Tibetan Royal Year of 2151 | Year of the Wood Dragon

༸རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་གྱི་བཞི་ཆའི་མཐའ་མའི་འགྲན་བསྡུར་འགོ་འཛུགས།

Tibetan News Headlines

  • ཨ་རིའི་སྐུ་ཚབ་ཚོགས་ཆུང་ཞིག་ཐའེ་ཝན་ནང་འཚམས་གཟིགས་གནང་བཞིན་པ།
  • རྒྱ་དཀར་ནག་གཉིས་བར་སླར་ས་མཚམས་གྲོས་མོལ་གནང་ཡང་འདུན་བསྐྱོད་མེད་པ།
  • བོད་ནང་བོད་མིའི་སྐད་ཡིག་རྩ་མེད་གཏོང་ཐབས་བྱེད་བཞིན་པ་མཚམས་འཇོག་དགོས།
  • ཤམ་བྷ་ལ་གློག་བརྙན་བྷར་ལིན་རྒྱལ་སྤྱིའི་གློག་བརྙན་དུས་སྟོན་གྱི་འགྲན་བསྡུར་ནང་ཚུད་པ།
  • འཕྲོད་བསྟེན་ཤེས་བྱ་ངོ་སྤྲོད། ཕོ་བའི་འབྲས་ནད་སྐོར།

Thursday 22/02/2024

  • US lawmaker visits Taiwan, reassures firm US support for the island nation
  • India, China hold border Talks, no indication of breakthrough in disengagement
  • China called to end campaigns of forced linguistic and cultural assimilation
  • Film starring several Tibetan cast selected for Berlin international film festival 
  • Health and Wellness: stomach cancer

ཟླ་བ་འདིའི་ཕྱི་ཚེས་ ༡ ནས་༸བཞུགས་སྒར་རྡ་སྟེང་བོད་ཁྱིམ་གྱི་རྩེད་ཐང་དུ་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོལ་ལོའི་རྩེད་འགྲན་ཐེངས་ ༢༨ པ་འཚོགས་བཞིན་པ་དང་། རུ་ཁག་རྣམ་པའི་སྡེ་ཚན་ནང་ཁུལ་གྱི་རྩེད་འགྲན་ཁག་གྲུབ་སྟེ། དེ་རིང་ཉིན་རྒྱབ་རྩེད་འགྲན་གྱི་ Quarter Finals ཞེས་བཞི་ཆའི་མཐའ་མའི་འགྲན་བསྡུར་འགོ་འཛུགས་གནང་སོང་། 

ཐེངས་འདིའི་རྩེད་འགྲན་ནང་རྒྱ་གར་དང་བལ་ཡུལ། དེ་བཞིན་ཨོ་གླིང་དང་ཡོ་རོབ་བཅས་ནས་ཁྱོན་བོད་པའི་རྐང་རྩེད་སྤོ་ལོའི་རུ་ཁག་ ༡༦ ནས་མཉམ་ཞུགས་གནང་ཡོད་པའི་ཁོངས་ནས་ཟློས་གར་དང་ཨོ་གླིང་། རྡ་ས་དང་བདེ་སྐྱིད་གླིང་། དེ་བཞིན་པོན་ཊ་ཆོལ་གསུམ་དང་བལ་ཡུལ་སྟག་འཚེར། དོན་གྲུབ་གླིང་དང་ཡུ་རོབ་བོད་པ་བཅས་ཁྱོན་རུ་ཁག་བརྒྱད་བཞི་ཆའི་མཐའ་མའི་འགྲན་བསྡུར་ནང་ཚུད་དེ་དེ་རིང་བཞི་ཆའི་མཐའ་མའི་འགྲན་བསྡུར་གྱི་རྩེད་འགྲན་དང་པོ་དེ་ཟློས་གར་རུ་ཁག་དང་། བལ་ཡུལ་སྟག་འཚེར་རུ་ཁག་གཉིས་ཀྱི་དབར་ལ་གནང་ཡོད།  

རྩེད་འགྲེན་ཁྲོད་ཟློས་གར་རུ་ཁག་ནས་སྤོ་ལོ་ ༡ དང་། བལ་ཡུལ་སྟག་འཚེར་རུ་ཁག་ནས་སྤོ་ལོ་ ༤ བཅས་བལ་ཡུལ་སྟག་འཚེར་རུ་ཁག་ལ་རྒྱལ་ཁ་ཐོབ་པ་མ་ཟད། བལ་ཡུལ་སྟག་འཚེར་རུ་ཁག་རྩེད་འགྲན་གྱི་ཕྱེད་མཐའ་མའི་འགྲན་བསྡུར་ Semi Final ནང་ཚུད་ཡོད།

དེ་བཞིན་དེ་རིང་བཞི་ཆའི་མཐའ་མའི་འགྲན་བསྡུར་གཉིས་པ་དེ་ཨོ་གླིང་རྒྱལ་ཡོངས་བོད་ཀྱི་རྐང་སྤོལ་རུ་ཁག་དང་། སྤོན་ཊ་ཆོལ་གསུམ་རུ་ཁག་གཉིས་ཀྱི་དབར་རྩེད་འགྲན་གནང་སྟེ། སྤོ་ལོ་ ༢ དང་ ༣ བཅས་སྤོན་ཊ་ཆོལ་གསུམ་རུ་ཁག་ལ་རྒྱལ་ཁ་ཐོབ་སྟེ། རྩེད་འགྲན་གྱི་ཕྱེད་མཐའ་མའི་འགྲན་བསྡུར་ Semi Final ནང་ཚུད་ཡོད།

སང་ཉིན་བཞི་ཆའི་མཐའ་མའི་འགྲན་བསྡུར་ཉིན་གཉིས་པའི་རྩེད་འགྲན་དང་པོ་དེ་རྡ་ས་རུ་ཁག་དང་། ཡོ་རོབ་བོད་པའི་རུ་ཁག་གཉིས་ཀྱི་དབར་དང་། རྩེད་འགྲན་གཉིས་པ་དེ་དོན་གྲིང་རུ་ཁག་དང་། བདེ་སྐྱིད་གླིང་རུ་ཁག་གཉིས་ཀྱི་དབར་རྩེད་འགྲན་གནང་གི་ཡོད་པ་རེད།  

འབྲེལ་ཡོད་གསར་གནས།

གསར་གནས།