Mercedes སྣུམ་འཁོར་བཟོ་ལས་ཁང་གི་ Instagram ཐོག་༸གོང་ས་མཆོག་གི་གསུང་ལུང་འདྲེན་གནང་བར་དགོངས་སེལ་ཞུ་དགོས།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ ཟླ་ ༢ ཚེས་ ༨ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་དབུ་གཡབ་ཏུ་བོད་དང་ལ་དྭགས་ནས་ཕེབས་པའི་མི་གྲངས་བརྒྱ་ཕྲག་ཁ་ཤས་གཙོ་གྱུར་དད་ལྡན་ཁག་ཅིག་ལ་དམིགས་བསལ་མཇལ་ཁ་དང་བཀའ་སློབ་བསྩལ་སྐབས་མགོན་པོ་༸གང་ཉིད་མཆོག་གིས་གཞིས་ལུས་རྒྱ་ཆེའི་མི་མང་དེ་དག་ངོས་ཀྱིས་ནམ་ཡང་བརྗེད་ཀྱི་མ་རེད་ཅེས་བཀའ་བསྩལ་འདུག དཔལ་ལྡན་དགའ་ལྡན་ཕོ་བྲང་གི་དྲ་གནས་ཐོག་བཀའ་སློབ་སྤེལ་བར་༸གོང་ས་༸སྐྱབས་མགོན་ཆེན་པོ་མཆོག་གིས་༸གང་ཉིད་མཆོག་གིས་དེ་སྔ་ཆོས་རྒྱལ་ཚོའི་སྐུ་དུས་ནས་ང་ཚོ་བོད་གངས་ཅན་པ་ཞེས་མདོ་དབུས་ཁམས་གསུམ་གྱི་ཆིག་སྒྲིལ་གནས་ཡོད་པ་དང། གླང་དར་རྗེས་སུ་བོད་སིལ་བུར་ཆགས་ནས་གཅིག་སྒྲིལ་མེད་པར་ཁ་འཐོར་དུ་ཕྱིན་ཡོད་པ་རེད། འོན་ཀྱང་དེ་རིང་ཁ་སང་ཕྱོགས་གཅིག་ནས་བསམ་བློ་བཏང་ན་རྐྱེན་ངན་གྲོགས་ལ་ཤར་བ་ལྟར། རྒྱ་གུང་ཁྲན་གྱིས་བོད་རིགས་ཡོངས་རྫོགས་ལ་བོད་ཀྱི་སྐད་ཡིག་དང་། བོད་ཀྱི་ཆོས་དང་རིག་གཞུང་སོགས་ལ་དམ་དྲག་ཤུགས་ཆེན་པོ་བྱེད་སྐབས་ཆོལ་ཁ་གསུམ་གྱི་བོད་རིགས་ཡོངས་རྫོགས་རྡོག་ལ་དྲིལ་ནས་གནས་ཡོད་པ་རེད། དེར་བརྟེན་མདོ་སྨད་ཁུལ་ནས་ཡིན་ནའང་རེད། མདོ་སྟོད་ཁུལ་ནས་ཡིན་ནའང་རེད། དབུས་གཙང་ཁུལ་ནས་ཡིན་ནའང་རེད། གང་ལྟར་ང་ཚོ་བོད་རིགས་གཅིག་པའི་འདུ་ཤེས་འཛིན་རྒྱུ་དེ་ཧ་ཅང་གལ་ཆེན་པོ་རེད་ཅེས་ལམ་སྟོན་མཛད་འདུག ད་དུང་༸གོང་ས་མཆོག་གིས་དུས་ད་ལྟར་བར་འཛམ་གླིང་འདིར་བོད་ཅེས་བོད་ཀྱི་གནད་དོན་ཞིག་ཡོང་བསྡད་པ་དེ་དང་། ལྷགས་ཡོད་པ་ནི་བོད་རྒྱ་ཆེའི་མི་མང་གི་སྙིང་སྟོབས་དང་སེམས་ཤུགས་གཉིས་པོ་དེ་ཡིན་སྟབས། གཞིས་ལུས་རྒྱ་ཆེའི་མི་མང་གི་སྙིང་སྟོབས་དང་ལྷག་བསམ་འགྱུར་བ་མེད་པར་བསྡད་པ་དེ་ངོ་མཚར་སྐྱེས་དགོས་པ་ཞིག་རེད། དེས་ན་གཞིས་ལུས་རྒྱ་ཆེ་མི་མང་ལ་ཐུགས་རྗེ་ཆེ་ཞུ་གནང་བ་དང་ཆབས་ཅིག གཞིས་ལུས་རྒྱ་ཆེ་མི་མང་གི་ངོས་ནས་སྔར་བཞིན་དུ་སེམས་ཤུགས་བསྐྱེད་པའི་ཐོག་ལ་ཤེས་ཡོན་ལྡན་པ་ཞིག་གི་ཐོག་ནས་སེམས་ཤུགས་མུ་མཐུད་ནས་གནས་ཐུབ་པ་ཞིག་ལ་བསམ་བློ་གཏོང་དགོས་ཞེས་བཀའ་བསྩལ་ཡོད། ལྷག་པར་དུ་མགོན་པོ་༸གང་ཉིད་མཆོག་གིས་ཁྱོད་རང་ཚོས་ངོས་ལ་ཕ་ཡུལ་དུ་ཡོང་རོགས་ཟེར་གྱི་འདུག ལས་སླ་བོ་བྱས་ཏེ་ཕ་ཡུལ་དུ་ཡོང་ཐབས་ཡོད་པ་མ་རེད། རྒྱ་ནག་གཞུང་གི་བཀའ་འཁྲོལ་མེད་ན་ངོས་རང་ག་འདྲ་ཞིག་ཡོང་དགོས་པ་རེད། འོན་ཀྱང་གཞིས་ལུས་རྒྱ་ཆེའི་མི་མང་དེ་དག་ངོས་ཀྱིས་ནམ་ཡང་བརྗེད་མི་ཡོང་། ངོས་རང་ལོ་ ༨༢ ལ་སླེབས་ཡོད་པ་དང་...

འཛམ་གླིང་ནང་ཆེས་སྙན་གྲགས་ཆེ་བའི་འཇར་མ་ནིའི་སྣུམ་འཁོར་བཟོ་ལས་ཁང་ MercedesBenz ཞེས་པ་དེས་ཉེ་ཆར་རེས་གཟའ་ཟླ་བའི་ཉིན་རང་ཉིད་ཀྱི་ Instagram དྲ་གནས་ཐོག་བཟོ་ལས་དེའི་རླངས་འཁོར་དཀར་པོ་ཞིག་ཁྱབ་བསྒྲགས་གནང་བའི་སྟེང་དུ་ Look at the Situation from all angles, and you will become more open ཞེས་གནས་སྟངས་ཇི་ལྟར་ཡིན་རུང་ཕྱོགས་ཡོངས་ནས་བལྟ་ཚེ་རང་ཉིད་མཐོང་རྒྱ་ཆེ་བ་ཡོང་གི་རེད་ཅེས་པའི་༸གོང་ས་མཆོག་གི་གསུང་ལུང་འདྲེན་གནང་བར་བརྟེན། རྒྱ་ནག་གཞུང་འབྲེལ་བརྒྱུད་ལམ་གཙོ་གྱུར་དྲ་རྒྱའི་མི་སྣ་མང་དག་ཞིག་ནས་སྣུམ་འཁོར་ཚོང་ལས་ཁང་དེས་རྒྱ་གཞུང་ནས་ཁ་བྲལ་བར་ངོས་འཛིན་བཞིན་པའི་ཏཱ་ལའི་བླ་མའི་གསུང་ལུང་འདྲེན་བྱས་ནས་རྒྱ་ནག་མང་ཚོགས་ཀྱི་སེམས་ཚོར་ལ་དོ་ཕོག་བཏང་ཡོད་སྐོར་སྐྱོན་བརྗོད་ཤུགས་ཆེ་བྱེད་རྐྱེན་བཟོ་ལས་ཁང་དེས་རྒྱ་གཞུང་ལ་དགོངས་སེལ་ཞུས་འདུག