Tibetan Royal Year of 2151 | Year of the Wood Dragon

སྒོ་ཤེས་རབ་རྒྱ་མཚོ་ལགས་ལ་ལྷག་དཀར་སྙིང་སྟོབས་ཀྱི་གཟེངས་རྟགས་ཕུལ་བ།

Tibetan News Headlines

  • Dalai Lama congratulates president Murmu on her 66th birthday
  • China places stringent restrictions on access to sacred Tibetan religious site in Golok
  • Tibetans worldwide hold prayer vigils for Dalai Lama’s successful knee surgery
  • Xi’s visit to Tibetan areas in Qinghai shows continuation of his Sinicization policy
  • Australian Tibetan protestor hospitalized after attack by China supporter during Li Qiang’s visit
  • US approves new $360 million arms sale to Taiwan for drones, related equipment

རེས་གཟའ་ཕུར་བུ། ༢༠༢༤།༠༦།༢༠

  • ༸གོང་ས་མཆོག་གིས་རྒྱ་གར་གྱི་སྲིད་འཛིན་ Murmu མཆོག་གི་སྐྱེས་སྐར་ཉིན་འཚམས་འདྲི་སྩལ་བ། མགོ་ལོག་ཁུལ་གྱི་གནས་ཆེན་གཉན་པོ་གཡུ་རྩེ་རུ་ཆོས་ཕྱོགས་ཀྱི་བྱེད་སྒོར་དམ་བསྒྲགས།
  • བོད་མི་ཚོས་༸གོང་ས་མཆོག་གི་ཞབས་པུས་སྨན་བཅོས་ལེགས་གྲུབ་ཡོང་བའི་གསོལ་འདེབས་སྨོན་ལམ་ཞུ་བཞིན་འདུག
  • ཞི་ཅིན་ཕིང་གི་མཚོ་སྔོན་ལྟ་སྐོར་དེ་ནི་རྒྱ་གཞུང་གིས་བོད་མིའི་ཐོག་རྒྱ་བསྒྱུར་གྱི་སྲིད་བྱུས་དེ་མུ་མཐུད་ལག་བསྟར་མཁྲེགས་འཛིན་བྱེད་བཞིན་པའི་རྣམ་པ་རེད།
  • ཨོ་གླིང་བོད་མི་ཞི་རྒོལ་བར་རྒྱ་ནག་རྒྱབ་སྐྱོར་བས་ཉེས་རྡུང་གིས་སྨན་ཁང་དུ་བསྐྱལ་དགོས་བྱུང་འདུག
  • ཨ་རིས་ཐའེ་ཝན་ལ་ཨ་སྒོར་ས་ཡ་ ༣༦༠ ལྷག་གི་གོ་ལག་ཚོང་འགྲེམས་བྱ་རྒྱུ།

བོད་རང་བཙན་སློབ་ཕྲུག་ཚོགས་པས་གོ་སྒྲིག་ཞུས་པའི་ལོངས་ཤོག་མཚན་ཚོགས་སྐབས་ལྷག་དཀར་གཟེངས་རྟགས་ཁག་གསུམ་ཕུལ་བའི་ནང་ནས་ལྷག་དཀར་སྙིང་སྟོབས་ཀྱི་གཟེངས་རྟགས་དེ་གཞིས་བཞུགས་རྩོམ་པ་པོ་དང་བོད་ཀྱི་ཆབ་སྲིད་བཙོན་པ་སྒོ་ཤེས་རབ་རྒྱ་མཚོ་ལགས་ལ་ཕུལ་འདུག ཁ་སྔོན་ཕྱི་ཚེས་ ༢༠ ཉིན་ཨ་རིའི་ནིའུ་ཡོག་ནང་གོ་སྒྲིག་ཞུས་པའི་མཚན་ཚོགས་ཐོག ལྷག་དཀར་སྙིང་སྟོབས་ཀྱི་གཟེངས་རྟགས་དང་ལྷག་དཀར་སྤྱི་ཚོགས་ཞབས་ཞུའི་གཟེངས་རྟགས། དེ་བཞིན་ལྷག་དཀར་བཙན་བྱོལ་ནང་གི་ལས་འགུལ་བའི་གཟེངས་རྟགས་ཅེས་གཟེངས་རྟགས་ཁག་གསུམ་ཕུལ་བའི་ཁོངས་ནས་ལྷག་དཀར་སྙིང་སྟོབས་ཀྱི་གཟེངས་རྟགས་དེ་བོད་ཀྱི་ཆབ་སྲིད་བཙོན་པ་སྒོ་ཤེས་རབ་རྒྱ་མཚོ་ལགས་ཀྱི་དགོངས་བཞེས་དང་ཐུགས་རེ། རྒྱ་གཞུང་གིས་འཛིན་བཟུང་ཁྲོད་ཞུམ་པ་མེད་པའི་སྙིང་སྟོབས་དེ་དག་རྒྱུན་གནས་དགོས་གལ་ཡིན་སྟབས་ཁོང་གི་སྙིང་སྟོབས་ལ་ཆེ་བསྟོད་ཞུ་ཕྱིར་དེ་ལྟར་ཕུལ་ཡོད་པ་རེད།སྒོ་ཤེས་རབ་རྒྱ་མཚོ་ལགས་ནི། རྒྱ་གཞུང་གིས་ཕྱི་ལོ་ ༡༩༩༨ དང་ ༢༠༠༨ དེ་བཞིན་ ༢༠༡༡ དང་ ༢༠༢༠ བཅས་ཐེངས་བཞི་འཛིན་བཟུང་བྱས་ཏེ་ཕྱི་ལོ་ ༢༠༢༡ ཟླ་ ༢ ཚེས་ ༣ ཉིན་ལྷ་ས་ཁྲིམས་ཁང་ཞིག་གིས་ཁོང་ལ་རྒྱལ་ཁབ་ཁ་བྲལ་དང་མི་མང་ལ་ངན་སྐུལ་གནང་བའི་ཉེས་འཛུགས་འོག་མི་ལོ་བཅུའི་རིང་བཙོན་འཇུག་ཁྲིམས་ཐག་བཅད་ཡོད་པ་དང་། ད་ཆ་ཁོང་ཆུ་ཤུལ་བཙོན་ཁང་དུ་བཙོན་འཇུག་འོག་ཡོད་པ་རེད།བོད་རང་བཙན་སློབ་ཕྲུག་ཚོགས་པས་ཐེངས་འདིའི་ལོངས་ཤོག་གི་མཚན་ཚོགས་སྐབས་ལྷག་དཀར་སྤྱི་ཚོགས་ཞབས་ཞུའི་གཟེངས་རྟགས་དེ་བོད་ཀྱི་འབྲས་ནད་ཚོགས་པར་ཆེ་བསྟོད་ཚུལ་དུ་ཕུལ་ཡོད་པ་དང་། དེ་བཞིན་བཙན་བྱོལ་ནང་གི་ལས་འགུལ་བའི་གཟེངས་རྟགས་དེ་བོད་རང་བཙན་སློབ་ཕྲུག་ཚོག་པའི་ལས་འགུལ་བ་བསྟན་འཛིན་དཀོན་མཆོག་ལགས་དང་བོད་དོན་ལ་རྒྱབ་སྐྱོར་གནང་མཁན་ཧོང་ཀོང་ལས་འགུལ་བ་ Joey Sui ལགས་བཅས་ལ་ཕུལ་འདུགདེ་བཞིན་བོད་དོན་ལ་རྒྱབ་སྐྱོར་གནང་མཁན་ཧོང་ཀོང་གི་ལས་འགུལ་བ་ཇུ་ཝི་སུ་ལགས་ཀྱིས་ཉེ་བའི་ཆར་རྒྱ་ནག་གི་ཨོ་ལམ་པིག་རྩེད་འགྲན་སྐབས་རྒྱལ་ཁབ་མང་པོས་གཞུང་འབྲེལ་མི་སྣ་ཆེད་གཏོང་གནང་རྒྱུ་བཀག་སྡོམ་གནང་བ་དེ་དག་ལས་ང་ཚོ་མི་རབས་གཞོན་པ་ཚོས་ལས་འགུལ་སྤེལ་བའི་གྲུབ་འབྲས་ཤིག་ཡིན་པ་སོགས་གསུངས་ཡོད། དེ་བཞིན་ཕྱི་ལོ་ ༢༠༠༨ ལོར་བོད་མི་རྣམས་ནས་རྒྱ་ནག་གི་ཨོ་ལམ་པིག་རྩེད་འགྲན་ལ་ངོ་རྒོལ་གནང་བ་རྣམས་དྲན་གསོ་དང་འབྲེལ། འདི་ལོའི་ནང་ལ་བོད་པ་དང་ཡུ་གུར་བ། དེ་བཞིན་ཧོང་ཀོང་བ་རྣམས་མཉམ་རུབ་ཐོག་ནས་ལས་འགུལ་སོགས་སྤེལ་ཡོད་པ་མ་ཟད། རྒྱ་ནག་དམར་པོའི་གཞུང་འདི་ཉིད་སྟོབས་ཤུགས་ཆེ་ཡང་ང་ཚོའི་འཐབ་རྩོད་ལ་བཀག་སྡོམ་ཐུབ་ཀྱི་མ་རེད་ཅེས་གསུངས་འདུགགཞི་རྩའི་བོད་རང་བཙན་སློབ་ཕྲུག་ཚོགས་པས་གོ་སྒྲིག་ཞུས་པའི་ཐེངས་འདིའི་ལོངས་ཤོག་མཚན་ཚོགས་སྐབས་གཞས་མ་ཡེ་ཤེས་མཁའ་འགྲོ་ལགས་གཙོས་གཞས་པ་བཀྲ་ཤིས་ལགས། གཞས་པ་བཟང་པོ་ལགས། དེ་བཞིན་ Young Lama ལགས། གཞས་པ་བློ་བཟང་ཚེ་བརྟན་ལགས། བོད་རང་བཙན་སློབ་ཕྲུག་ཚོགས་པའི་ལས་འགུལ་བ་པདྨ་སྒྲོལ་མ་ལགས། བཙན་བྱོལ་ནང་གི་དགོད་གྲོ་གཏམ་གླེང་བ་གྲགས་ཅན་བསོད་ནམས་དབང་འདུས་ལགས་བཅས་ཕེབས་འདུག

འབྲེལ་ཡོད་གསར་གནས།

གསར་གནས།