Tibetan Royal Year of 2151 | Year of the Wood Dragon

གཉན་རིམས་རྐྱེན་གྱིས་འདས་གྲོངས་སུ་གྱུར་པའི་བོད་དོན་རྒྱབ་སྐྱོར་བ་རྣམས་ལ་བཀའ་དྲིན་རྗེས་དྲན་ཞུས་པ།

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

ཏོག་དབྱིབས་གཉན་རིམས་ཁྱབ་གདལ་ཀྱིས་ད་བར་མི་ས་ཡ་གསུམ་ལྷག་གི་ཚེ་སྲོག་ཤོར་བ་དང་དེའི་ཁྲོད་འདས་པའི་དུས་ཡུན་ནང་བོད་དོན་རྒྱབ་སྐྱོར་བ་ ༡༡ ཙམ་སྐུ་འདས་གྲོངས་སུ་གྱུར་པ་བྱུང་ཡོད་སྟབས་ཧིན་བོད་མཛའ་འབྲེལ་ཚོགས་པས་དྲ་ལམ་བརྒྱུད་ནད་ཡམས་རྐྱེན་གྱིས་འདས་གྲོངས་སུ་གྱུར་མཁན་བོད་དོན་རྒྱབ་སྐྱོར་བ་དང་བོད་ཀྱི་གྲོགས་པོ་རྣམས་ལ་བཀའ་དྲིན་རྗེས་དྲན་གྱི་ཚོགས་འདུ་ཞིག་ཚོགས་འདུགཁ་སྔོན་རེས་གཟའ་ཟླ་བའི་ཉིན་ཧིན་བོད་མཛའ་འབྲེལ་ཚོགས་པས་གོ་སྒྲིག་ཞུས་པའི་ཚོགས་འདུའི་སྐབས་སྤྱི་ཁྱབ་དྲུང་ཆེ་སྐུ་ཞབས་ Dr. Anand Kumar ལགས་ཀྱིས་ཚོགས་འདུ་དབུ་འབྱེད་དང་འབྲེལ་ཏེ་འདས་གྲོངས་སུ་གྱུར་བའི་བོད་དོན་རྒྱབ་སྐྱོར་བ་རྣམས་ཀྱི་བོད་དོན་སླད་རླབས་ཆེན་གྱི་ཞབས་འདེགས་བསྒྲུབས་པ་དག་ལ་རྗེས་དྲན་དང་སྦྲགས་ཏེ་ཁོང་རྣམས་ལ་བཀའ་དྲིན་རྗེས་དྲན་ཞུས་འདུག

དེ་བཞིན་སྐུ་ཞབས་ Dr. Manoj Kumar ལགས་ཀྱིས་སྐུ་ཚེའི་འཕེན་པ་རྫོགས་པའི་བོད་དོན་རྒྱབ་སྐྱོར་བ་རྣམ་པའི་བོད་དོན་ཐད་ཞབས་འདེགས་བསྒྲུབས་ཁག་འགྲེལ་བརྗོད་ཀྱིས་ཁོང་རྣམ་པའི་ལས་དོན་ལ་རྗེས་སུ་ཡི་རང་གིས་རྗེས་དྲན་ཞུས་འདུག་པ་དང་། གཞན་ཡང་རྒྱལ་ས་ལྡི་ལིར་རྟེན་གཞི་བྱས་པའི་འཕགས་བོད་འབྲེལ་མཐུད་ལས་ཁང་གི་འབྲེལ་མཐུད་པ་འཇིགས་མེད་ཚུལ་ཁྲིམས་ལགས་ཀྱིས་འདས་གྲོངས་སུ་གྱུར་པ་རྣམས་ཀྱི་ཆེད་སྨོན་འདུན་གནང་བ་དང་འཇིགས་མེད་ལགས་ཀྱིས་ཁོང་ནས་མི་སྣ་དེ་དག་དང་མཇལ་འཕྲད་བྱུང་བ་ནི་བསོད་ནམས་ཡིན་པ་བཅས་གསུངས་འདུགའདས་གྲོངས་སུ་གྱུར་པའི་བོད་དོན་རྒྱབ་སྐྱོར་བ་མི་སྣ་དེ་དག་གིས་རང་ཉིད་ཀྱི་ཆེད་ལས་ཐད་ཞབས་འདེགས་རླབས་ཆེན་བསྒྲུབས་པ་མ་ཟད་ཁོང་རྣམས་ནས་བོད་དོན་ཐད་ལའང་རྒྱབ་སྐྱོར་དང་བོད་རང་དབང་གི་ལས་འགུལ་ཐོག་ཞབས་འདེགས་བསྒྲུབས་པར་ཡི་རང་བསྔགས་བརྗོད་གནང་འདུགགཞི་རྩའི་ལས་རིམ་དེའི་ཐོག་ཚོགས་ཞུགས་པ་རྣམས་ནས་ཧིན་བོད་མཛའ་འབྲེལ་ཚོགས་པའི་ད་བར་ལས་དོན་གནང་ཁག་སོགས་ཀྱི་ཐོག་གོ་བསྡུར་གནང་འདུག་པ་དངཐེངས་འདིའི་ལས་རིམ་དེའི་ཐོག་ཧིན་བོད་མཛའ་འབྲེལ་ཚོགས་པའི་ཚོགས་མི་དང་།བོད་དོན་རྒྱབ་སྐྱོར་བ། དེ་བཞིན་འཕགས་བོད་འབྲེལ་མཐུད་ལས་ཁང་གི་ལས་བྱེད་བཅས་ནས་མཉམ་ཞུགས་གནང་འདུག

བོད་དོན་རྒྱབ་སྐྱོར་བ་ཏོག་དབྱིབས་གཉན་རིམས་རྐྱེན་གྱིས་འདས་གྲོངས་སུ་གྱུར་པ་རྣམས་ནི་འཁོར་ཡུག་ལས་འགུལ་བ་སྐུ་ཞབས་ Sunderlal Bahuguna ལགས་དང་སྐུ་ཞབས་ Dr. Dauji Gupta ལགས། སྐུ་ཞབས་ Dr. P.G. Jyotikar ལགས་དང་། སྐུ་ཞབས་ Prof. Bhau Lokhande ལགས། Shri Harish Adyalkar ལགས། Prof. Vimalkriti ལགས། སྐུ་ཞབས་Shri Naresh Mathur ལགས། Shri J. M. Mukhi ལགས། དེ་བཞིན་ Shri Raghuvansh Prasad Singh ལགས། Swami Agnivesh ལགས་བཅས་ཡིན་པ་རེད་འདུག

འབྲེལ་ཡོད་གསར་གནས།

གསར་གནས།