ཨ་རི་གྲོས་ཚོགས་ནས་རྒྱལ་སྤྱིའི་ཁྲོད་འགྲོ་བ་མིའི་ཐོབ་ཐང་ཐོག་འགན་འཁུར་ཐུབ་ཐབས་ཀྱི་ཁྲིམས་ལུགས་གཏན་འབེབས་གནང་འདུག

ཨ་མི་རི་ཀའི་རྒྱལ་ཡོངས་གྲོས་ཚོགས་ཀྱིས་ངོས་ནས་ Global Magnitsky Human Rights Accountability Act ཞེས་རྒྱལ་སྤྱིའི་ཁྲོད་འགྲོ་བ་མིའི་ཐོབ་ཐང་ཐོག་འགན་འཁུར་ཐུབ་ཐབས་དང་འབྲེལ་བའི་ཁྲིམས་འཆར་དེ་བཞིན་རྒྱལ་ཁབ་ཀྱི་ཁྲིམས་ལུགས་ཤིག་གི་ངོ་བོར་དངོས་སུ་གཏན་འབེབས་གནང་འདུག དེའང་ཟླ་ ༡༢ ཚེས་ ༩ ཉིན་རྒྱལ་སྤྱིའི་ལྐོག་ཟ་རུལ་སུངས་ལ་གདོང་ལེན་གྱི་ཉིན་མོ་དང་འདི་བཞིན་ཚེས་ ༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་གཉིས་སྲུང་བརྩི་དང་བསྟུན། ཉེ་ཆར་ཚེས་ ༨ ཉིན་ཨ་རིའི་རྒྱལ་ཡོངས་གྲོས་ཚོགས་ཀྱི་ངོས་ནས་དེ་སྔ་ ༢༠༡༢ ལོར་ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ Ben Cardin ལགས་ཀྱིས་འདོན་འཇོག་གནང་པའི་རྒྱལ་སྤྱིའི་ཁྲོད་འགྲོ་བ་མིའི་ཐོབ་ཐང་ཐོག་འགན་ཁུར་ཐུབ་ཐབས་ཀྱི་ཁྲིམས་འཆར་དེ་ཨ་མི་རི་ཀའི་རྒྱལ་སྲུང་དབང་ཚད་ཀྱི་ཁྲིམས་གཞིའི་འོག་ ༢༠༡༧ ལོ་ནས་དངོས་སུ་ལག་བསྟར་བྱ་རྒྱུར་གཏན་འབེབས་གནང་ཡོད་པ་དང་།...