་ཡོངས་ཀྱི་གནས་སྟངས་གསལ་འདོན་བྱེད་ཀྱི་ཡོད་པ་མ་ཟད་ལྷག་པར་རྒྱ་གཞུང་གིས་བོད་མིའི་འབོད་སྒྲ་ཁ་འགོག་ཆེད་དྲག་གནོན་དེ་ལྟར་བྱས་དང་བྱེད་མུས་ཕྱིར་མངོན་པ་རེད་ཅེས་འཁོད་འདུག དེ་བཞིན་དེ་སྔ་རྒྱ་གཞུང་གི་བཙོན་ནང་རིན་པོ་ཆེར་སྡུག་སྦྱོང་མནར་གཅོད་སོགས་བཏང་རྐྱེན་གཞུང་དང་ལས་འགུལ་བ་ཚོས་རིན་པོ་ཆེའི་འཕྲོད་བསྟེན་ལ་ཐུགས་འཚབ་ཀྱིས་སྐུ་ཉིད་གློད་བཀྲོལ་དགོས་པ་ཡང་ཡང་ཞུས་ཡོད་ཀྱང་རྒྱ་གཞུང་གིས་དེར་ངོས་ལེན་བྱས་མེད་པ་མ་ཟད། ད་དུང་རིན་པོ་ཆེ་དགོངས་པ་རྫོགས་རྗེས་སྐུ་ཉིད་ཀྱི་ནང་མིའི་འདོད་མོས་དང་འགལ་བའི་ཐོག་སྐུ་ཕུང་ཞུགས་འབུལ་བྱས་ཡོད་པ་སོགས་ལུང་འདྲེན་དང་སྦྲགས་ཏེ་རྒྱ་གཞུང་གིས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་གཙོས་ཆབ་སྲིད་བཙོན་པ་གཞན་རྣམས་འདས་གྲོངས་སུ་གྱུར་པ་དེ་དག་གི་འགན་ཁུར་འཁྱེར་པ་བཟོས་དགོས་པ་དང་ཆབས་ཅིག་ཏུ་རྒྱལ་ཚོགས་དང་གཞུང་དེ་བཞིན་རྒྱལ་སྤྱིའི་ཚོགས་སྡེ་ཁག་ནས་རྒྱ་ནག་གཞུང་གི་བྱུས་ངན་གྱི་སྲིད་བྱུས་དང་ཁྲིམས་འགལ་གྱི་དབང་སྒྱུར་ལ་སྐྱོན་བརྗོད་དང་ལྷག་པར་དུ་རྒྱ་གཞུང་ནས་བོད་མི་རྣམས་ཀྱི་འགྲོ་བ་མིའི་ཐོབ་ཐང་ལ་གུས་བརྩི་ཞུ་དགོས་པར་གནོན་ཤུགས་སྤྲོད་དགོས་པའི་འབོད་སྐུལ་ཞུས་འདུག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དགོངས་རྫོགས་དང་བསྟུན་ནས་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་རྒྱལ་སྤྱིའི་ཨོ་རྩེད་འགྲན་ཚོགས་ཚོགས་པ་དང་གཞུང་། དེ་བཞིན་ཨོ་རྩེད་སྦྱིན་བདག་གནང་མཁན་རྣམས་ནས་པེ་ཅིང་གི་དགུན་དུས་ཨོ་ལམ་པིཀ་དེ་ཕྱིར་འཐེན་གནང་དགོས་པར་བསྐྱར་ནན་གྱིས་གསུངས་འདུག ད་རེས་ཀྱི་དུས་ཚིགས་དང་བསྟུན་ཏེ་རིན་པོ་ཆེའི་ཚ་མོ་ཉི་མ་ལྷ་མོ་ལགས་ཀྱིས་བརྙན་ཐུང་བརྒྱུད་འདས་པའི་ལོ་ལྔའི་ནང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཙོས་ཚོགས་པ་གཞན་ཁག་ནས་རིན་པོ་ཆེའི་དགོངས་རྫོགས་རྗེས་དྲན་དང་རིན་པོ་ཆེའི་མཚན་ཐོག་ཏུ་ཡོད་པའི་སྙིང་སྟོབས་ཀྱི་གཟེངས་རྟགས་བརྒྱུད་བོད་ནང་གི་བོད་མིའི་ངོ་བོ་དང་རིག་གཞུང་སྲུང་སྐྱོབ་སླད་ཕྱག་ལས་གནང་མཁན་གྱི་དཔའ་བོ་དང་དཔའ་མོ་ཚོར་ཆེ་བསྟོད་ཞུས་པ་དང་འབྲེལ་ནས་ཚོགས་པ་ཁག་ལ་ཐུགས་རྗེ་ཞུས་འདུག ཁོང་གིས་ང་ཚོ་ཕལ་མོ་ཆེས་རིན་པོ་ཆེས་སྐུ་ཚེ་གང་པོར་བོད་ཀྱི་ཆོས་དང་རིག་གཞུང་སྲུང་སྐྱོབ་སླད་ཕྱག་ལས་རྒྱ་གང་ཆེ་གནང་བ་མཁྱེན་གྱི་ཡོད་པས་རིན་པོ་ཆེ་ནི་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་གང་སྩལ་ཅི་སྒྲུབ་ཞུ་མཁན་ཞིག་ཡིན་པ་དང་སྒོས་རྒྱ་ནག་གཞུང་གིས་རིན་པོ་ཆེར་མ་ཉེས་ཁ་གཡོགས་ཀྱིས་བཙོན་འཇུག་གིས་ཁྲིམས་ཐག་བཅད་པ་དང་ཆབས་ཅིག ལོ་ངོ་ ༡༣ རིང་བཙོན་འཇུག་རྗེས་རྒྱ་གཞུང་གིས་རིན་པོ་ཆེ་སྐུ་དཀྲོངས་ཡོད་པར་འགྲེལ་བརྗོད་གནང་འདུག ལྷག་པར་དུས་ཡུན་དེའི་ཁྲོད་བོད་པའི་ཚོགས་སྒེར་རྣམས་ནས་རིན་པོ་ཆེའི་གློད་བཀྲོལ་སླད་ལས་འགུལ་སྣ་མིན་སྤེལ་ཁག་ལ་ཐུགས་རྗེ་ཆེ་ཞུས་པ་དང་། ཕྱོགས་མཚུངས་བོད་ནང་བོད་མི་ཚོར་སྨྲ་བརྗོད་རང་དབང་དང་འགྲོ་འདུག་རང་དབང་མེད་པ། ལྷག་དོན་༸གོང་ས་མཆོག་གི་༸སྐུ་པར་ཡང་སྒྲིག་བཤམས་དང་ཉར་ཚགས་གནང་ཆོག་གི་མེད་པ་མ་ཟད་བོད་མི་ཆབ་སྲིད་བཙོན་པ་རྣམས་དུས་ད་ལྟའང་བཙོན་དུ་སྡུག་སྦྱོང་མནར་གཅོད་སོགས་མྱོང་བཞིན་པས་བོད་མི་རྣམས་ནས་མུ་མཐུད་བོད་ཀྱི་བདེན་མཐའ་མ་སེལ་བར་དུ་ལས་འགུལ་རྒྱ་གང་ཆེ་སྤེལ་གནང་ཡོང་བའི་རེ་སྐུལ་ཞུས་འདུག གཞི་རྩའི་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གིས་དེ་སྔ་ནས་སྤྲུུལ་སྐུ་བསྟན་འཛིན་བདེ་ལེགས་རིན་པོ་ཆེ་ཡི་སྙིང་སྟོབས་གཟེངས་རྟགས་ཞེས་པ་ཞིག་གསར་གཏོད་ཀྱིས་བོད་དོན་ཆེད་དུ་ཕྱག་ལས་རྒྱ་ཆེར་གནང་མཁན་རྣམས་ལ་གནང་བཞིན་ཡོད་ཀྱང་། འདས་ལོ་ཏོག་དབྱིབས་རིམས་ནད་རྐྱེན་གཟེངས་རྟགས་དེ་གནང་མ་ཐུབ་པ་དང་། དེའི་ཚབ་ཏུ་བོད་མིའི་རང་དབང་དང་འགྲོ་བ་མིའི་ཐོབ་ཐང་གི་ཐད་ལ་ཕྱག་ལས་གནང་མཁན་རྣམས་ལ་ཆེ་བསྟོད་ཞུས་ཡོད།གཞན་ཡང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞབས་ཞུ་ཚོགས་པས་དེ་རིང་གི་ཉིན་མོ་དང་བསྟུན་ཡོངས་ཁྱབ་གསལ་བསྒྲགས་སྤེལ་བར་རིན་པོ་ཆེ་དགོངས་པ་རྫོགས་ནས་ལོ་ ༦ འཁོར་བའི་མྱ་ངན་དགོངས་རྫོགས་ཀྱི་དུས་དྲན་སྲུང་བརྩི་སླད་ལོ་ལྟར་ཟླ་བ་འདིའི་ནང་རིན་པོ་ཆེའི་སློབ་མ་དགའ་འབྲས་གཉིས་ཀྱི་བླ་སྤྲུལ་དགེ་བཙུན་རྣམ་པས་ཚོགས་མཆོད་གནང་གི་ཡོད་ཀྱང་། འདི་ལོར་རྒྱ་ནད་རྐྱེན་གྱིས་གདན་ས་ཁག་ཏུ་བཞུགས་པའི་སློབ་མ་ཉུང་ཤས་ཙམ་མ་གཏོགས་ལྷན་འདུས་དཀའ་ནའང་ཚང་མས་ཉིན་མོ་འདི་དྲན་གསོ་ཞུ་དགོས་པ་ནི་སྨོས་མེད་དང་། ལྷག་པར་རིན་པོ་ཆེའི་སློབ་མ་འབྲེལ་ཡོད་ཕོ་མོ་ཡོངས་རྫོགས་ནས་འཇམ་དཔལ་མཚན་བརྗོད་ཀྱི་ཚོགས་པ་ Telegram ནང་ཕེབས་ཏེ་རིན་པོ་ཆེའི་མཛད་རྣམ་ཐད་བགྲོ་གླེང་གིས་དུས་དྲན་གནང་བའི་གསོལ་འདེབས་སོགས་ཞུས་འདུག གཞི་རྩའི་སྤྲུལ་སྐུ་བསྟན་འཛིན་བདེ་ལེགས་ཁྲིན་ཏུའུ་རུ་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བསྙད་ནས་ཕྱི་ལོ་...

ཁ་སང་ཚེས་ ༡༢ ཉིན་བོད་ཀྱི་ཆབ་སྲིད་བཙོན་པ་གྲགས་ཅན་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་ནག་གིས་བཙན་བཟུང་བྱས་ཏེ་མི་ལོ་ཧྲིལ་པོ་ ༡༣ གྱི་རིང་ལ་མི་སྤྱོད་ལས་འདས་པའི་མནར་གཅོད་བཏང་མཐར་ཕྱི་ལོ་ ༢༠༡༥ ལོར་སྐུ་ཚེ་མ་ཟིན་པར་དགོངས་པ་རྫོགས་ཏེ་ལོ་ལྔ་འཁོར་བའི་ཉིན་མོ་འཁེལ་ཡོད་སྟབས། རིན་པོ་ཆེ་ཁོང་གི་ཚ་མོ་ཉི་མ་ལྷ་མོ་ལགས་ཀྱིས་གཙོས་པའི་བོད་དོན་ལས་འགུལ་ཁང་མང་པོ་ཞིག་གིས་ཁོང་ཉིད་ཀྱི་དགོངས་རྫོགས་དང་འབྲེལ་ནས་སླར་ཡང་ཁོང་གིས་བོད་རིགས་མི་མང་གི་བདེ་དོན་ལ་རླབས་ཆེན་གྱི་ཕྱག་ལས་གནང་ཁག་ལ་བསྔགས་བརྗོད་དང་རྒྱ་ནག་གིས་ཁོང་སྐུ་བཀྲོངས་ཡོད་པར་སྐྱོན་བརྗོད་གནང་ནས་དྲན་གསོ་ཞུས་འདུག རྒྱལ་སྤྱིའི་བོད་དོན་ལས་འགུལ་ཁང་གི་གསར་གནས་སུ་སྤྲུལ་སྐུལ་བསྟན་འཛིན་བདེ་ལེགས་རིན་པོ་མཆོག་གི་ཚ་མོ་ཉི་མ་ལྷ་མོ་ལགས་ཀྱིས་ཁོང་གི་དགོངས་རྫོགས་དང་འབྲེལ་ནས་བརྙན་ལམ་དུ་ཕུལ་བའི་དྲན་གསོའི་བརྙན་དེ་བཞག་ཡོད་པའི་ཁྲོད་ཉི་མ་ལྷ་མོ་ལགས་ཀྱིས་རིན་པོ་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་ལྟར་སྐུ་ཚེ་གང་པོ་བོད་མི་རིགས་ཀྱི་ཆོས་དང་རིག་གཞུང་གི་དོན་དུ་སྐུ་ངལ་འཛེམ་མེད་ཀྱིས་ཕྱག་ལས་གནང་ཡོད་པ་ཡོངས་གྲགས་གནང་སྟེ་བོད་དོན་རྒྱབ་སྐྱོར་བའི་ཚོགས་སྐྱིད་ཁག་གིས་རིན་པོ་ཆེ་མཆོག་གཙོས་གཞིས་བཞུགས་བོད་ཀྱི་ཆབ་སྲིད་བཙོན་པ་ཡོངས་ཀྱི་ཆེད་དུ་སྐུ་ལས་བསྐྱོན་ཡོད་པ་ལྟར་ད་དུང་ཡང་དཀའ་ལས་རྒྱག་དགོས་པའི་རེ་སྐུལ་ཞུས་འདུགརྒྱལ་སྤྱིའི་བོད་དོན་འབྲེལ་མཐུད་ཁང་གིས་ཀྱང་རིན་པོ་མཆོག་གིས་བོད་དོན་གྱི་ཆེད་དུ་ཕྱག་ལས་རྒྱ་ཆེར་གནང་ཡོད་པར་ཡོངས་གྲགས་ཀྱིས་འབྲེལ་མཐུད་ཁང་གི་ངོས་ནས་དེ་སྔ་ནས་སྤྲུུལ་སྐུ་བསྟན་འཛིན་བདེ་ལེགས་རིན་པོ་ཆེ་ཡི་སྙིང་སྟོབས་གཟེངས་རྟགས་ཞེས་པ་ཞིག་གསར་གཏོད་ཀྱིས་བོད་དོན་ཆེད་དུ་ཕྱག་ལས་རྒྱ་ཆེར་གནང་མཁན་རྣམས་ལ་གནང་བཞིན་ཡོད་ཀྱང་། འདི་ལོ་ཏོག་དབྱིབས་རིསམ་ནད་ཀྱི་རྐྱེན་གྱིས་གཟེངས་རྟགས་དེ་གནང་མ་ཐུབ་པར་བརྟེན་བོད་མིའི་རང་དབང་དང་འགྲོ་བ་མིའི་ཐོབ་ཐང་གི་ཐད་ལ་ཕྱག་ལས་གནང་མཁན་རྣམས་ལ་ཆེ་བསྟོད་ཞུས་འདུགདེ་བཞིན་ཐེ་ཝན་དུ་རྟེན་གཞི་བྱས་པའི་བོད་རང་བཙན་སློབ་ཕྲུག་ཚོགས་པས་ཀྱང་རིན་པོ་ཆེ་མཆོག་གི་དགོངས་རྫོགས་དང་འབྲེལ་ནས་ཁོང་ཉིད་དྲན་རྟེན་གྱི་རི་མོ་ཞིག་འབྲི་བཞེངས་བརྒྱུད་རིན་པོ་ཆེ་མཆག་ནི་བོད་པའི་སྤྱི་ཚོགས་ཀྱི་ཁྲོད་དུ་ཤེས་ཡོན་སློབ་གསོ་དང་འཕྲོད་བསྟེན། དེ་བཞིན་བོད་ཀྱི་རང་བྱུང་ཁོར་ཡུག་སྲུང་སྐྱོབ་ལ་ཐུགས་ཁུར་ཆེན་པོ་གནང་མཁན་ཞིག་ཡིན་པར་བརྟེན་རྒྱ་ནག་དམར་ཤོག་སྲིད་གཞུང་གིས་ཁོང་འཛིན་བཟུང་བྱས་ཏེ་མཐར་བཙོན་ཁང་ནས་བཀྲོངས་ཡོད་པ་ཞིག་ཡིན་སྐོར་དང་བཅས། དམ་པ་གང་གིས་བོད་རིགས་སྤྱི་ཚོགས་ཀྱི་ཆེད་དུ་རླབས་ཆེན་གྱི་མཛད་རྗེས་བཞག་ཡོད་པར་བསྔགས་བརྗོད་ཞུས་འདུགརྩ་བའི་རྒྱ་ནག་གཞུང་གིས་ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ཁྲིན་ཏུའུ་རུ་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བསྙད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧ ཉིན་གྱི་དགོང་མོའི་ཆུ་ཚོད་ ༡༢ ཙམ་ལ་གློ་བུར་དུ་འཛིན་བཟུང་བྱས་ཡོད་པ་དང་། དེ་རྗེས་སྲོག་ཁྲིམས་ནས་ཚེ་བཙོན་དུ་འགྱུར་བ་བཏང་སྟེ་བཙོན་ཁང་གི་མནར་གཅོད་འོག་ལོ་ངོ་ ༡༣ རིང་བཞག་མཐར་སྔ་ལོ་ ༢༠༡༥ ཕྱི་ཟླ་...

༸སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གིས་མི་རིགས་ལ་བཞག་པའི་རླབས་ཆེན་གྱི་བྱས་རྗེས་མཚོན་པའི་ཁོང་གི་མཚན་གནས་རྗེས་འབྲེལ་གྱི་འདི་ལོ་ ༢༠༡༩ ལོའི་སྙིང་སྟོབས་གཟེངས་རྟགས་དེ་༸ཀུན་གཟིགས་༸པཎ་ཆེན་ཆུང་སྲིད་རིན་པོ་ཆེ་དགེ་འདུན་ཆོས་ཉི་མ་མཆོག་ལ་མཆོག་ལ་ཕུལ་འདུག  ཁ་ཉིན་ཕྱི་ཚེས་ ༡༢  ཉིན་༸སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་ནག་གི་བཙོན་ཁང་དུ་སྐུ་གྲོངས་ཏེ་ལོ་ངོ་ཧྲིལ་པོ་ ༤ འཁོར་བའི་ཉིན་མོ་དང་བསྟུན། ཨིན་ཡུལ་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་འབྲེལ་མཐུད་ཁང་གི་ལས་ཁུངས་སུ་ Free tibet ཞེས་པའི་ཚོགས་པས་གོ་སྒྲིག་འོག་རིན་པོ་ཆེ་མཆོག་རྗེས་དྲན་གྱི་སྙིང་སྟོབས་གཟེངས་རྟགས་ཐེངས་ ༤ པ་འབུལ་བའི་མཛད་སྒོ་ཚོགས་ཏེ་འདི་ལོའི་སྙིང་སྟོབས་གཟེངས་རྟགས་དེ་རྒྱ་ནག་གཞུང་གིས་དགུང་ལོ་ ༦ ཙམ་ནས་བཙན་ཁྲིད་བྱས་པའི་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་ལ་ཕུལ་ཡོད་པ་ལྟར། ཨིན་ཡུལ་དོན་གཅོད་བསོད་ནམས་ཚེ་རིང་ཕར་སི་ལགས་ཀྱིས་རིན་པོ་ཆེ་མཆོག་གི་སྐུ་ཚབ་ཞུས་ཏེ་གཟེངས་རྟགས་བཞེས་འདུག  སྐབས་དེར་དོན་གཅོད་མཆོག་གིས་༸པཎ་ཆེན་ཆུང་སྲིད་རིན་པོ་ཆེ་མཆོག་གཟེངས་རྟགས་ཀྱི་ཡུལ་དངོས་ལ་ཕེབས་ནས་གཟེགས་རྟགས་བཞེས་ཐུབ་མེད་པར་བརྟེན་ཁོང་གི་ཚབ་ཞུས་ནས་གཟེངས་རྟགས་དེ་བཞེས་དུས་སེམས་པ་སྐྱོ་བོ་བྱུང་སོང་ཞེས་གསུངས་པ་དང་སྦྲགས། རྒྱལ་སྤྱིའི་བོད་དོན་འབྲེལ་མཐུད་ཁང་དང་བོད་དོན་རྒྱབ་སྐྱོར་བ་རྣམས་ཀྱིས་གཟེངས་རྟགས་ཀྱི་མཛད་སྒོ་ཚོགས་པ་དེས་བོད་ནང་གི་བོད་མི་རྣམས་ལ་སེམས་ཤུགས་འཕར་མ་ཞིག་བསྩལ་ཡོད་པར་གསུངས་ཏེ། མཛད་སྒོ་བསྐོང་ཚོགས་གནང་མཁན་རྣམས་ལ་ཐུགས་རྗེ་ཆེ་ཞུས་པ་མ་ཟད་གཟེངས་རྟགས་འབུལ་བཞེས་ཀྱི་མཛད་སྒོ་དང་སྟབས་བསྟུན་༸པཎ་ཆེན་ཆུང་སྲིད་མཆོག་གང་མྱུར་གློད་བཀྲོལ་ཡོང་བ་དང་རིན་པོ་ཆེ་མཆོག་༸སྐུ་ཚེ་ཡུན་རིང་བསྟན་པའི་སྨོན་འདུན་ཞུས་འདུག རྩ་བའི་འདི་ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་ཐེངས་ ༤ པའི་འོས་མིའི་ཁོངས་སུ་༸པཎ་ཆེན་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག བོད་ནང་གི་རྩོམ་པ་པོ་འབྲུག་ལོའམ་ཞོགས་ལྗང་ལགས་དང་། ལོ་...

དེ་རིང་བཞུགས་སྒར་ཁུལ་དུ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པ་དང་ཁོང་གི་ཚ་མོ་ཉི་མ་ལྷ་མོ་ལགས་བཅས་ཀྱིས་གོ་སྒྲིག་གནང་ཐོག་རིན་པོ་ཆེ་གང་ཉིད་དགོངས་པ་རྫོགས་ནས་མི་ལོ་ཧྲིལ་བོ་བཞི་འཁོར་བའི་ཉིན་མོ་དང་བསྟུན་ཞབས་ཞུ་ཚོགས་པའི་ཚོགས་གཙོ་ཚེ་རིང་རྡོ་རྗེ་ལགས་ཀྱིས་སྣེ་ཁྲིད་དེ་དྷ་སའི་ཉེ་འགྲམ་དུ་སྦྱིན་གཏོང་གི་ལས་འགུལ་ཞིག་སྤེལ་སོང་། སྦྱིན་གཏོང་གི་ལས་འགུལ་དེ་ཁྲོད་དུ་སྔ་དྲོ་ནོར་གླིང་གི་དབང་པོ་སྐྱོན་ཅན་གྱི་སྡོད་གནས་སྙིང་སྟོབས་གླིང་དུ་ཟས་སྦྱིན་གྱི་ལས་འགུལ་སྤེལ་ཞིང་། ཕྱི་དྲོ་ཕྱག་ཚོད་གསུམ་པ་ཡོལ་ཙམ་ལ་དྷ་སའི་བྱམས་པ་གླིང་རྒས་གསོ་ཁང་དུ་རྒན་རྒོན་ཚོར་དངུལ་སྦྱིན་གནང་སྟེ་རིན་པོ་ཆེ་མཆོག་གི་དགོངས་རྫོགས་ཉིན་མོ་དེ་རྗེས་དྲན་དང་སྲུང་བརྩི་ཞུས་སོང་།  སྐབས་དེར་གསར་འགོད་པས་སྤྲུལ་སྐུ་བསྟན་འཛིན་བདེ་ལེགས་མཆོག་གི་ཞབས་ཞུ་ཚོགས་པའི་ཚོགས་གཙོ་དང་ཁོང་གི་དངོས་སློབ་ཚེ་རིང་རྡོ་རྗེ་ལགས་སུ་དམ་པ་གང་གི་དགོངས་རྫོགས་ཀྱི་ཉིན་མོ་དེ་སྦྱིན་གཏོང་གི་ལམ་ནས་རྗེས་དྲན་དང་སྲུང་བརྩི་གནང་དོན་གང་ཡིན་ཐད་བཀའ་འདྲི་ཞུས་པར་རྒྱ་ནག་གིས་རིན་པོ་ཆེ་མཆོག་བཙོན་དུ་དམར་བསད་བཏང་སྟེ་རིན་པོ་ཆེས་མི་རིགས་ལ་བཅངས་པའི་ཆོས་དང་རིག་གཞུང་འཛིན་སྐྱོང་སྤེལ་གསུམ་གནང་རྒྱུའི་དགོངས་པ་ཇི་ཡོད་དག་མེད་པ་བཟོས་པར་བརྟེན། ཁོང་གི་དགོངས་རྫོགས་ཀྱི་ཉིན་མོ་དེ་རང་ཉིད་རིན་པོ་ཆེ་མཆོག་གི་དངོས་སློབ་ཅིག་ཡིན་པའི་ཆ་ནས་རིན་པོ་ཆེ་མཆོག་གི་དགོངས་པ་དེ་མཇུག་སྐྱོང་ཞུ་གི་ཡོད་པ་གསུངས་སོང་། དེ་བཞིན་རིན་པོ་ཆེ་མཆོག་ནི་གཞན་དང་མི་འདྲ་བའི་དམིགས་བསལ་རླབས་ཆེན་རང་བཞིན་གྱི་རིན་པོ་ཆེ་ཞིག་ཡིན་པ་འགྲེལ་བརྗོད་ཀྱིས་བོད་ཁུལ་དུ་ཆོས་རིག་འཛིན་སྐྱོང་དང་ཁོར་ཡུག་སྲུང་སྐྱོབ། དེ་བཞིན་དྭ་ཕྲུག་སློབ་གྲྭ་དང་རྒས་གསོ་ཁང་གསར་འཛུགས་གནང་མཁན་གྱི་བླ་ན་མེད་པའི་མཛད་རྗེས་ཅན་གྱི་བླ་མ་ཞིག་ཡིན་པར་ངོ་སྤྲོད་གནང་ཡོད། རྩ་བའི་རྒྱ་ནག་གཞུང་ནས་ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ལ་ཁྲེན་ཏོ་རུ་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བརྗོད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧ ཉིན་གྱི་དགོང་མོའི་ཆུ་ཚོད་ ༡༢ ཙམ་ལ་གློ་བུར་དུ་འཛིན་བཟུང་བྱས་ཡོད་པ་དང། དེའི་རྗེས་དུས་འགྱངས་སྲོག་ཁྲིམས་ནས་ཚེ་བཙོན་དུ་འགྱུར་བ་བཏང་སྟེ་བཙོན་ཁང་གི་མནར་གཅོད་འོག་ལོ་ངོ་ ༡༣ རིང་བཞག་མཐར་སྔ་ལོ་ ༢༠༡༥ ཕྱི་ཟླ་ ༧ ཚེས ༡༢ ཉིན་ཁྲེན་ཏུ་བཙོན་ཁང་དུ་གློ་བུར་དུ་དགོངས་པ་རྫོགས་པའི་གནས་ཚུལ་བྱུང་ཡོད་པ་དང་། དུས་ད་ལྟའང་སྤྲུལ་སྐུ་བསྟན་འཛིན་བདེ་ལེགས་མཆོག་གི་ཤུལ་ལུས་ནང་མི་ཚོར་རྒྱ་ནག་གིས་དམ་དྲག་གི་ཁྲོད་དུ་ལྷུང་ཡོད་པ་རེད།

ཁ་སང་ཟླ་ ༧ ཚེས་ ༡༢ ཉིན་མོ་དེ་ནི་དེ་སྔ་ཕྱི་ལོ་ ༢༠༡༥ ཟླ་ ༧ ཚེས་ ༡༢ ཉིན་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་དེ་ཉིད་རྒྱ་གཞུང་གི་བཙོན་ཁང་ནང་སྐུ་གྲོངས་པའི་ཉིན་མོ་ཡིན་པ་དང་བསྟུན། ཉི་ཧོང་ནང་རྟེན་གཞི་བྱས་པའི་བོད་རང་བཙན་སློབ་ཕྲུག་ཚོགས་པས་གོ་སྒྲིག་ཞུས་དོན་ལྟར་ཁུལ་དེའི་བོད་ཁང་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་སྐུ་འདས་གྲོངས་སུ་གྱུར་ནས་ལོ་ངོ་གསུམ་འཁོར་བའི་རྗེས་དྲན་ཉིན་མོ་སྲུང་བརྩི་ཞུས་པ་དང་སྦྲགས། ད་ཆ་ཨ་རིའི་ San Fransicco གྲོང་ཁྱེར་ནང་གནས་བཞུགས་འཇིགས་བྲལ་གློག་བརྙན་བཟོ་སྐྲུན་པ་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་དང་ཁོང་གི་ཕྱག་རོགས་མགོ་ལོག་འཇིགས་མེད་ལགས་རྣམ་གཉིས་ལ་འདི་ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་སྙིང་སྟོབས་གཟེངས་རྟགས་ཕུལ་འདུག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་དེ་ཉིད་ཀྱི་རྗེས་དྲན་ལས་རིམ་ཐོག་རིན་པོ་ཆེ་དམ་པའི་ཚ་མོ་ཉི་མ་ལྷ་མོ་ལགས་ཀྱིས་གཙོས་སྐུ་མགྲོན་གཙོ་བོ་ཉི་ཧོང་བོད་ཀྱི་སྐུ་ཚབ་དོན་གཅོད་ལུང་རྟོགས་ལགས། བོད་མིའི་སྒྲིག་འཛུགས་ཀྱི་དྲིལ་བསྒྲགས་དྲུང་ཆེ་དྭགས་པོ་བསོད་ནམས་ནོར་བུ་ལགས། མཐོ་སློབ་ཁག་གི་སློབ་དཔོན་དང་བོད་དོན་རྒྱབ་སྐྱོར་བ། དེ་བཞིན་ས་གནས་མི་མང་སོགས་ནས་མཉམ་ཞུགས་གནང་འདུག མཛད་སྒོའི་ཐོག་དོན་གྲུབ་དབང་ཆེན་ལགས་དང་མགོ་ལོག་འཇིགས་མེད་ལགས་རྣམ་གཉིས་དངོས་སུ་བཅར་ཐུབ་མེད་ཀྱང་ཁོང་གཉིས་ཀྱིས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་རྗེས་དྲན་ལས་རིམ་གོ་སྒྲིག་ཞུ་མཁན་ཀུན་ལ་ཐུགས་རྗེ་ཆེ་ཞུས་པའི་བརྙན་འཕྲིན་ཞིག་གཟིགས་འབུལ་ཞུས་ཐོག་འདི་ལོའི་རིན་པོ་ཆེ་དམ་པ་དེ་ཉིད་ཀྱི་སྙིང་སྟོབས་གཟེངས་རྟགས་དེ་ཁོང་གཉིས་ལ་གནང་བར་དགའ་ཚོར་ཆེན་པོ་བྱུང་ཞེས་གསུངས་འདུག གཟེངས་རྟགས་དེ་ལྟ་བུ་ཞིག་ཐོབ་པ་ནི་ཁོང་མི་གཉིས་ནས་དཀའ་བརྒྱབ་པ་ཁོ་ན་མིན་པར་གཞིས་བཞུགས་བོད་མི་ཡོད་དོ་ཅོག་གིས་སྐུ་ངལ་འཛམེས་གནང་བའི་གྲུབ་འབྲས་ཤིག་ཡིན་པར་ངོས་འཛིན་ཞུ་བཞིན་ཡོད་པ་དང་། སླད་མར་བོད་མི་ཡོངས་ནས་བོད་ཀྱི་རྩ་དོན་ཆེད་ནུས་པ་མཉམ་སྤུངས་གནང་གལ་ཡིན་པར་རེ་སྐུལ་ཞུས་འདུག

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་ཚ་མོ་ཉི་མ་ལྷ་མོ་ལགས་ཁ་སང་ཚེས་ ༢༧ ཉིན་ཨོ་སི་ཊོ་ལི་ཡའི་གུ་ཡངས་ཆབ་སྲིད་ཚོགས་པའི་འཐུས་མི་དང་བདེ་སྲུང་བློན་ཆེན་ཟུར་པ་སྐུ་ཞབས་ Kevin Andrews ལགས་ཀྱིས་རྐང་གོ་སྒྲིག་འོག་ཨོ་སི་ཊོ་ལི་ཡའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གི་ཉན་ཞིབ་ལས་རིམ་ཐོག་ལྷན་ཞུགས་ཀྱིས་བོད་ནང་གི་ཆབ་སྲིད་བཙོན་པ་ཚོའི་འགྲོ་བ་མིའི་ཐོབ་ཐང་གི་གནས་སྟངས་སྐོར་སྙན་གསེང་ཞུས་འདུག སྐབས་དེར་ཉི་མ་ལྷ་མོ་ལགས་ཀྱིས་ཁོ་མོའི་ཞང་པོ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་མཆོག་ལ་རྒྱ་གཞུང་གིས་མི་སྤྱོད་ལས་འདས་པའི་སྡུག་སྦྱོང་མནར་གཅོད་ཚད་མེད་བཏང་བ་ཁག་ལུང་འདྲེན་དང་འབྲེལ་ཨོ་སི་ཊོ་ལི་ཡའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གིས་རྒྱ་གཞུང་ལ་རིན་པོ་ཆེ་མཆོག་གི་གནད་དོན་ཐད་ཞིབ་འཇུག་མཐིལ་ཕྱིན་གནང་དགོས་པར་གནོན་ཤུགས་སྤྲོད་དགོས་པའི་འབོད་སྐུལ་གནང་འདུག ད་དུང་ཁོང་གིས་རྒྱ་ནག་གཞུང་གིས་རིན་པོ་ཆེ་མཆོག་འཛིན་བཟུང་བྱས་པ་ནས་བཟུང་ཁོང་རང་ཉིད་གཙོས་པའི་ནང་མི་ཉེ་འབྲེལ་དང་དེ་བཞིན་གྲོང་མི་སོགས་ལ་དམ་དྲག་གིས་སུན་གཙེར་བྱས་པ་དེ་ནི་བོད་ནང་གི་བོད་མི་རྣམས་དང་ལྷག་དོན་ཆབ་སྲིད་བཙོན་པ་ཚོར་རྒྱ་ནག་གི་དབང་སྒྱུར་འོག་བསམ་ཡུལ་ལས་འདས་པའི་ངལ་བ་འཕྲད་པའི་དཔེ་མཚོན་མང་པོའི་ནང་གཅིག་ཡིན་སྐོར་གསུངས་འདུག དེ་བཞིན་ཁོང་གིས་ཕྱི་ལོ་ ༢༠༠༩ ནས་བཟུང་བོད་ས་ཁྱོན་ཡོངས་སུ་བོད་མིའི་ཁྲོད་ནས་རང་ལུས་མེར་སྲེག་གཅིག་རྗེས་གཉིས་མཐུད་གནང་བ་དེ་ནི་རྒྱ་གཞུང་གིས་བོད་ཐོག་འཛིན་པའི་དྲག་པོའི་སྲིད་བྱུས་ལ་མ་བཟོད་པར་འ་ཆད་འུ་ཐུག་ནས་གནང་བ་ཞིག་ཡིན་སྐོར་གསུངས་པ་དང་འབྲེལ། ཁོང་རང་ཉིད་ཀྱི་ངོས་ནས་ཀྱང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གློ་བུར་དུ་དགོངས་པ་རྫོགས་པའི་བརྒྱུད་རིམ་ཁྲོད། རྒྱལ་སྤྱིའི་ཚོགས་སྐྱིད་ཁག་ནས་བོད་ནང་གི་བོད་མི་ཚོས་རྒྱ་གཞུང་གི་དྲག་གནོན་འོག་དཀའ་སྡུག་དྲག་པོ་མྱོང་བའི་གནས་སྟངས་ཐོོག་ཐུགས་སྣང་ཞིག་ཡོང་བར་དགོངས་ནས་རང་སྲོག་བཅད་ཐབས་གནང་སྐོར་གསུངས་འདུག ཨོ་སི་ཊོ་ལི་ཡའི་གུ་ཡངས་ཆབ་སྲིད་ཚོགས་པའི་འཐུས་མི་དང་བློན་ཆེན་ཟུར་པ་སྐུ་ཞབས་ Kevin Andrews ལགས་ཀྱིས་ཉི་མ་ལྷ་མོ་ལགས་ཀྱི་སྙིང་སྟོབས་དང་ཆོད་སེམས་ལ་བསྔགས་བརྗོད་གནང་བ་དང་འབྲེལ། ཁོང་གི་ངོས་ནས་བོད་དོན་ལ་རྒྱབ་སྐྱོར་མུ་མཐུད་གནང་རྒྱུ་དང་འདི་བཞིན་བོད་ནང་གི་གནས་སྟངས་ལ་ཐུགས་སྣང་གནང་ངེས་ཡིན་པ་གསུངས་འདུག དེ་བཞིན་ཨོ་སི་ཊོ་ལི་ཡའི་ངལ་སྩོལ་ཚོགས་པའི་འཐུས་མི་ལྕམ་སྐུ་ Meryln Swanson ལགས་ཀྱིས་ཉི་མ་ལྷ་མོ་ལགས་དང་ཁོང་གི་ནང་མི་རྣམས་ལ་གདུང་སེམས་མཉམ་བསྐྱེད་ཞུས་པ་མ་ཟད། ཁོང་ནས་བོད་མི་རིགས་ཀྱི་བདེན་དོན་སླད་ཞུམ་པ་མེདཔའི་སྙིང་སྟོབས་དང་བློས་བཏང་ལ་ཡི་རང་བསྔགས་བརྗོད་ཀྱང་གནང་འདུག གཞི་རྩའི་ ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ལ་ཁྲེན་ཏུར་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བརྗོད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧...

རྒྱལ་གཅེས་པ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ཀྱིས་དེ་རིང་གསར་འགོད་ལྷན་ཚོགས་ཤིག་གི་ཐོག་རྒྱ་གཞུང་ནས་ཁོང་གི་ཨ་ཞང་ལགས་མནར་གཅོད་འོག་བཀྲོངས་ཡོད་པ་དང། སྲིད་གཞུང་ནས་རིན་པོ་ཆེ་མཆོག་གི་གནད་དོན་ཐོག་ཐག་གཅོད་གཙང་མ་བྱ་དགོས་པ་དགོས་འདུན་བཏོན་ཡོད། དེ་ཡང་རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ཉིན་ཤས་གོང་སྟེ་ཕྱི་ཚེས་ ༢༤ ཉིན་བཞུགས་སྒར་དབུས་སྣེ་ལེན་ཁང་དུ་འབྱོར་ཡོད་པ་ལྟར། དེ་རིང་སྔ་དྲོ་ཚོུད་ ༡༡།༠༠ སྟེང་ཁོང་གིས་གངས་སྐྱིད་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་ཕྱི་ནང་གི་གསར་འགོད་པ་རྣམས་ལ་སྔ་ལོ་རྒྱ་ནག་གཞུང་གིས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་བཀྲོངས་པའི་སྔ་རྗེས་ཀྱི་བྱུང་རིམ་དངོས་དང་། དེའི་ཚེ་དེའི་དུས་སུ་ཁོང་རང་ཉིད་གཙོས་པའི་ནང་མི་ཉེ་འབྲེལ་དང་དེ་བཞིན་རིན་པོ་ཆེ་མཆོག་གི་སློབ་མ་སོགས་ལ་འཕྲད་པའི་ཡང་ང་བའི་གནས་ཚུལ་ཁག་ཅིག་མིག་ཆུ་གཏོང་བཞིན་འགྲེལ་བརྗོད་གནང་སོང། རིན་པོ་ཆེའི་ཚ་མོ་ཉི་མ་ལྷ་མོ་ལགས་ནི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་ནག་གཞུང་ནས་བཀྲོངས་ཡོད་མེད་ཐད་ད་བར་ས་གནས་ས་ཐོག་ཏུ་བྱུང་རིམ་དངོས་དང་། གནས་སྟངས་ངོ་མ་མཐོང་ཐོས་བྱུང་མཁན་དཔང་རྟགས་དངོས་ཤིག་ཆགས་ཡོད་སྟབས། ཁོང་གིས་དེ་རིང་གི་གསར་འགོད་ལྷན་ཚོགས་འདིའི་ཐོག་ནས་རིན་པོ་ཆེའི་སྐུ་གདུང་ཞུགས་འབུལ་མ་བྱེད་གོང་དུ་ཕྱག་སེན་དང་ཞལ་མཆུའི་མདོག་ནག་པོ་ཡོད་པ་མཐོང་བ་དང། བཙོན་ཁང་ནང་ཐུགས་འཕྲད་དུ་མ་གཏང་བར་དུས་ཚོད་ནར་འགྱངས་བྱེད་པ་སོགས་རྒྱུ་མཚན་ཁག་ཅིག་གི་ཐོག་ནས་རིན་པོ་ཆེ་བཙོན་ཁང་ནང་བཀྲོངས་ཡོད་པ་གསུངས་ཡོད། ད་དུང་ཉི་མ་ལྷ་མོ་ལགས་དང་ཁོང་གི་ཨ་མའམ་རིན་པོ་ཆེ་མཆོག་གི་སྐུ་སྲིང་སྒྲོལ་དཀར་ལྷ་མོ་གཉིས་ནས་བཙོན་ཁང་དུ་རིན་པོ་ཆེ་མཆོག་གི་སྐུ་གདུང་མཇལ་དུ་བསྐྱོད་ཐུབ་ཆེད། བཙོན་ཁང་ཕྱི་ལ་མང་ཚོགས་དང་ལྷན་དུ་ཞུ་འབོད་གནང་པའི་ཁྲོད་ཉི་མ་ལྷ་མོ་ལགས་ནས་སྐེས་ཐག་རྒྱབ་ནས་རང་ཤི་རྒྱབ་རྩིས་སོགས་བྱས་འདུག་པ་དང། དེ་རྗེས་རྒྱ་གཞུང་ནས་ཉི་མ་ལྷ་མོ་ལགས་དང་ཁོང་གི་ཨ་མ་གཉིས་འཛིན་བཟུང་གིས་ཉིན་གྲངས་ ༡༨ རྗེས་ཁོང་གཉིས་ལ་རིན་པོ་ཆེ་མཆོག་གི་ཕྱག་སེན་དང་ཞལ་མཆུ་ནག་པོ་ཆགས་ཡོད་པ་དང་། རིན་པོ་ཆེ་མཆོག་གི་གནས་ཚུལ་ཁག་ཕྱི་ལ་བཤད་མི་ཆོག་པ་སོགས་རྒྱུ་མཚན་གསུམ་ཅན་འཁོད་པའི་ཤོག་བུ་ཞིག་གི་སྟེང་ས་རྟགས་རྒྱག་དགོས་པའི་བཙན་བཤད་དང་འཇིགས་སྐུལ་བྱས་འདུག ཉི་མ་ལྷ་མོ་ལགས་ནས་ད་རེས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་དངོས་ཡོད་གནས་ཚུལ་ཁག་འཛམ་གླིང་མང་ཚོགས་ལ་བདེན་པ་ར་སྤྲོད་ཡོང་ཆེད་དཀའ་ངལ་དུ་མ་བརྒྱུད། བལ་ཡུལ་ནས་རྒྱ་གར་ལ་འབྱོར་བར་བདུན་ཕྲག་གཉིས་ལྷག་འགོར་འདུག་པ་དང་། ལྷག་པར་དུ་དེའི་ཆེད་དུ་ཁོང་རང་ཉིད་ཀྱི་ལོ་ན་དྲུག་ཅན་གྱི་བོུ་དང་ཨ་མ་ལོ་རྒན་ཞིག་བློས་གཏོང་གནང་འདུག གསར་འགོད་ལྷན་ཚོགས་ཐོག་སེམས་སྐྱོ་སྣང་ཆེན་པོས་མིག་ཆུ་གཏོང་བཞིན་གཏོང་བཞིན་ཁོང་གི་བློས་གཏོང་ཆེན་པོ་དེ་ལྟར་གནང་དགོས་པའི་རེ་བ་གཅིག་ཡོད་པ་དེ་ནི་རྒྱ་གཞུང་གིས་རིན་པོ་ཆེར་འཇིགས་སྐུལ་རིང་ལུགས་པར་བརྗོད་ནས་མ་ཉེས་ཁ་གཡོགས་འོག་སྐུ་བཀྲོངས་པའི་གནད་དོན་ཐད་རྒྱ་ནག་གཞུང་ནས་ཁྲིམས་ལྟར་ཞིབ་འཇུག་མཐིལ་ཕྱིན་ཞིག་དགོས་ཀྱི་ཡོད་པ་གསུངས་ཡོད། རྩ་བའི་རྒྱ་ནག་གཞུང་ནས་ལི་ཐང་སྤྲུལ་སྐུ་བསྟན་འཛིན་བདེ་ལེགས་རིན་པོ་མཆོག་ལ་ཁྲེན་ཏུར་འབར་རྫས་གས་ཐོར་གྱི་དོན་རྐྱེན་ཞིག་དང་འབྲེལ་བ་ཡོད་པ་བརྗོད་ནས་ཕྱི་ལོ་ ༢༠༠༢ ཟླ་ ༤ ཚེས་ ༧...

དེ་རིང་ཟླ་ ༧ ཚེས་ ༢༨ ཉིན་གྱི་སྔ་དྲོ་ཚོུད་ ༡༡།༠༠ སྟེང་གངས་སྐྱིད་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་ཉེ་ཆར་བཙན་བྱོལ་དུ་འབྱོར་བའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཚ་མོ་ཉི་མ་ལྷ་མོ་ལགས་ཀྱིས་གསར་འགོད་ལྷན་ཚོགས་ཤིག་སྐོང་ཚོགས་གནང་ཡོད་པ་རེད། སྐབས་དེར་ཁོང་གིས་ཁོང་མོ་བཙན་བྱོལ་དུ་ཉེན་ཁར་མ་འཛེམས་པར་རིན་པོ་ཆེའི་གནད་དོན་དང་འབྲེལ་བའི་དྲང་བདེན་གྱི་གནས་ཚུལ་ཕྱིར་བསྒྲགས་བྱ་སླད་ཆེད་ཕེབས་གནང་པ་ཞིག་ཡིན་པ་འགྲེལ་བརྗོད་དང་འབྲེལ། ལྷག་དོན་རྒྱ་ནག་གཞུང་གིས་རིན་པོ་ཆེ་མཆོག་དགོངས་པ་རྫོགས་པའི་སྔ་རྗེས་ཀྱི་གནད་དོན་ཆ་ཚང་གསལ་བཤད་བྱེད་དགོས་པ་མ་ཟད། ཁོང་ལ་མ་ཉེས་ཁ་གཡོགས་བྱས་པའི་ནག་ཉེས་ར་སྤྲོད་མཐིལ་ཕྱིན་བྱེད་དགོས་པའི་དགོས་འདུན་བཏོན་གནང་སོང། བརྙན་པར།  http://www.youtube.com/watch?v=9gms05de9I8