Karmapa

༸དཔལ་རྒྱལ་དབང་ཀརྨ་པ་མཆོག་གི་བཀའ་དགོངས་ལམ་སྟོན་འོག་རྒྱ་གར་དབུས་གཞུང་དང་ས་གནས་མངའ་སྡེའི་ངལ་སེལ་ཐེབས་རྩར་ཞལ་འདེབས་ཕོན་ཆེ་གནང་འདུགད་ཆ་རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་རྐྱེན་པས་རྒྱལ་སྤྱིའི་གཞུང་དང་མང་ཚོགས་སྤྱིའི་གནས་སྟངས་ལ་དཀའ་ངལ་རབས་དང་རིམ་པ་འཕྲད་བཞིན་པའི་ཁྲོད་འདིར་བོད་མིའི་སྒྲིག་འཛུགས་དང་བོད་མིའི་ཆོས་ཕྱོགས་ཀྱི་དབུ་ཁྲིད་རྣམ་པས་དབུས་པའི་ཚོགས་སྐྱིད་དང་གང་ཟག་སྒེར་སོགས་ནས་རྒྱ་གར་དབུས་གཞུང་དང་འབྲེལ་ཡོད་མངའ་སྡེ་གཞུང་སོ་སོས་གཉན་རིམས་སྔོན་འགོག་དང་འབྲེལ་བའི་ལས་གཞི་སྤེལ་རྒྱ་གང་ཆེ་བཞིན་པར་རྒྱབ་སྐྱོར་དང་། ལྷག་དོན་ཡུལ་མི་ཉམ་ཐག་དུ་མའི་ཛ་དྲག་གི་གནས་སྟངས་ལ་གདུང་སེམས་མཉམ་བསྐྱེད་མཚོན་སླད་བཟའ་ཆས་སྦྱིན་གཏོང་དང་དཔལ་འབྱོར་སོགས་ཉེར་མཁོ་ཁག་གཅིག་ཞལ་འདེབས་འབུལ་བཞིན་ཡོད་པ་ལྟར། ཉེ་ལམ་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གི་བཀའ་དགོངས་བཞིན་འབྲེལ་ཡོད་ མཚུར་ཕུ་བླ་བྲང་གི་ཀུན་སྐྱོང་ཐེབས་རྩ་ཁང་དང་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་། དེ་བཞིན་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཁང་བཅས་ཀྱིས་རྒྱ་གར་དབུས་གཞུང་དང་མངའ་སྡེའི་ཏོག་དབྱིབས་རིམས་ནད་དང་འབྲེལ་ཐེབས་རྩར་ཁྱོན་ཧིན་སྒོར་འབུམ་ ༢༨ ཞལ་འདེབས་ཕུལ་འདུག ༸དཔལ་རྒྱལ་དབང་ཀརྨ་པ་མཆོག་གི་སྤྱི་ལས་ཁང་འཛིན་སྐྱོང་མཚུར་ཕུ་བླ་བྲང་གི་ཀུན་སྐྱོང་ཐེབས་རྩས་ རྒྱ་གར་གྱི་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩ་ཧིན་སྒོར་འབུམ་ ༡༢ དང་ཧི་མཱ་ཅལ་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༣ བཅས་ཕུལ་འདུག་པ་མ་ཟད་རྒྱ་གར་འབྲས་ལྗོངས་མངའ་སྡེའི་ནང་ཆགས་པའི་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་གི་གདན་སའི་འདུས་སྤྱིས་འབྲས་ལྗོངས་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༣ བཅས་ཞལ་འདེབས་ཕུལ་འདུག དེ་བཞིན་རྒྱ་གར་བི་ཧཱར་མངའ་སྡེའི་གནས་མཆོག་རྡོ་རྗེ་གདན་དུ་ཡོད་པའི་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཁང་གིས་འབྲེལ་ཡོད་བི་ཧཱར་མངའ་སྡེའི་བློན་ཆེན་མཆོག་གི་ཐེབས་རྩར་ཧིན་སྒོར་འབུམ་ ༥ དང་རྒྱ་གར་གྱི་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩར་ཧིན་སྒོར་འབུམ་ ༥ བཅས་ཞལ་འདེབས་ཕུལ་ཡོད་པ་རེད།ལྷག་དོན་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་ངོ་དེབ་བརྒྱུད་སང་ཟླ་ ༤ ཚེས་ ༡༤ ཉིན་རྒྱལ་སྤྱིའི་ཉིན་མོའི་ཚོུད་ ༢...

གྲུབ་བརྒྱུད་བསྟན་པའི་གསལ་བྱེད་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་གནས་མཆོག་རྡོ་རྗེ་གདན་དུ་ཚོགས་པའི་བཀའ་བརྒྱུད་སྨོན་ལམ་ཆེན་མོ་ཐེངས་ ༣༦ པ་མཇུག་སྒྲིལ་དང་བསྟུན། སྐབས་དེར་ཕེབས་པའི་སྨོན་ལམ་གྱི་ཚོགས་མགོན་༸རྒྱལ་བའི་རྒྱལ་ཚབ་གོ་ཤྲཱི་རིན་པོ་ཆེ་མཆོག་གིས་དབུས་པའི་མཁན་བླ་སྤྲུལ་དང་དགེ་བཤེས། དེ་བཞིན་གྲྭ་བཙུན་དང་དད་ལྡན་མང་ཚོགས་ཡོངས་ལ་དྲྭ་ཐོག་བརྒྱུད་གསུང་འཕྲིན་ཞིག་བསྩལ་འདུགགསུང་འཕྲིན་དེའི་ནང་རིན་པོ་ཆེ་མཆོག་གིས་བཀའ་བརྒྱུད་སྨོན་ལམ་ཆེན་མོ་དེ་བཀའ་བརྒྱུད་པའི་ལོ་གཅིག་དུས་གཅིག་གི་ཆོས་ཕྱོགས་བྱ་བ་གལ་ཆེ་ཞིག་ཆགས་ཀྱི་ཡོད་ཀྱང་། རིན་པོ་ཆེ་༸གང་ཉིད་མཆོག་སྔ་ལོ་དང་འདི་ལོའི་བཀའ་བརྒྱུད་སྨོན་ལམ་ཆེན་མོའི་ཐོག་དངོས་སུ་ཕེབས་མ་ཐུབ་པ་དེར་ཐུགས་ཕམ་ཆེན་པོའི་ཐོག་ནས་མང་ཚོགས་ཡོངས་ལ་དགོངས་སེལ་ཞུས་པ་དང་ཆབས་ཅིག སྤྱིར་རིན་པོ་ཆེ་མཆོག་སྔ་ལོའི་ཕྱི་ཟླ་བཅུ་པའི་ནང་རྒྱ་གར་དུ་ཕྱིར་ཕེབས་གནང་སྟེ་༸གོང་ས་མཆོག་གི་ཞལ་མཇལ་ཞུ་རྒྱུ་དང་རྒྱ་གར་གཞུང་གི་དཔོན་རིགས་ཚོ་དང་མཇལ་འཕྲད་ཐོག་ནས་བཀའ་མོལ་གནང་རྒྱུར་འབད་བརྩོན་གནང་ཡོད་ཀྱང་། རིན་པོ་ཆེ་མཆོག་ནས་ Dominica རྒྱལ་ཁབ་ཀྱི་མི་སེར་བཞེས་ཡོད་སྟབས་རྒྱ་གར་གཞུང་ནས་གནང་བའི་ IC ལག་དེབ་སེར་པོ་དེ་རང་བཞིན་གྱིས་ནུས་མེད་ཆགས་པ་དང་འབྲེལ། ཨ་རིའི་ས་གནས་ New York ནང་རྟེན་གཞི་བྱས་པའི་རྒྱ་གར་གཞུང་ཚབ་ཁང་ལ་འཕྲལ་མར་འབྲེལ་བ་གནང་ཡོད་ཀྱང་། གནད་དོན་དེ་འབྲེལ་ལྡི་ལིར་རྟེན་གཞི་བྱས་པའི་དབུས་ལས་ཁུངས་ལ་འབྲེལ་བ་གནང་དགོས་སྐོར་ལམ་སྟོན་ཕུལ་བ་ལས་ངེས་གཏན་ཁེལ་བའི་ཐག་གཅོད་གནང་མེད་སྟབས་སྐབས་དེར་རྒྱ་གར་དུ་ཕེབས་ཐུབ་མེད་སྐོར་གསུངས་འདུགདེ་བཞིན་རིན་པོ་ཆེ་མཆོག་གིས་སྔ་ལོའི་ཕྱི་ཟླ་བཅུ་གཅིག་ནང་བཞུགས་སྒར་དུ་འཚོགས་གཏན་ཁེལ་བའི་བོད་ཀྱི་ཆོས་བརྒྱུད་ཁག་དང་གཡུང་དྲུང་བོན་བཅས་ཀྱི་ཆོས་ཚོགས་ཐེངས་ ༡༣ པའི་ཐོག་ཕེབས་རྒྱུ་དང་འབྲེལ་མཐོང་མཆན་ཐོབ་ཐབས་གནང་ཡོད་པ་དང་། སྐབས་དེར་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་༸སྐྱབས་རྗེ་ཀཿཐོག་དགེ་རྩེ་རིན་པོ་ཆེ་མཆོག་གློ་བུར་དགོངས་པ་གཞན་དོན་དུ་གཤེགས་པར་མྱ་ངན་གུས་འདུད་མཚོན་ཆེད་ཆོས་ཚོགས་དེ་ཕྱིར་འགྱངས་གནང་ཡོད་པ་རེད། འོན་ཀྱང་མཐོང་མཆན་ཐོག་ལ་ཡང་དོན་འབྲས་གང་ཡང་སོན་མེད་སྐོར་སོགས་བཀའ་བསྩལ་བ་དང་སྦྲགས། ད་ལྟའི་ཆར་རིན་པོ་མཆོག་རྒྱ་གར་དུ་ཕྱིར་ཕེབས་ཐུབ་ཕྱིར་རྒྱ་གར་གཞུང་དང་འབྲེལ་བ་མུ་མཐུད་ཞུ་བཞིན་ཡོད་སྟབས། གང་མགྱོགས་རྒྱ་གར་དུ་ཕེབས་ཐུབ་པར་ཐུགས་རེ་གནང་བཞིན་ཡོད་ཅེས་བཀའ་བསྩལ་འདུགགཞན་ཡང་རིན་པོ་ཆེ་མཆོག་ནས་འདས་པའི་བཀའ་བརྒྱུད་སྨོན་ལམ་རིམ་པའི་ཐོག་ནས་བཟང་ཕྱོགས་ཀྱི་འགྱུར་བ་མང་པོ་ཞིག་ཕྱིན་ཡོད་པ་དང་། དེ་དག་ལས་གཙོ་བོ་ནི་གྲྭ་བཙུན་རྣམ་པའི་ཀུན་སྤྱོད་གོང་འཕེལ་གཏོང་རྒྱུ་དང་།...

ཟླ་བ་འདིའི་ཚེས་ ༢༨ ཉིན་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་ཁེ་ན་ཌའི་ནང་དྲ་ལམ་བརྒྱུད་ཐད་གཏོང་གསུང་ཆོས་བསྩལ་བ་དང་བསྟུན་གནད་དོན་ཁག་ཅིག་ལ་གསལ་བཤད་གནང་སྐབས་སུ་བོད་ཀྱི་བླ་ཆེན་རྣམས་ནས་ཕྱི་རྒྱལ་ཡུལ་གྲུ་ཁག་ཏུ་བསྟན་པ་སྤྱི་ལ་ཞབས་འདེགས་ཞུ་རྒྱུར་དམིགས་ཏེ་འགྲུལ་བསྐྱོད་སྟབས་བདེ་ཡོང་བར་ཕྱིར་བསྐྱོད་ལག་འཁྱེར་བཟོས་གནང་ཡོད་པ་ལྟར་རིན་པོ་ཆེ་མཆོག་ནས་ཀྱང་མ་འོངས་པར་ཕྱི་རྒྱལ་ཡུལ་གྲུ་ཁག་ཏུ་བསྟན་པ་སྤྱི་ལ་ཞབས་འདེགས་བསྒྲུབ་རྒྱུའི་ཆེད་ཕྱིར་བསྐྱོད་ལག་འཁྱེར་བཟོས་གནང་བ་ཞིག་ཡིན་པ་དང་། ལག་འཁྱེར་དེའི་བརྒྱུད་རྒྱ་གར་ལ་གང་མགྱོགས་ཕེབས་ཐུབ་ཕྱིར་ཐོངས་མཆན་ཞུ་བཞིན་ཡོད་ཅེས་གསལ་བཤད་གནང་འདུགརིན་པོ་ཆེ་མཆོག་གིས་སྤྱིར་རྒྱ་གར་གཞུང་གིས་བོད་མི་ཚོར་ཕྱི་རྒྱལ་ཡུལ་གྲུ་ཁག་ཏུ་བསྐྱོད་རྒྱུའི་སླད་འགྲུལ་བསྐྱོད་ལམ་ཡིག་གནང་བཞིན་ཡོད་པ་དེ་ལྟར་ཡང་། དོན་དངོས་ཐོག་ལག་འཁྱེར་དེ་ཕྱི་རྒྱལ་ཡུལ་གྲུག་ཁག་ཅིག་ཏུ་འགྲིམ་འགྲུལ་བྱེད་སྐབས་ངོས་ལེན་མེད་པའི་དཀའ་ངལ་འཕྲད་ཀྱི་ཡོད་པ་ངོ་སྤྲོད་དང་འབྲེལ། དེ་སྔ་བརྒྱུད་ལམ་ཁག་ཏུ་རིན་པོ་ཆེ་མཆོག་ནས་Dominican Republic གྱི་མེ་སེར་བཞེས་ཀྱི་ཡོད་སྐོར་གྱི་གནས་ཚུལ་རིམ་པ་ཐོན་པ་ནི་དངོས་ཡོད་ཀྱི་གནས་ཚུལ་ཞིག་མ་ཡིན་པར་རྫུན་མ་ ཡིན་པ་དང་། དོན་དངོས་ཀྱི་གནས་ཚུལ་ནི་ Commonwealth of Dominica ཞེས་པའི་ལུང་པ་དེའི་ཕྱིར་བསྐྱོད་ལག་འཁྱེར་བཟོས་ཡོད་པར་བཀའ་བསྩལ་བ་དང་སྦྲགས། ༸གོང་ས་མཆོག་དང་རྒྱ་གར་གཞུང་། དབུས་བོད་མིའི་སྒྲིག་འཛུགས་བཅས་ལ་སྙན་སེང་ཞུས་ཡོད་སྐོར་གསུངས་འདུག  དེ་བཞིན་རིན་པོ་ཆེ་མཆོག་གིས་ལོ་ཤས་སྔོན་ནས་༸གོང་ས་མཆོག་གིས་བཀའ་དགོངས་ལམ་སྟོན་དང་། ༸སྐུ་ཉིད་ཀྱི་ཆུང་དུས་ནས་ཐུགས་རེ་གནང་བ་བཞིན་ཟླ་བ་འདིའི་ཚེས་ ༩ དང་ ༡༠ བཅས་ཉིན་གཉིས་ཀྱི་རིང་ France ཡི་དབེན་པའི་གནས་ཤིག་ཏུ་༸རྒྱལ་དབང་མཐའ་ཡས་རྡོ་རྗེ་མཆོག་དང་མཇལ་འཕྲད་བྱུང་བ་ནི་ངོ་ཤེས་བཟང་པོ་ཞིག་ཡོང་རྒྱུ་དང་། མི་རབས་ནས་མི་རབས་ལ་དུམ་བུ་གཉིས་སུ་འགྲོ་མི་དགོས་པ།...

ཁ་སང་ དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་དང་༸རྒྱལ་དབང་མཐའ་ཡས་རྡོ་རྗེ་མཆོག་རྣམ་གཉིས་ཕ་རན་སིའི་དབེན་པའི་གྲོང་གསེབ་ཞིག་ཏུ་མཇལ་མོལ་མཛད་པར་ད་ཆ་སྤྱི་ཚོགས་དྲྭ་ལམ་ཁག་ཏུ་བོད་མི་ཚོས་ཚ་ཚ་འུར་འུར་ངང་བགྲོ་གླེང་དང་ཡིག་ཐོག་ནས་དགའ་བསུའི་འཚམས་འདྲི་ཤུགས་ཆེ་ཞུ་བཞིན་འདུག དེ་ཡང་ཉིན་ཤས་གོང་སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་དང་༸རྒྱལ་དབང་ཀརྨ་པ་མཐའ་ཡས་རྡོ་རྗེ་མཆོག་རྣམ་གཉིས་ཕ་རན་སིའི་དབེན་པའི་གྲོང་གསེབ་ཞིག་ཏུ་མཇལ་མོལ་གནང་ནས་ཁ་སང་རིན་པོ་ཆེ་མཆོག་རྣམ་གཉིས་ལྷན་རྒྱས་ཀྱིས་གསལ་བསྒྲགས་ཤིག་བསྐྱངས་འདུག་པའི་ནང་ལྷན་རྒྱས་ནས་ད་རེས་དབེན་ཞིང་བག་ཕེབས་པའི་ཁོར་ཡུག་འདིར་མཇལ་འཕྲད་བྱུང་ནས་ཕན་ཚུན་རྒྱུས་ལོན་བྱ་རྒྱུའི་གོ་སྐབས་བྱུང་བ་དེ་ཤིན་ཏུ་སྐལ་པ་བཟང་ལ་འདི་ནི་ངེས་གཉིས་ཀྱི་ལོ་དུ་མའི་རིང་གི་རེ་བ་ཞིག་ཡིན་པར་ལྟར་ད་ལྟ་མངོན་དུ་གྱུར་པ་ནི་ཤིན་ཏུ་དགའ་སྤྲོ་སྐྱེ་འོས་པའི་ཡུལ་དུ་གྱུར་ཡོད་པ་བཀའ་བསྩལ་འདུག་པ་མ་ཟད། མཇལ་འཕྲད་འདི་ནི་གཙོ་བོ་ཕན་ཚུན་༸སྐུ་སྒེར་གྱི་དབར་རྒྱུས་མངའ་དང་འབྲེལ་འདྲིས་ཡོང་བ་དང་སྒྲུབ་བརྒྱུད་ཀརྨ་ཀཾ་ཚང་གི་བསྟན་པ་སྲ་བརྟན་དང་དར་རྒྱས་ཡོང་བའི་ཆེད་མཉམ་དུ་ཕྱག་ལས་གནང་ཕྱོགས་ཇི་དགེའི་སྐོར་དགོངས་ཚུལ་སྤེལ་རེས་དང་བཀའ་བསྡུར་གཏིང་ཟབ་ཏུ་ཡོང་རྒྱུ་བཅས་ཡིན་པ་སོགས་འཁོད་ཡོད་པ་རེད། བོད་མི་མང་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་ལགས་ཀྱིས་བླ་མའི་མཛད་པ་ཁག་སོ་སྐྱེ་ཕལ་པ་ཚོའི་ངོས་ནས་དུས་ནམ་ཡང་ཚོད་དཔག་གནང་དཀའ་བ་ཞིག་ཡིན་ནའང་ད་རེས་རིན་པོ་ཆེ་མཆོག་རྣམ་གཉིས་ཀྱི་མཇལ་འཕྲད་དེའི་བརྒྱུད་སྒྲུབ་བརྒྱུད་ཀརྨ་ཀཾམ་ཚང་ནང་ཁུལ་གྱི་རྩོད་རྙོག་རྣམས་སེལ་ཐུབ་པའི་རེ་བ་ཞུ་བཞིན་ཡོད་པ་གསུངས་སོང་། གཞི་རྩའི་ཐེངས་འདིའི་རིན་པོ་ཆེ་མཆོག་རྣམ་གཉིས་ཀྱི་མཇལ་མལ་མཛད་པའི་གནད་དོན་དེ་དང་འབྲེལ་ནས་བོད་མི་དང་བོད་དོན་རྒྱབ་སྐྱོར་བ་གཙོ་གྱུར་དོ་སྣང་ཅན་མང་དག་ཞིག་ནས་ངོ་དེབ་དང་ Twitter ལ་སོགས་པའི་སྤྱི་ཚོགས་ཀྱི་དྲྭ་གནས་ཁག་ཏུ་ཚ་ཚ་འུར་འུར་ངང་བགྲོ་གླེང་དང་ཡིག་ཐོག་ནས་དགའ་བསུའི་འཚམས་འདྲི་ཞུས་ཡོད་པ་ལྟར། འགའ་ཞིག་གིས་མཇལ་མོལ་འདི་ནི་བོད་མི་དང་ནང་པ་སངས་རྒྱས་པའི་ཐེག་པ་ཆེན་པོ་གཉིས་ཀྱི་ཐོག་ཡར་རྒྱས་ཀྱི་རྣམ་པ་ཤུགས་ཆེ་ཞིག་བསྟན་ཡོད་སྐོར་དང་སྦྲགས་དགའ་བསུ་ཞུས་འདུག་པ་དང་འདི་བཞིན་ཀརྨ་པ་རིན་པོ་ཆེ་རྣམ་གཉིས་མཇལ་མོལ་འདིས་འདས་པའི་ལོ་ཤས་རིང་གི་ཀཾ་ཚང་ནང་ཁུལ་གྱི་གླེང་གཞི་ཞི་འདུམ་ཡོང་བར་ཕན་ཐོགས་ཆེན་པོ་བྱུང་ཡོད་པ་གསུངས་འདུག་མ་ཟད། ལ་ལས་དཔལ་༧རྒྱལ་དབང་ཀརྨ་པ་རིན་པོ་ཆེ་མཆོག་རྣམ་གཉིས་ལ་འཚམས་འདྲི་ཞུས་པ་དང་འབྲེལ། ང་ཚོ་ལ་དགོས་པ་ནི་མཐུན་སྒྲིལ་ཡིན་ཞེས་མཆན་འགྲེལ་བཀོད་འདུག དེ་བཞིན་ཁག་ཅིག་གིས་རིན་པོ་ཆེ་རྣམ་གཉིས་མཇལ་འཕྲད་གནང་བར་རྟེན་འབྲེལ་བཟང་ལ་དགེ་འདུན་ཐུགས་མཐུན་ཡོང་བ་དང་། ཆོས་དང་བཀྲིས་འཕེལ་བའི་སྨོན་ལམ་ཡོད་ཅེས་སོགས་མཆན་མང་དག་ཞིག་བཀོད་ནས་རྒྱབ་སྐྱོར་གྱི་རྣམ་པ་ཤུགས་ཆེ་བཏོན་ཡོད་པ་རེད།