Tibetan Royal Year of 2151 | Year of the Wood Dragon

ཊར་ཀི་དང་སི་རི་ཡར་ས་འགུལ་གྱི་གོད་ཆག་ཕོག་པར་ངལ་སེལ་རོགས་དངུལ་གསོལ་སྩལ་མཛད་པ།

Tibetan News Headlines

  • བོད་ནང་ཕྱི་རྒྱལ་གསར་འགོད་པ་བསྐྱོད་རྒྱུར་མུ་མཐུད་དམ་དྲག་བྱེད་བཞིན་པ་མངོན་གསལ།
  • BJP ཚོགས་པའི་འོས་བསྡུའི་བསྒྲགས་གཏམ་ནང་རྒྱལ་བ་ཀརྨ་པ་རིན་པོ་ཆེ་འབྲས་ལྗོངས་ནང་དུ་གདན་འདྲེན་ཞུ་ཐབས་གནང་རྒྱུ་ཡིན་པ་གསུངས་འདུག
  • སྲིད་བློན་ Modi མཆོག་གིས་རྒྱ་ནག་དང་ལྷན་འབྲེལ་ལམ་དམ་གཟབ་འཛིན་རྒྱུ་གལ་ཆེ་ཡིན་པ་གསུངས་འདུག
  • རྒྱ་གཞུང་གིས་ཁེ་ན་ཌའི་འོས་བསྡུའི་ནང་ཐེ་གཏོགས་ཡོད་པ་མངོན་གསལ།
  • རྒྱ་གཞུང་གིས་ཨ་རིའི་ཚོང་ལས་ཁང་གཉིས་ལ་སྲིད་དོན་ཉེས་ཆད་འགེལ་བ།
  • ༸དཔལ་གཤེན་བསྟན་སྨན་རིའི་གླིང་དུ་༸རྒྱལ་བ་སྨན་རིའི་སྒྲུབ་ཆེན་ཐེངས་ ༣༤ པ་འཚོགས་བཞིན་འདུག
  • བཙན་བྱོལ་བོད་མིའི་གནས་སྟངས། Karuna ངལ་གསོ་ཁང་གི་སྐོར་ལ་བཅར་འདྲི།

Friday 12/04/2024

  • China has allowed only FCCC journalist inside the ‘Tibet Autonomous Region in 2023: Report
  • Sikkim BJP manifesto promises return passage for Gyalwa Karmapa
  • India-China border situation needs to be addressed urgently: PM Modi
  • China meddled in past two Canada elections but results not impacted , says Justin Trudeau
  • China sanctions 2 US defence companies over supporting arms sales to Taiwan
  • 34th Menri Grand ‘Drubchen’ begins in Yungdrung Bon monastery in Dolanji
  • DIASPORA FEATURE: Karuna Retirement Home

ཁ་སང་རེས་གཟའ་ཟླ་བའི་ཉིན་དཀྱིལ་ཤར་ཨེ་ཤ་ཡའི་རྒྱལ་ཁབ་ཊར་ཀི་དང་སི་རི་ཡ་ནང་ས་འགུལ་རིམ་པ་ ༧༌༨ བརྒྱབ་ཏེ་ད་བར་མི་གྲངས་ ༤༨༠༠ ལྷག་གི་ཚེ་སྲོག་ཤོར་ཡོད་པ་དང་མང་ཚོགས་ཁྲི་ཚོ་བརྒལ་བར་རྨས་སྐྱོན་དང་སྡོད་ཁང་སོགས་གཏོར་བཅོམ་གྱིས་གོད་ཆག་གི་ངལ་བ་ཆེས་ཆེར་འཕྲད་ཡོད་སྟབས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གོད་ཆག་ཕོག་ཡུལ་རྣམས་ལ་གདུང་སེམས་མཉམ་བསྐྱེད་མཚོན་ཕྱིར་ངལ་སེལ་རོགས་དངུལ་གསོལ་སྩལ་མཛད་རྒྱུ་ཡིན་ཞེས་བཀའ་སྩལ་འདུགདེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ World Food Programme ཞེས་འཛམ་གླིང་བཟའ་ཆས་ལས་གཞི་ཚོགས་པའི་སྤྱི་ཁྱབ་འགན་འཛིན་གྱི་མཚན་ཐོག་ཏུ་སྩལ་བའི་གསུང་འཕྲིན་དེའི་ནང་། ཊར་ཀི་དང་སི་རི་ཡའི་ས་འགུལ་གྱི་གོད་ཆག་འོག་ཚེ་སྲོག་ཤོར་བ་དང་ཤུལ་ལུས་ནང་མི་སྤུན་མཆེད་རྣམས་ལ་ཐུགས་གསོ་སྩལ་བ་དང་འབྲེལ་ཛ་དྲག་གི་གནས་སྟངས་ཁྲོད་རྒྱལ་ཚོགས་ཀྱིས་གོ་སྒྲིག་ཞུས་པའི་འཕྲོད་བསྟེན་ཚོགས་པ་དང་། གཞུང་འབྲེལ་མིན་པའི་ཚོགས་པ། དེ་བཞིན་རྒྱལ་སྤྱིའི་རྒྱལ་ཁབ་མང་དག་ཅིག་གིས་གོད་ཆག་ཕོག་ཡུལ་ལ་རོགས་སྐྱོར་གནང་དང་གནང་བཞིན་པར་ཡི་རང་བསྔགས་བརྗོད་མཛད་པ་དང་ཆབས་ཅིག མགོན་པོ་༸གང་ཉིད་མཆོག་གིས་གདུང་སེམས་མཉམ་བསྐྱེད་མཚོན་ཕྱིར་ཏཱ་ལའི་བླ་མའི་དགེ་རྩས་ངལ་སེལ་རོགས་དངུལ་གསོལ་སྩལ་མཛད་རྒྱུ་ཡིན་ཞེས་བཀའ་སྩལ་ཡོད།

གཞི་རྩའི་ཊར་ཀི་མཚོན་ན་འཛམ་གླིང་ནང་ནས་ ས་འགུལ་ལྟེ་གནས་ཆགས་ཀྱི་ཡོད་པ་དང་། དེ་སྔོན་ཕྱི་ལོ་ ༡༩༣༩ ལོར་ཊར་ཀི་གྲོང་ཁྱེར་ Erzincan ནང་འདི་ལྟ་བུའི་ས་འགུལ་འགུལ་ཚད་ ༧༌༨ བྱུང་ནས་མི་གྲངས་ ༣༣༌༠༠༠ ཙམ་རྐྱེན་འདས་སུ་གྱུར་ཡོད། ཕྱི་ལོ་ ༡༩༩༩ ནང་ཊར་ཀིའི་ Duzce ས་ཚིགས་སུ་ས་འགུལ་རིམ་པ་ ༧༌༤ བརྒྱབ་ཏེ་མི་གྲངས་ ༡༧༠༠༠ ལྷག་གི་ཚེ་སྲོག་ཤོར་བའི་གནས་སྟངས་བྱུང་ཡོད་པ་རེད།

ད་ལྟའི་ཆར་ཊར་ཀི་དང་སི་རི་ཡར་མྱུར་སྐྱོབ་ཀྱི་ལས་མི་རྣམས་ཀྱིས་སྡོད་ཁང་སོགས་ཞིག་རལ་འོག་མི་འཚོལ་ཞིབ་གནང་མུས་རེད་འདུག་ལ། གང་ཟག་འདས་གྲོངས་སུ་གྱུར་མཁན་གྱི་གྲངས་འབོར་དེ་རིམ་བཞིན་འཕར་ངེས་ཡིན་པར་ཚོད་དཔག་གནང་གི་ཡོད་པ་རེད། པར་ཁག་གི་བདག་དབང་སྤྱི་ཚོགས་དྲ་རྒྱ།

འབྲེལ་ཡོད་གསར་གནས།

གསར་གནས།