བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱིས་ཇི་ལྟར་གསོལ་འདེབས་ཞུས་དོན་ལྟར། དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་བཀྲིན་སྩལ་བ་དང་སྦྲགས་ཏེ་གཞིས་ལུས་རྒྱ་ཆེ་མང་ཚོགས་ཀྱིས་གཙོས་པའི་རྒྱ་ནག་གི་དད་ལྡན་མང་ཚོགས་ལ་སོགས་པ་རྣམས་ས་ཁྱད་ཉེ་རྒྱང་མེད་པར་བཀའ་དབང་འདི་ཐོབ་ཀྱི་རེད་ཅེས་བཀའ་སྩལ་སོང་།
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལོ་ཤས་གོང་ནས་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱིས་ཇི་ལྟར་གསོལ་བ་འདེབས་དོན་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༧ ཚེས་ ༨ ཉིན་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་དབུ་འཛུགས་བཀའ་དྲིན་བསྐྱང་སྐབས་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་རྡོ་རྗེ་འཆང་ཆེན་པོ་མཆོག་གིས་དབུས་པའི་མཚུངས་མེད་བྱང་རྩེ་ཆོས་རྗེ་སྒོ་སོག་རིན་པོ་ཆེ་མཆོག་དང་བོད་བརྒྱུད་ནང་བསྟན་གྱི་ཆོས་ལུགས་རིས་མེད་མཁན་བླ་སྤྲུལ་གསུམ་དང་དགེ་འདུན་པ་རྣམ་པ་བཅས། གཞན་ཡང་ཕྱི་ནང་གི་དད་ལྡན་སེར་སྐྱ་མང་ཚོགས་ཁྲི་ཚོ་བརྒལ་ཕེབས་འདུག
༸གོང་ས་༸སྐྱབས་མགོན་ཆེན་པོ་མཆོག་གིས་ཆེས་ཐོག་མར་༸དཔལ་ལྡན་རྒྱུད་སྟོད་གྲྭ་ཚང་གིས་རྐང་འགན་བཞེས་ཏེ་བདེ་མཆོག་ལཱུ་ཨི་པའི་བཀའ་དབང་བཀའ་དྲིན་བསྩལ་གནང་ཡོང་བའི་གསོལ་འདེབས་ཞུས་ཡོད་པ་བཀའ་སྩལ་བ་དང་སྦྲགས། བདག་ཅག་གི་སྟོན་པ་མཉམ་མེད་སངས་རྒྱས་བཅོམ་ལྡན་འདས་ཀྱིས་ཀྱང་གདུལ་བྱར་དབང་པོ་རབ་འབྲིང་མཐའ་གསུམ་ཡོད་པ་ལྟར་སེམས་ཅན་གྱི་ཁམས་དང་མོས་པ། བསམ་པ་བཅས་དང་མཐུན་པའི་མདོ་སྔགས་ཀྱི་ཆོས་ཇི་ལྟར་བསྟན་ཚུལ་སོགས་ཞིབ་རྒྱས་སུ་ངོ་སྤྲོད་མཛད་སོང་།
དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་གསང་བདེ་འཇིགས་གསུམ་གྱི་དམིགས་བསལ་ཐུན་མིན་ཁྱད་ཆོས་གང་ཡོད་པ་རྣམས་ངོ་སྤྲོད་མཛད་པ་དང་སྦྲགས། གསང་བདེ་འཇིགས་གསུམ་ཡ་མ་བྲལ་བ་ཉམས་བཞེས་ཇི་ལྟར་གནང་དགོས་པའི་ཚུལ་སོགས་གསུངས་སོང་།
༸གོང་ས་མཆོག་གིས་༸དཔལ་ལྡན་རྒྱུད་གྲྭ་སྟོད་སྨད་གཉིས་ཀྱི་དགེ་འདུན་པ་གཙོས་གདན་ས་ཁག་ནས་ཕེབས་པའི་དགེ་འདུན་པ་ཚོར་ཆེད་དམིགས་ཀྱིས་མགོན་པོ་༸གང་ཉིད་མཆོག་གིས་ཉིན་ལྟར་བྱང་ཆུབ་ཀྱི་སེམས་དང་སྟོང་ཉིད་ལྟ་བར་དགོངས་བཞེས་ཀྱིས་ཉམས་བཞེས་མཛད་ཀྱི་ཡོད་སྐོར་བཀའ་སྩལ་བ་དང་ཆབས་ཅིག་ཏུ་དེ་ལྟར་ཉམས་ལེན་གནང་དགོས་གལ་ཡིན་པའི་ལམ་སྟོན་བཀྲིན་ཆེ་བ་སྩལ་སོང་། 
༸གོང་ས་མཆོག་གིས་གཞིས་ལུས་རྒྱ་ཆེ་མང་ཚོགས་ཀྱིས་གཙོས་པའི་རྒྱ་ནག་གི་དད་ལྡན་མང་ཚོགས་ལ་སོགས་པ་རྣམས་ངོས་ཀྱིས་དམིགས་འོག་ཏུ་བཅུག་གི་ཡིན་ཞེས་བཀའ་བཞེས་བཟང་པོ་སྨིན་སྩལ་མཛད་སོང་བར་མ་ཟད་ས་ཁྱད་ཉེ་རྒྱང་མེད་པར་བདེ་མཆོག་ལཱུ་ཨི་པའི་བཀའ་དབང་འདི་འཐོབ་རྒྱུ་ཡོད་ཅེས་བཀའ་སྩལ་སོང་། 
ཤེས་རྟོགས་བྱུང་བར་གཞིགས་ན། དེ་རིང་གི་བཀའ་ཆོས་ཀྱི་སྟ་གོན་ཐོག་བཅར་བའི་ཕྱི་ནང་གི་དད་ལྡན་མང་ཚོགས་ཁྲི་ཚོ་བརྒལ་བ་ཡོད་པ་ཁྲོད་མཁན་ཆེན་དང་སྤྲུལ་སྐུ་ཁྱོན། ༡༢༨ གྲྭ་བཙུན་ཁྱོན། ༢༥༤༢ དགེ་བཤེས་དང་དགེ་བཤེས་མ། དེ་བཞིན་མཁན་པོ་ཁྱོན་ ༡༡༤༥ ཧི་མཱ་ཡའི་མི་རིགས། ༢༥༠ དེ་བཞིན་རྒྱ་གར་མི་རིགས། ༢༡༥ དང་ཕྱི་རྒྱལ་བ། ༡༡༥༡ སོགས་ཆེད་བཅར་ཞུས་འདུག ༸སྐུ་པར་ཁག་གཅིག་གི་བདག་དབང་༸དཔལ་ལྡན་དགའ་ལྡན་ཕོ་བྲང་ལ་ཡོད།
༸གོང་ས་མཆོག་གིས་ས་ཁྱད་ཉེ་རྒྱང་མེད་པར་བདེ་མཆོག་ལཱུ་ཨི་པའི་བཀའ་དབང་འདི་ཐོབ་ཀྱི་རེད་ཅེས་བཀའ་སྩལ་སོང་།
Tibetan News Headlines
- བཙན་བྱོལ་བོད་མིའི་དང་བླངས་དཔྱ་དངུལ་དང་བསྡུ་དངུལ་སྤར་ཆ་གནང་སོང་།
- འཕྲོད་བསྟེན་ལས་ཁུངས་ཀྱི་སྔོན་རྩིས་བགྲོ་གླེང་ཁྲོད་འགྲོ་ཕན་སྨན་རྩིས་ཁང་གི་གནད་དོན་སྐོར་འདྲི་རྩད།
- རྒྱལ་ཚོགས་སུ་རྒྱ་ནག་ལ་བོད་ནང་གི་དྲག་གནོན་ཅན་གྱི་སྲིད་བྱུས་མཚམས་འཇོག་དགོས་པའི་ཞུ་སྐུལ།
- ༸སྐྱབས་རྗེ་ཁལ་ཁ་རྗེ་བཙུན་དམ་པའི་ཡང་སྲིད་ངོས་འཛིན་དང་འབྲེལ་རྒྱ་ནག་ལ་ཁོང་ཁྲོ་སློང་ངེས་ཡིན་པའི་བློ་འཚབ།
- རྒྱལ་ཚོགས་ཀྱི་ཆུའི་ལྷན་ཚོགས་ཐོག་བོད་ཀྱི་ཆུ་བོའི་གལ་གནད་སྐོར་གཏམ་བཤད་དང་འདྲི་རྩད།
- འགྲོ་ཕན་སྨན་རྩིས་ཁང་དབུ་བརྙེས་ནས་ལོ་ངོ་ ༡༠༧ འཁོར་བའི་དུས་ཆེན་སྲུང་བརྩི།
Friday 24/03/2023
- House hikes ‘Chatrel’, voluntary contribution made to CTA
- Tibetan Parliamentarians question financial health of Mentsekhang
- UK, EU raise Tibet at UNHRC, urges China to reverse repressive policies in Tibet
- China on edge as Mongolian boy is hailed as new Buddhist lama
- Tibet environmental activist take Tibet to UN-Water Conference
- Mentskhang celebrates 107th founding anniversary
(Visited 5 times, 2 visits today)
(Visited 214 times, 1 visits today)
