Tibetan Royal Year of 2151 | Year of the Wood Dragon

སྤྱི་ཟུར་བསྟན་འཛིན་མགོན་པོ་ལགས་སྙུང་གཞི་རྐྱེན་པས་དགོངས་པ་རྫོགས་འདུག

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

སྐབས་གསུམ་རིང་བོད་མི་མང་མདོ་སྨད་སྤྱི་འཐུས་གནང་མྱོང་མཁན་སྤྱི་ཟུར་བསྟན་འཛིན་མགོན་པོ་ལགས་ཁ་སང་སྔ་ཐོགtengonpo་སྙུང་གཞི་རྐྱེན་པས་བཞུགས་སྒར་བདེ་ལེགས་སྨན་ཁང་དུ་དགོངས་པ་རྫོགས་པའི་གནས་ཚུལ་བྱུང་འདུག

རྩ་བའི་བསྟན་འཛིན་མགོན་པོ་ལགས་དམ་པ་ཁོང་ནི། ཕྱི་ལོ་ ༡༩༦༠ ལོར་བོད་མཚོ་སྔོན་ཞིང་ཆེན་མཚོ་ལྷོ་ཁུལ་མང་ར་རྫོང་དུ་འཁྲུངས་ཞིང་། ༡༩༨༧ ལོར་རྒྱ་གར་དུ་བཙན་བྱོལ་འབྱོར་རྗེས་བོད་མིའི་དམངས་གཙོ་ཚགས་ཤོག་དང་མ་འོངས་པ་བོད་ཀྱི་གསར་འཕྲིན་ལས་ཁང་ནང་གསར་འགྱུར་དང་འབྲེལ་བའི་ཕྱག་ལས་གནང་ཡོད་པ་མ་ཟད། རྡ་ས་བདེ་དོན་ཚོགས་ཆུང་གི་དྲུང་ཆེ་དང་རྡ་སར་ཡོད་པའི་རྒྱལ་ཞེན་ལྷན་ཚོགས་པའི་ནང་ཕྱག་ལས་གནང་འདུག སྤྱི་ཟུར་བསྟན་འཛིན་མགོན་པོ་ལགས་ཀྱིས་ད་དུང་མདོ་སྨད་དབུས་རྒྱུན་གྱི་དྲུང་གཞོན་དང་མདོ་སྨད་སྤྱི་འཐུས་ཀྱི་བར་བརྒལ་འོས་བསྡུ་བརྒྱུད་བོད་མི་མང་སྤྱི་འཐུས་སྐབས་བཅུ་གཉིས་པ་དང་བཅུ་གསུམ་པ། དེ་བཞིན་སྐབས་བཅུ་བཞི་པའི་མདོ་སྨད་སྤྱི་འཐུས་བཅས་གནང་མྱོང་ཡོད་པ་རེད།

དེ་རིང་བོད་མི་མང་སྤྱི་འཐུས་ལྷན་ཚོགས་ཀྱིས་བློ་ཕམ་ཆེན་པོས་དམ་པ་ཁོང་ལ་མྱ་ངན་གུས་འདུད་ཀྱི་བསྒྲགས་གཏམ་ཞིག་སྤེལ་ཡོད་པ་དང་། དེའི་ནང་ལ་ཁོང་གིས་བོད་མིའི་སྒྲིག་འཛུགས་དང་རྒྱ་ཆེའི་མང་ཚོགས་ཀྱི་དོན་དུ་ཞབས་ཞུ་མཐར་སོན་གནང་པའི་མཛད་རྗེས་ལ་ཡི་རངས་བསྔགས་བརྗོད་ཞུས་པ་དང་སྦྲགས་ཏེ་ཚེ་རབས་ཕྲེང་བ་ནས་བསགས་པའི་སྡིག་སྒྲིབ་བྱང་ཞིང་། མངོན་མཐོ་ངེས་ལེགས་ཀྱི་གོ་འཕང་མགྱོགས་ནས་མྱུར་དུ་ཐོབ་པ་དང། དེ་བཞིན་དམ་པ་དེ་ཉིད་ཀྱི་ཤུལ་ལུས་ནང་མི་ཉེ་འབྲེལ་རྣམས་ལ་གདུང་སེམས་མཉམ་སྐྱེད་ཀྱི་ཐུགས་གསོ་བཅས་གནང་འདུག

འབྲེལ་ཡོད་གསར་གནས།

གསར་གནས།