Elizabeth

དབྱིན་ཡུལ་གྱི་ཞིང་གཤེགས་རྒྱལ་མོ་ Elizabeth གཉིས་པ་མཆོག་སྐུ་ཕུང་བཞག་ཡུལ་ Westminster ཚོགས་ཁང་ནང་རྒྱ་ནག་གཞུང་ཚབ་པ་བསྐྱོད་རྒྱུར་བཀག་སྡོམ་གནང་བ་དེ་ལྟར་ཡང་། ཞིང་གཤེགས་རྒྱལ་མོའི་སྐུ་ཕུང་ཞུགས་འབུལ་གྱི་མཛད་སྒོ་ཐོག་རྒྱ་ནག་གི་སྲིད་འཛིན་ཞི་ཅིན་ཕིང་ལ་མགྲོན་བརྡ་གནང་བར་བོད་དོན་རྒྱབ་སྐྱོར་ཚོགས་པས་སྐྱོན་བརྗོད་གནང་འདུགདབྱིན་ཡུལ་དུ་རྟེན་གཞི་བྱས་པའི་ Freetibet ཞེས་བོད་རང་དབང་ཚོགས་པས་གནས་ཚུལ་སྤེལ་བར་གཞིགས་ན། རྒྱ་ནག་གཞུང་གིས་བོད་བཙན་བཟུང་བྱས་པ་དང་ཡུ་གུར་མི་རིགས་རྩ་མེད་བཏང་བ། དེ་བཞིན་ཧོ་ཀོང་གི་མང་གཙོར་བརྩི་མེད་རྡོལ་རོལ་གཏོང་བཞིན་པའི་བྱ་སྤྱོད་ལ་ལྟོས་མེད་དབྱིན་ཡུལ་གྱི་ཞིང་གཤེགས་རྒྱལ་མོ་ Elizabeth གཉིས་པ་མཆོག་གི་སྐུ་ཕུང་ཞུགས་འབུལ་གྱི་མཛད་སྒོར་རྒྱ་ནག་གི་སྲིད་འཛིན་ཞི་ཅིན་ཕིང་ལ་མགྲོན་བརྡ་གནང་བ་ནི་ཉམ་ང་བའི་བློ་ཆུང་བྱབ་ཆུང་གི་ལས་དོན་ཞིག་ཡིན་པ་སྐྱོན་བརྗོད་གནང་འདུག་པར་མ་ཟད། དབྱིན་ཡུལ་གྲོས་ཚོགས་ཀྱིས་ཞིང་གཤེགས་རྒྱལ་མོའི་སྐུ་ཕུང་བཞག་སར་རྒྱ་ནག་གི་གཞུང་འབྲེལ་མི་སྣ་བསྐྱོད་མི་ཆོག་པར་འགྲེལ་བརྗོད་གནང་འདུགཞིང་གཤེགས་རྒྱལ་མོའི་སྐུ་ཕུང་བཞག་ས་ Westminster ཚོགས་ཁང་ནང་གནད་ཡོད་མི་སྣས་མྱ་ངན་གུས་འདུད་ཞུ་ཕྱིར་ཕེབས་ཀྱི་ཡོད་ཀྱང་། དབྱིན་ཡུལ་གྱི་གྲོས་ཚོགས་ཀྱི་ཚོགས་གཙོ་  Lindsay Hoyle ལགས་ཀྱིས་རྒྱ་ནག་གཞུང་གི་སྐུ་ཚབ་མི་སྣ་རྣམས་དེར་མྱ་ངན་གུས་འདུད་ཞུ་ཕྱིར་བཅར་འཐུས་ཀྱི་གནད་དོན་ཐད་ཞལ་བཞེས་གནང་མེད་སྐོར་ལས་རོགས་གྲོས་ཚོགས་འཐུས་མི་རྣམས་ལ་འགྲེལ་བརྗོད་གནང་འདུག་པ་མ་ཟད། དེ་སྔ་རྒྱ་ནག་གཞུང་གིས་དབྱིན་ཡུལ་གྱི་གྲོས་ཚོགས་འཐུས་མི་ཁག་གཅིག་ལ་ཉེས་ཆད་བཀེལ་ཡོད་པའི་རྒྱུ་མཚན་དུ་བྱས་ནས་དེ་སྔ་དབྱིན་ཡུལ་ནང་ཡོད་པའི་རྒྱ་ནག་གི་གཞུང་ཚབ་པ་ Zheng Zeguang དབྱིན་ཇིའི་གྲོས་ཚོགས་ནང་ཡོང་མི་ཆོག་པ་བཟོས་པའི་བཀས་བཅད་པ་དེ་དུས་ད་ལྟའང་རང་སོར་གནས་ཡོད་སྟབས། ང་ཚོའི་ལས་དོན་གཉེར་ས་དང་ཞིང་གཤེགས་རྒྱལ་མོའི་སྐུ་ཕུང་ལ་མྱ་ངན་གུས་འདུད་ཞུ་རྒྱུ་ནི་འོས་འཚམས་ཤིག་མིན་པར་འགྲེལ་བརྗོད་གནང་འདུག དེ་བཞིན་བོད་རང་དབང་ཚོགས་པའི་སྤྱི་ཁྱབ་འགན་འཛིན་...

ཁ་ཉིན་ཕྱི་ཚེས་ ༨ ཀྱི་ཕྱི་དྲོར་དབྱིན་ཡུལ་གྱི་རྒྱལ་མོ་ Elizabeth གཉིས་པ་མཆོག་དགུང་གྲངས་ ༩༦ ཐོག་དགོངས་པ་རྫོགས་ཡོད་སྟབས། དེ་རིང་དབྱིན་ཡུལ་གྱི་རྒྱལ་རྒྱུད་ཕེབས་ལུགས་སྟར་རྒྱལ་མོ་དམ་པ་ཁོང་གི་སྲས་ Charles མཆོག་དབྱིན་ཇིའི་རྒྱལ་པོར་བསྐོ་གཞག་དང་སྦྲགས་ཕྱག་ལས་ཁག་དངོས་སུ་དབུ་འཛུགས་གནང་ཡོད།རྒྱལ་སྲས་ Charles མཆོག་གིས་རྒྱལ་པོའི་ཐུག་འགན་བཞེས་མ་ཐག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འདྲིའི་གསུང་འཕྲིན་ཞིག་སྩལ་བ་དང་སྦྲགས། རྒྱལ་པོ་ Charles III མཆོག་གིས་རྒྱལ་པོའི་ཐུགས་འགན་བཞེས་རིང་ལ་གཞན་དོན་གྱི་ཐུགས་འགན་ཁག་བྱམས་བརྩེ་ལྡན་པའི་ཐོག་ནས་གནང་ངེས་ཡིན་པར་ངོས་རང་ཡིད་ཆེས་གཙང་མ་ཡོད་ཅེས་བཀའ་སྩལ་འདུག མགོན་པོ་༸གང་ཉིད་མཆོག་གིས་རྒྱལ་པོ་ Charles III མཆོག་དང་ཐུགས་ཉེ་པོ་ཡོད་སྐོར་བཀའ་སྩལ་བ་དང་སྦྲགས། ད་རེས་རྒྱལ་པོའི་ཁྲིར་ཕེབས་པར་མགོན་པོ་མཆོག་ཐུགས་དགྱེས་ཚོར་ཆེན་པོ་བྱུང་ཞེས་དང་། མ་འོངས་ཕྱག་ལས་རྣམས་འགེགས་མེད་ཐོག་དབྱིན་ཡུལ་མི་མང་གི་མངོན་འདོད་ལྟར་གནང་ཐུབ་རྒྱུ་དང་། འཛམ་གླིང་ཞི་བདེའི་ཐོག་ལེགས་སྐྱེས་ཕུལ་ཐུབ་པའི་ཐུགས་སྨོན་མཚམས་སྦྱོར་མཛད་འདུགརྩ་བའི་དབྱིན་ཡུལ་གྱི་རྒྱལ་པོ་ Charles III...

བཞུགས་སྒར་དུ་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པ་འཚོགས་བཞིན་པ་དང་བསྟུན དེ་རིང་ལས་ཉིན་བཞི་པའི་སྔ་དྲོའི་ཚོགས་དུས་ཐོག་ཁ་ཉིན་ཕྱི་ཚེས་ ༨ ཀྱི་ཕྱི་དྲོར་དབྱིན་ཇིའི་རྒྱལ་མོ་ Elizabeth གཉིས་པ་དགུང་གྲངས་ ༩༦ ཐོག་དགོངས་པ་རྫོགས་པར་མྱ་ངན་གུས་འདུད་མཚོན་ཕྱིར་ངག་བཅད་གནང་སྟེ་གདུང་སེམས་མཉམ་བསྐྱེད་ཀྱི་གྲོས་ཆོད་སྤྱི་མོས་ཀྱིས་གཏན་འབེབས་གནང་སོང་།  སྤྱི་མོས་ཀྱིས་གཏན་འབེབས་གནང་བའི་གཞུང་འབྲེལ་མྱ་ངན་གུས་འདུད་ཀྱི་རྗེས་དྲན་གྲོས་ཆོད་གྲོས་འཆར་གྱི་ཡིག་ཆ་ཨང་ ༢༠ པར་རྒྱལ་མོ་སྐུ་གཤེགས་དམ་པའི་རྨད་བྱུང་མཛད་རྗེས་རྣམས་ལ་གུས་བཀུར་ཆེ་བསྟོད་ཀྱིས་བསྔགས་བརྗོད་དང་། ཁོང་ཉིད་སྐུ་ཚེ་མ་ཟིན་པར་འཛམ་གླིང་སྤྱི་དང་བྱེ་བྲག་དབྱིན་ཡུལ་མནའ་འབྲེལ་རྒྱལ་ཁབ་ཚོར་གྱོང་གུད་ཆེ་ན་པོ་ཡོད་པས་ཤུལ་བཞུགས་རྒྱལ་སྲས་རྒྱལ་པོ་ Charles གསུམ་པ་མཆོག་གི་སྐུ་འཁོར་དང་དབྱིན་ཡུལ་མི་མང་རྣམས་ལ་བོད་མི་མང་སྤྱི་འཐུས་ལྷན་ཚོགས་ནས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་ཐུགས་གསོ་དང་། དམ་པ་དེ་ཉིད་ཀྱི་ཕུགས་འདུན་བཟང་པོ་རྣམས་ཡོངས་སུ་གྲུབ་ཅིང་། ཚེ་རབས་ཀུན་ཏུ་བདེ་ནས་བདེ་བར་བགྲོད་པའི་སྨོན་ལམ་ཤུགས་དྲག་ཞུ་རྒྱུ་བཅས་བཀོད་འདུགསྐབས་དེར་བོད་མི་མང་སྤྱི་འཐུས་མི་འགྱུར་རྡོ་རྗེ་ལགས་ཀྱིས་དབྱིན་ཡུལ་ནི་ནུབ་ཕྱོགས་རྒྱལ་ཁབ་གཞན་དང་མི་འདྲ་བར་བོད་དང་དམིགས་བསལ་གྱི་འབྲེལ་བ་ཡོད་པ་དང་། ཞིང་གཤེགས་རྒྱལ་མོའི་ཡབ་གཞིས་ཕོ་བྲང་ནས་བོད་མི་དང་བོད་དོན་ལ་དགོངས་པ་བཞེས་སྟངས། ལྷག་པར་དུ་དམ་པ་ཁོང་དང་རྒྱལ་པོ་ Charles གསུམ་པ་མཆོག་༸གོང་ས་༸སྐྱབས་མགོན་ཆེན་པོ་མཆོག་ལ་བརྩི་བཀུར་ཞུ་སྟངས་དང་འབྲེལ་བ་གནང་སྟངས་སོགས་ཧ་ཅང་ཐུགས་ཉེ་པོ་ཡོད་སྐོར་གསུངས་པ་དང་སྦྲགས། རྒྱལ་པོ་ Charles གསུམ་པ་མཆོག་གིས་ཕྱི་ལོ་...