ཨ་རི་གྲོས་ཚོགས་ཀྱི་འཐུས་མི་ཟུར་པ་སྐུ་ཞབས་ John Lewis མཆོག་འདས་གྲོངས་སུ་གྱུར་བར་ཐུགས་གསོ་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རི་གྲོས་ཚོགས་འཐུས་མི་ཟུར་པ་སྐུ་ཞབས་ John Lewis མཆོག་གཟའ་འཁོར་སྔོན་མའི་རེས་གཟའ་པ་སངས་ཉིན་འདས་གྲོངས་སུ་གྱུར་བའི་ཡིད་སྐྱོའི་གནས་ཚུལ་ཐོན་པར་ཐུགས་གསོའི་གསུང་འཕྲིན་ཞིག་བསྩལ་འདུགགསུང་འཕྲིན་དེའི་ནང་དམ་པ་ཁོང་ནི་ཨ་རིའི་སྤྱི་དམངས་ཐོབ་ཐང་འཐབ་རྩོད་གནང་མཁན་གྱི་དབུ་ཁྲིད་ཙམ་མིན་པར་འཚེ་མེད་ཞི་བདེ་དང་དྲང་བདེན་ཐད་རྒྱལ་སྤྱི་ཁྱོན་ཡོངས་ལ་སེམས་འགུལ་སྤེལ་མཁན་མིག་ལྟོས་ལྟ་བུ་ཆགས་ཡོད་པ་བཀའ་བསྩལ་འདུག ༸གོང་ས་མཆོག་གིས་མགོན་པོ་༸གང་ཉིད་མཆོག་ནི་དུས་ཡུན་རིང་པོའི་གོང་ནས་ཨ་རིའི་སྙན་གྲགས་ཅན་གྱི་སྤྱི་དམངས་ཐོབ་ཐང་རྩོད་ལེན་པ་སྐུ་ཞབས་ Dr. Martin Luther King Jr མཆོག་དང་རྒྱ་གར་གྱི་མེས་པོ་དམ་པ་བདག་ཉིད་ཆེན་པོ་ Gandhi མཆོག དེ་བཞིན་ལྷོ་ཨ་ཕི་རི་ཀའི་དབུ་ཁྲིད་ Nelson Mandela མཆོག་སོགས་སྐྱེས་ཆེན་དམ་པ་དེ་དག་ལ་ཡིད་མོས་མཛད་མཁན་ཞིག་ཡིན་པ་དང་། ལྷག་པར་དུ་མགོན་པོ་༸གང་ཉིད་མཆོག་ནས་འཚེ་མེད་ཞི་བ་དང་འབྲེལ་བའི་བཀའ་མོལ་སྩོལ་སྐབས་ཁོང་རྣམ་པ་དཔེ་མཚོན་དུ་ལུང་འདྲེན་མཛད་སྐོར་བཀའ་བསྩལ་བ་དང་སྦྲགས། སྐུ་ཞབས་ Lewis ལགས་དམ་པ་དེ་ཉིད་ནི་ Dr. Martin Luther King...