Tibetan Royal Year of 2151 | Year of the Wood Dragon

བལ་ཡུལ་གཞུང་ནས་ཆེས་ཐོག་མའི་ཇོ་མོ་གླང་མའི་མཐོ་ཚད་འཇལ་རྒྱུ།

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

བལ་ཡུལ་གཞུང་གིས་ཉེ་ཆར་ National Pride project འམ་རྒྱལ་ཁབ་ཀྱི་སྤོབས་པ་ཞེས་པའི་ལས་འཆར་ཞིག་གི་འོག་བོད་དང་བལ་ཡུལ་བར་ཆགས་པའི་འཛམ་གླིང་ནང་གི་རི་མཐོ་ཤོས་ཇོ་མོ་གླང་མའི་རིའི་མཐོ་ཚད་འཇལ་རྒྱུའི་ལས་གཞི་འགོ་བཙུགས་འདུག
The telegraph བརྒྱུད་ལམ་ཐོག་གནས་ཚུལ་སྤེལ་བ་ལྟར་ན། ད་རེས་ཀྱི་ལས་འཆར་དེ་ནི་ཕྱི་ལོ་ ༢༠༡༥ ལོར་བལ་ཡུལ་གཙོས་བལ་བོད་མཐའ་མཚམས་ས་ཁུལ་དུ་ས་ཡོམ་ཤུགས་ཆེ་བྱུང་བའི་འོག ཇོ་མོ་གླང་མའི་རིའི་མཐོ་ཚད་ལ་ཤུགས་རྐྱེན་ཇི་ཙམ་ཐེབས་ཡོད་མེད་བལ་ཡུལ་གཞུང་ནས་ཤེས་རྟོགས་ཐུབ་ཕྱིར་དམིགས་པ་ཞིག་ཡིན་པ་དང། དེ་བཞིན་བལ་ཡུལ་རྒྱལ་ཁབ་དང་དེའི་ཉེ་འཁོར་གྱི་ཡར་རྒྱས་འགྲོ་བཞིན་པའི་ཁྱིམ་མཚེས་རྒྱལ་ཁབ་ཁག་དང་ལྷན་དུ་དཔུང་པ་མཉམ་གཤིབ་དང་ནུས་པ་ཡོད་པ་མངོན་གསལ་བྱ་རྒྱུའི་ཆེད་ཡིན་པར་འགྲེལ་བརྗོད་བྱས་འདུག   བལ་ཡུལ་ནས་ད་རེས་ཇོ་མོ་གླང་མའི་མཐོ་ཚད་འཇལ་རྒྱུ་ལས་གཞི་དེའི་ཆེད་ཡོ་རོབ་སྒོར་མོ་ས་ཡ་གཅིག་ལྷག་འགྲོ་གྲོན་གཏང་རྒྱུ་ཡིན་པ་ཡོངས་བསྒྲགས་བྱས་འདུག
སྤྱིར་འཛམ་གླིང་ནང་བོད་དང་བལ་ཡུལ་དབར་ལ་ཆགས་པའི་ཇོ་མོ་གླང་མའི་སྟེང་ཐོག་མར་འཛེགས་མཁན་དེ་བལ་པོའི་མི་སེར་ཡིན་པ་དང་། ད་བར་བལ་གཞུང་ཁེར་རྐྱང་གིས་ཇོ་མོ་གླང་མའི་རི་མཐོ་ཚད་ལ་ཚད་གཞི་མཇལ་མྱོང་མེད་པ་རེད། དེ་བཞིན་འདས་པའི་ལོ་ཤས་ནང་དུ་འཛམ་གླིང་ཁྲོད་ཀྱི་ས་ཁམས་རིག་པ་ཕན་ཚུན་དབར་ལ་ཇོ་མ་གླང་མའི་རི་མཐོ་ཚད་དེ་རི་ཁོ་ནའི་མཐོ་ཚད་ཡིན་དང་། རིའི་སྟེང་ཡོད་པའི་གངས་དང་ལྷན་དུ་ཇོ་མོ་གླང་མའི་མཐོ་ཚད་འཇལ་རྒྱུའི་ཐད་བགྲོ་གླེང་གི་རྩོད་གཞི་ཆགས་ཡོད་པ་རེད།
རྩ་བའི་བལ་བོད་གཉིས་དབར་ཆགས་པའི་ཇོ་མོ་གླང་མའི་མཐོ་ཚད་ཀྱི་ཚད་གཞི་དེ་ནི། ཕྱི་ལོ་ ༡༨༤༧ ལོར་དབྱིན་ཡུལ་གྱི་རྒྱ་གར་ནང་ཡོད་པའི་དམག་དཔོན་ Andrew Waugh ཡིས་འཇལ་ཡོད་པ་དང་། སྐབས་དེའི་མཐོ་ཚད་དེ་ཕི་ཀྲི་ ༢༩༠༠༢ ཡིན་པ་དང། དེ་རྗེས་ཕྱི་ལོ་ ༡༩༥༥ ལོར་རྒྱ་གར་ངོས་ནས་འཇལ་བའི་མཐོ་ཚད་དེ་ཕི་ཀྲི་ ༢༩༠༢༨ དང། དེ་བཞིན་ཕྱི་ལོ་ ༡༩༩༩ ལོར་ཨ་རིའི་བྷོས་ཊོན་ Boston ས་ཁམས་རིག་པའི་སྡེ་ཚན་ནས་འཇལ་བའི་སྐབས་ཕི་ཀྲི་ ༢༩༠༣༥ ཆགས་ཀྱི་ཡོད་པ་རེད། མཐར་ཕྱི་ལོ་ ༢༠༠༥ ལོར་རྒྱ་ནག་གཞུང་གིས་ཇོ་མོ་གླང་མའི་རི་ཐོག་ཡོད་པའི་གངས་ཕུད་པའི་རི་རྐྱང་པའི་མཐོ་ཚད་འཇལ་བར་གཞིགས་ན་ཕི་ཀྲི་ ༢༩༠༡༦ ཆགས་ཀྱི་ཡོད་པ་རེད།

འབྲེལ་ཡོད་གསར་གནས།

གསར་གནས།