ཨ་ཕི་རི་ཀའི་ Ethiopia རྒྱལ་ཁབ་ཀྱི་སྲིད་བློན་ Abiy Ahmed Ali མཆོག་ནས་ Ethiopia དང་ཁྱིམ་མཚེས་རྒྱལ་ཁབ་ Eritrea དབར་གྱི་ལོ་ངོ་བཅུ་ཕྲག་གི་རྩོད་རྙོག་དེ་གྲོས་མོལ་གྱི་ལམ་ནས་སེལ་ནས་འཆམ་མཐུན་གྱི་མཛའ་འབྲེལ་གསར་འཛུགས་གནང་བར་ཕྱི་ལོ་ ༢༠༡༩ ལོའི་ནོ་སྦེལ་ཞི་བདེའི་གཟེངས་རྟགས་དེ་ཁོང་ལ་འབུལ་རྒྱུའི་གསལ་བསྒྲགས་སྤེལ་དོན་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མགོག་གིས་དགའ་བསུའི་འཚམས་འདྲི་བསྩལ་འདུག
མགོན་པོ་མཆོག་གི་འཚམས་འདྲིའི་ནང་གོང་གསལ་རྒྱལ་ཁབ་གཉིས་ཀྱི་དབར་ལ་མཛའ་འབྲེལ་གསར་འཛུགས་ཐུབ་པ་ནི་རྒྱལ་ཁབ་དེ་དག་གི་མི་སེར་ཙམ་མ་ཟད་འཛམ་གླིང་སྤྱི་ལ་མིག་ལྟོས་བཟང་པོ་ཞིག་ཡིན་པ་བཀའ་གནང་བ་དང་འབྲེལ། ཁོང་གིས་ཨ་ཕི་རི་ཀའི་ཤར་ཕྱོགས་དང་ནུབ་ཤར་གྱི་ངོས་སུའང་དེ་འབྲེལ་ཞི་བདེ་དང་འཆམ་མཐུན་ཡོང་རྒྱུའི་འབད་བརྩོན་གནང་བཞིན་པ་དེས་མགོན་པོ་མཆོག་ལ་ཐུགས་བསྐྱེད་ཆེན་པོ་བྱུང་ཞེས་བཀའ་བསྩལ་འདུག
མགོན་པོ་༸གང་ཉིད་མཆོག་གིས་སྲིད་བློན་མཆོག་ནས་ Eritrea སྲིད་འཛིན་ Isaias Afwerki མཆོག་དང་འབྲེལ་བ་གནང་ཕྱོགས་དང་། Eritrea སྲིད་འཛིན་མཆོག་ནས་ཀྱང་བཟང་ཕྱོགས་ཀྱི་ཡ་ལན་གནང་བ་དེས་འཆམ་མཐུན་གྱི་ཁོར་ཡུག་བཟང་པོ་ཞིག་སྐྲུན་ཡོད་པ་མ་ཟད། དེ་ནི་དྲང་བདེན་དང་། དོན་དངོས་དང་མཐུན་པའི་འགྲིག་འཇགས་ཤིག་བྱུང་བ་ནི་ཐུན་མོང་གི་གུས་བརྩིའི་རང་བཞིན་གྱི་ཐོག་ནས་འཆམ་མཐུན་ཡོང་རྒྱུ་ཡོད་པའི་བརྡ་ལན་ཞིག་ཡིན་པ་བཀའ་བསྩལ་བ་དང་སྦྲགས། སྲིད་བློན་ཁོང་གིས་ཁོར་ཡུག་སྲུང་སྐྱོབ་དང་འབྲེལ་ནས་རྒྱལ་ནང་ཤིང་སྣ་འདེབས་འཛུགས་གནང་བཞིན་པ་ལའང་ཐུགས་དགྱེས་ཚོར་ཆེན་པོ་བྱུང་ཞེས་བཀའ་བསྩལ་འདུག
རྩ་བའི་ནོར་ཝེ་རྒྱལ་ས་ Oslo ནང་རྟེན་གཞི་བྱས་པའི་ནོ་སྦེལ་ཞི་བདེའི་གཟེངས་རྟགས་ལྷན་ཚོགས་ཀྱིས་ཕྱི་ལོ་ ༢༠༡༩ ལོའི་ནོ་སྦེལ་ཞི་བདེའི་གཟེངས་རྟགས་དེ་བཞིན་ Ethiopia རྒྱལ་ཁབ་ཀྱི་སྲིད་བློན་ Abiy Ahmed Ali མཆོག་ལ་འབུལ་རྒྱུའི་གསལ་བསྒྲགས་དེ་ཕྱི་ཟླ་ ༡༠ ཚེས་ ༡༡ ཉིན་སྤེལ་ཡོད་པ་དང་། ལོ་ལྟར་ནོ་སྦེལ་ཞི་བདེའི་གཟེངས་རྟགས་དེ་ཕྱི་ཟླ ༡༢ ཚེས་༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་གནང་གི་ཡོད་པ་རེད།
༸གོང་ས་༸སྐྱབས་མགོན་ཆེན་པོ་མཆོག་གིས་ནོ་སྦེལ་ཞི་བདེའི་ལྷན་ཚོགས་ལ་ Ethiopia ཁུལ་དུ་ཞི་བདེ་དང་། རྨང་གཞི་བརྟན་པའི་གྲུབ་འབྲས་བཟང་པོ་སྨིན་རྒྱུའི་ཐུགས་སྨོན་མཛད་པ་དང་ཆབས་ཅིག གྲུབ་འབྲས་དེའི་རྐྱེན་པས་རྒྱལ་ཁབ་དེ་དག་གི་གཅེན་གཅུང་དང་མི་སེར་ཙམ་མ་ཟད་གླིང་ཆེན་ཡོངས་ལ་ཡར་རྒྱས་གོང་འཕེལ་ཡོང་ངེས་ཡིན་པ་བཀའ་བསྩལ་འདུག
༸གོང་ས་མཆོག་གིས་ Ethiopia སྲིད་བློན་ Abiy Ahmed Ali མཆོག་འཚམས་འདྲི་བསྩལ་བ།
Tibetan News Headlines
- Dalai Lama urges devotees to practice warmheartedness and embrace concept of emptiness
- Sikyong engages with parliamentarians from Austria and Italy, urging them to advocate for Tibet
- PRC continued to restrict and seek to control religious practices of Tibetans: CECC
- China: Overseas students face harassment and surveillance in campaign of transnational repression
- CTA urges caution as Tibetans seek voting rights amidst Indian election
- Hunsur Rabgayling gears up for the 29th GCM football tournament
རེས་གཟའ་ཟླ་བ། ༢༠༢༤།༠༥།༡༣
- བྱང་ཆུབ་སེམས་དང་སྟོང་ཉིད་ཀྱི་ལྟ་བ་སྒོམ་པའི་ཐོག་ནས་མ་ཎི་གསོག་སྒྲུབ་གནང་དགོས།
- ཨོ་སི་ཊྲི་ཡ་དང་ཨི་ཊ་ལི་གྲོས་ཚོགས་འཐུས་མི་རྣམས་ལ་བོད་ཀྱི་ཛ་དྲག་གནས་སྟངས་སྐོར་ཞུ་འབོད།
- རྒྱ་གཞུང་གིས་བོད་མིའི་ཆོས་དད་ལ་མུ་མཐུད་དམ་དྲག་སྟངས་འཛིན་ཤུགས་ཆེ་བྱས་པ་མངོན་གསལ།
- རྒྱ་གཞུང་གིས་རྒྱལ་མཚམས་བརྒལ་ནས་ཕྱི་རྒྱལ་དུ་ཡོད་པའི་རྒྱ་རིགས་སློབ་མ་ཚོར་བརྙས་བཅོས་དང་དོགས་སྲུང་བྱེད་བཞིན་པ་ར་སྤྲོད།
- རྒྱ་གར་ཆབ་སྲིད་ནང་ཞུགས་ཏེ་བོད་མི་སྤྱི་ཡོངས་ལ་དགེ་ཚན་ཅི་ཞིག་ཡོད་མིན་ཐོག་འགན་བཞེས་དགོས་པ།
- རྒྱལ་ཡུམ་ཆེན་མོའི་རྗེས་དྲན་གསེར་གྱི་གཟེངས་རྟགས་རྐང་རྩེད་སྤོ་ལོའི་རྩེད་འགྲན་ཐེངས་ ༢༩ པ་གནངས་ཉིན་ནས་དབུ་འཛུགས།
