ཧོང་ཀོང་གི་ལས་འགུལ་ལ་རྒྱབ་སྐྱོར་བྱས་རྐྱེན་རྒྱ་ནག་ནང་གྲགས་ཅན་NBAསིལ་སྤོལ་འགྲན་བསྡུར་རྒྱང་བསྲིང་བྱ་རྒྱུ་ཕྱིར་འཐེན།

ཨ་རིའི་གྲོས་ཚོགས་འཐུས་མི་ཁག་གཅིག་དང་ནོར་ཝེ་གུ་ཡངས་ཆབ་སྲིད་ཚོགས་པའི་གྲོས་ཚོགས་འཐུས་མི་བཅས་ཀྱིས་ཧོང་ཀོང་མང་གཙོའི་ལས་འགུལ་ལ་ཕྱི་ལོ་ ༢༠༢༠ ལོའི་ནོ་སྦེལ་ཞི་བདེའི་གཟེངས་རྟགས་གནང་དགོས་པ་གསུངས་འདུག གཟའ་འཁོར་སྔོན་མའི་ཕྱི་ཚེས་ ༣༡ ཉིན་ CECC ཞེས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཚོགས་གཙོ་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་ Jim McGovern ལགས་ཀྱིས་དབུས་པའི་གྲོས་ཚོགས་འཐུས་མི་ཁག་གཅིག་གིས་མཚན་རྟགས་བསྐྱོན་ཐོག་ནོར་ཝེ་ནང་རྟེན་གཞི་བྱས་པའི་ནོ་སྦེལ་ཞི་བདེའི་ལྷན་ཚོགས་ཀྱི་ཚོགས་གཙོ་ལྕམ་སྐུ་ Berit Reiss-Andersen ལགས་གཙོས་ཚོགས་མི་རྣམས་ལ་ཕྱི་ལོ་ ༢༠༢༠ ལོའི་ནོ་སྦེལ་ཞི་བདེའི་གཟེངས་རྟགས་དེ་ཧོང་ཀོང་གི་མང་གཙོའི་ལས་འགུལ་ལ་གནང་སྐྱོང་ཡོང་བའི་སྙན་སེང་ཞུས་འདུག ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གིས་ཕུལ་བའི་སྙན་ཞུ་ནང་འདི་ལོར་ཧོང་ཀོང་གི་ཞི་རྒོལ་བ་རྣམས་ནས་ཧོང་ཀོང་གི་རང་དབང་དང་འགྲོ་བ་མིའི་ཐོབ་ཐང། དེ་བཞིན་ཧོང་ཀོང་གི་གཞི་རྩའི་ཁྲིམས་ཡིག་ཁག་ལ་སྲུང་སྐྱོབ་གནང་བར་ནོ་སྦེལ་ཞི་བདེའི་ལྷན་ཚོགས་ཀྱིས་ངོས་འཛིན་གནང་དགོས་པ་དང་ལས་འགུལ་བའི་ཁྲོད་སློབ་ཕྲུག་དང་དགེ་རྒན། ཁྲིམས་རྩོད་པ། སྤྱི་ཚོགས་ཞབས་ཞུ་བ། དེ་བཞིན་སྨན་ཞབས། ཚོང་པ་སོགས་མི་གྲངས་འབུམ་མང་པོས་རང་ཉིད་ཀྱི་འཕྲོད་བསྟེན་དང་བདེ་འཇགས། ལས་སྣེ་དང་ཤེས་ཡོན་སོགས་ལ་བལྟོས་མེད་ཀྱིས་སླད་མར་ཧོང་ཀོང་གི་བདེ་དོན་ལ་ཆེད་དམིགས་ཀྱིས་རྒྱུན་སྲིང་སྟེ་རྣམ་པ་འདྲ་མིན་ཐོག་ལས་འགུལ་རྒྱ་ཆེ་སྤེལ་ཁག་རྣམས་ངོ་སྤྲོད་དང་སྦྲགས། ཞི་རྒོལ་དེའི་ཁྲོད་མི་སྒེར་དང་ཚོགས་པ་སྒེར་གཅིག་ངོ་སྤྲོད་གནང་བ་ལས་ཧོང་ཀོང་ནང་གི་མི་མང་ས་ཡ་མང་པོས་རྒྱལ་སྤྱི་ཁྱོན་ཡོངས་ལ་མིག་སྟོས་བཟང་པོ་བསྟན་པའི་ཧོང་ཀོང་གི་མང་གཙོ་ལས་འགུལ་ངོ་སྤྲོད་གནང་རྒྱུ་འོས་ཆོས་སུ་གཟིགས་སྐོར་བརྗོད་འདུག དེ་བཞིན་ནོ་སྦེལ་ཞི་བདེའི་ལྷན་ཚོགས་ཀྱིས་འགྲོ་བ་མིའི་ཐོབ་ཐང་དང་ཞི་བདེ་ཆེད་སྐུ་ལས་སྐྱོན་མཁན་རྣམས་ལ་རྒྱབ་སྐྱོར་མུ་མཐུད་གནང་རྒྱུའི་རེ་བ་ཡོད་པ་དང་ལྷག་དོན་འདི་ལོའི་ནོ་སྦེལ་ཞི་བདེ་གཟེངས་རྟགས་དེ་ཧོང་ཀོང་གི་མང་གཙོའི་ལས་འགུལ་ལ་གནང་རྒྱུ་ལས་དེ་མིན་འོས་ཆོས་གཞན་གང་ཡང་མེད་པ་གསུངས་ཡོད་པ་རེད། ཁ་སང་རེས་གཟའ་མིག་དམར་ཉིན་ནོར་ཝེ་གུ་ཡངས་ཆབ་སྲིད་ཚོགས་པའི་གྲོས་ཚོགས་འཐུས་མི་ལྕམ་སྐུ་ Guri Melby...

NBA ཞེས་པའི་བྱང་ཨ་མི་རི་ཀའི་རྒྱལ་ཡོངས་སིལ་སྦོལ་མཐུན་ཚོགས་ཀྱི་གཙོ་འཛིན་སྐུ་ཞབས་ Adam Silver ལགས་ཀྱིས་ Houston ནང་རྟེན་གཞི་བྱས་པའི་Rockets སིལ་སྤོལ་རུ་ཁག་གི་འགན་འཛིན་ངོས་ནས་ཧོང་ཀོང་གི་ངོ་རྒོལ་ལས་འགུལ་ལ་རྒྱབ་སྐྱོར་བྱས་པའི་གནད་དོན་དེ་ནི་ཁོང་གི་སྨྲ་བརྗོད་རང་དབང་ཞིག་ཡིང་པར་འགྲེལ་བརྗོད་གནང་རྗེས། རྒྱ་ནག་གི་གཞུང་འབྲེལ་CCTV བརྙན་འཕྲིན་ལས་ཁང་ནས་ NBA  འི་སྔོན་འགྲོའི་རྩེད་འགྲན་ཆ་ཚང་རྒྱ་ནག་ནང་རྒྱང་བསྲིང་བྱ་རྒྱུ་ཕྱིར་འཐེན་བྱས་འདུག དེའང་NBA འི་ཚོགས་མི་ཡིན་པའི་ Houston Rockets རུ་ཁག་གི་འགན་འཛིན་ Daryl Morey ལགས་ཀྱིས་བདུན་ཕྲག་སྔོན་མའི་རེས་གཟའ་པ་སངས་ཉིན་རང་ཉིད་ཀྱི་ Twitter དྲ་གནས་ཐོག་ཧོང་ཀོང་ལ་རྒྱབ་སྐྱོར་གྱི་མཚོན་རྟགས་ཤིག་བརྒྱུད་སྤེལ་གནང་རྗེས།  རྒྱ་རིགས་མི་སེར་མང་པོས་དེར་ངོ་རྒོལ་གནང་པའི་རྐྱེན་གྱིས། སྐུ་ཞབས་ Morey ལགས་ཀྱིས་ལམ་སང་མཚོན་རྟགས་དེ་ཕྱིར་འཐེན་བྱས་ཏེ་དེ་ནི་ཁོང་སྒེར་གྱི་ལངས་ཕྱོགས་ཤིག་ཡིན་པའི་གསལ་བཤད་གནང་བ་མ་ཟད།...