china

ཉེ་ཆར་དྷརྨ་ས་ལར་ཏོག་དབྱིབས་རིམས་ནད་འོག་བོད་མི་ཞིག་འདས་གྲོངས་སུ་གྱུར་བའི་གནས་སྟངས་བྱུང་བའི་ཁྲོད་འདིར་བོད་མི་དེའི་ནང་མི་གཙོས་པའི་འབྲེལ་ཡོད་ཚོར་ནད་རྟགས་ཐོན་མེད་པར་མ་ཟད། ད་ཆ་དྷ་སར་གཉན་རིམས་འདི་ཕོག་མཁན་ནད་པ་གཅིག་མ་གཏོགས་མེད་པ་རེད་འདུགཟླ་ ༣ ཕྱི་ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བོད་ཀྱི་བརྙན་འཕྲིན་བརྒྱུད་བཙན་བྱོལ་ནང་གནས་བཞུགས་བོད་མིར་རྒྱ་ནག་ཝུ་ཧན་གྱི་གཉན་རིམས་དེ་ཕོག་ཡོད་པའི་ཁྲོད་ནས་བོད་མི་གཉིས་འདས་གྲོངས་སུ་གྱུར་ཡོད་པ་གསུངས་པ་དང་སྦྲགས། གཉན་རིམས་དེ་རྐྱེན་དྷ་སར་འདས་གྲོངས་སུ་གྱུར་བའི་བོད་མི་དེའི་ནང་མི་གཙོས་པའི་འབྲེལ་ཡོད་ཚོར་ནད་རྟགས་དེ་ཐོན་མེད་པ་གསལ་བསྒྲགས་གནང་ཡོད། གཞི་རྩའི་ཧི་མཱ་ཅལ་ཀཱངྒ་ར་རྫོང་ཁོངས་སུ་ད་བར་ཏོག་དབྱིབས་རིམས་ནད་ཕོག་མཁན་ནད་པ་ཁྱོན་གསུམ་བྱུང་ཡོད་པའི་ཁོངས་ནས་བོད་མི་གཅིག་བྱུང་ཡོད་པ་དེ་འདས་གྲོངས་སུ་གྱུར་ཟིན་པ་དང་། དེ་མིན་རྒྱ་གར་བ་ནད་པ་གཉིས་པ་ལས་གཅིག་ཉེ་ཆར་རིམ་པ་དང་པོའི་བརྟག་དཔྱད་ནང་ནད་རྟགས་ཐོན་མེད་པ་དང་སླར་རིམ་པ་གཉིས་པའི་བརྟག་དཔྱད་གནང་མུས་ཡིན་པ་ལྟར། ནད་རྟགས་མ་འཐོན་ཚེ་སྨན་ཁང་ནས་ཕྱིར་རང་ཁྱིམ་དུ་ལོག་རྒྱུ་ཡིན་པ་རེད།ད་ལྟའི་ཆར་ཀཱངྒ་རཱ་རྫོང་དཔོན་ལ་རྫོང་འདིའི་ནང་འདས་པའི་ཉིན་གྲངས་ ༢༨ ནང་ཚུད་ཕྱི་རྒྱལ་ཡུལ་གྲུ་ཁག་ནས་ཕར་འགྲོ་ཚུར་འོང་གནང་བའི་འགྲུལ་བཞུད་པ་གྲངས་ ༡༢༧༢ ཀྱི་གྲངས་རག་སོན་བྱུང་ཡོད་པའི་ཁོངས་མི་ ༣༡༥ ནས་ཉིན་གྲངས་ ༢༨ རིང་གི་ཟུར་བཀག་གནང་ཟིན་པ་དང་ ༢༤༤ མངའ་སྡེ་དེ་ནས་ཕྱིར་ཐོན་གནང་ཟིན་པ་དག་། ད་ཆ་མི་ ༥༦༦ རང་ཁྱིམ་དུ་ཟུར་བཀག་གནང་ཡོད་པར་མ་ཟད་མི་ ༢༡ གཞུང་གི་སྨན་ཁང་ནང་ཟུར་བཀག་གནང་བཞིན་ཡོད་པ་རེད། སྤྱིར་འདས་པའི་ལོ་མཇུག་ཙམ་ལ་རྒྱ་ནག་ནས་ཁྱབ་གདལ་བྱུང་བའི་...

རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ Coronavirus ཞེས་ཏོག་དབྱིབས་གློ་ཚད་རྐྱེན་པས་ད་ཆ་རྒྱ་ནག་ནང་མི་གྲངས་ ༡༡༨༠༠ ལྷག་ལ་ནད་གཞི་ཕོག་ཡོད་པ་མ་ཟད་འདས་གྲོངས་སུ་གྱུར་བའི་གྲངས་འབོར་ ༢༥༠ ལྷག་འཆར་ཡོད་པའི་ཁྲོད་བོད་མིའི་བླ་ན་མེད་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་གནས་དྷརྨ་སཱ་ལཱའི་མེག་ལོཊ་གྷན་ཇ་དུ་ཏོག་དབྱིབས་ནད་རིམས་བརྟག་དཔྱད་གནང་ཡུལ་ཞིག་ཟུར་འཛུགས་གནང་རྒྱུ་རེད་འདུག དེའི་ཁྲོད་དེ་རིང་རྒྱ་གར་ Times གསར་ཁང་གིས་རེས་གཟའ་ཕུར་བུ་ཉིན་ཧི་མཱ་ཅལ་གྱི་སྤྱི་ཁྱབ་དྲུང་ཆེ་མཆོག་གིས་སིམ་ལར་ཛ་དྲག་གི་ཚོགས་འདུ་ཆེད་བསྐོང་གནང་ཐོག་འཕྲོད་བསྟེན་ལྷན་ཁང་ཁག་ནས་སྨན་ཁང་ཆེ་གྲས་སུ་ནད་གཞི་དེ་འབྲེལ་དོགས་གཞི་ཡོད་མཁན་ཚོའི་སླད་དུ་ཟུར་བཀག་གི་ལྟ་རྟོག་གནང་ཡུལ་ཞིག་ཆེད་འཛུགས་གནང་རྒྱུ་དང་། ལྷག་དོན་བཞུགས་སྒར་དུ་མང་ཚོགས་མང་པོ་ཞིག་མགོན་པོ་༸གང་ཉིད་མཆོག་གི་མཇལ་ཁ་ཞུ་བར་ཆེད་བཅར་ཞུ་ཡི་ཡོད་སྟབས། མེག་གྷན་དུའང་དེ་འབྲེལ་ནད་གཞི་བརྟག་དཔྱད་གནང་ཕྱིར་དམིགས་བསལ་ཟུར་འཛུགས་གནང་རྒྱུ་དང་ཆབས་ཅིག་ཏུ་ནད་གཞི་དེ་འབྲེལ་གོ་རྟོགས་གནང་རྒྱུའི་ལམ་སྟོན་གནང་ཡོད་པ་རེད།གནས་ཚུལ་དེ་འབྲེལ་དེ་རིང་ཉིན་རྒྱབ་རྒྱ་གར་ས་གནས་རྫོང་དཔོན་ལས་ཁུངས་ནས་ཆེད་འབོད་གནང་བ་ལྟར། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་འབྲེལ་ཡོད་ལས་བྱེད་དང་དྷ་ས་ས་གནས་འགོ་འཛིན་སོགས་ཕེབས་ནས་ནད་གཞི་དེ་འབྲེལ་ལས་འཆར་ཐོག་ཚོགས་འདུ་ཚོགས་ཡོད་པ་རེད། གཞི་རྩའི་བཞུགས་སྒར་དྷརྨ་སཱ་ལཱ་ནི་༸གོང་ས་མཆོག་གི་བཞུགས་གནས་ཡིན་པའི་ཆ་ནས་རྣམ་ཀུན་འཛམ་གླིང་གི་ཡུལ་གྲུ་གང་ས་ནས་མགོན་པོ་༸གང་ཉིད་མཆོག་གི་གསེར་ཞལ་མཇལ་བར་ཆེད་བཅར་ཞུ་གནང་གི་ཡོད་ཀྱང་། ད་ལྟའི་ཆར་འཛམ་གླིང་སྤྱི་ལ་ཏོག་དབྱིབས་ཀྱི་ནད་གཞི་རིམ་པས་ཁྱབ་བརྡལ་འགྲོ་བཞིན་པར་བརྟེན་ཛ་དྲག་གི་དུས་ཚིགས་འདིར་༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་ཀྱང་༸གོང་ས་༸སྐྱབས་མགོན་ཆེན་པོ་མཆོག་གི་མང་མཇལ་རེ་ཞིག་མཚམས་འཇོག་གནང་ཡོད་པ་རེད། སྤྱིར་ད་ཆ་ནད་རིམས་དེའི་རྐྱེན་པས་ཨ་མི་རི་ཀས་གཙོས་པའི་ཡོ་རོབ་དང་། ཉི་ཧོང་སོགས་ཀྱི་མི་སེར་ཝུ་ཧན་ནང་ཡོད་པ་རྣམས་རྒྱལ་ཁབ་སོ་སོས་འགན་ཁུར་ཏེ་རྒྱ་ནག་ནས་ཕྱིར་འདོན་གནང་གི་ཡོད་པ་དང་། ཁ་སང་ཕྱི་ཚེས་ ༣༡ ཉིན་རྒྱ་གར་གྱི་ Air India གནམ་གྲུ་ཞབས་ཞུ་ཁང་ནས་འགྲུལ་བཞུད་པ་ ༤༢༣ ཙམ་ཤོང་པའི་...