༸གོང་ས་༸སྐྱབས་མགོན་ཆེན་པོ་མཆོག་སུད་སི་གྲོང་ཁྱེར་ཛུ་རིག་ནང་ཞབས་སོར་བདེ་བར་འཁོད་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁ་ས་ཉིན་རྒྱབ་འཇར་མ་ནི་ནང་གི་མཛད་འཆར་ཁག་ཅིག་བསྐྱངས་རྗེས་སུད་སི་གྲོང་ཁྱེར་ཛུ་རིག་ནང་དུ་ཡོད་པའི་ Hilton མགྲོན་ཁང་དུ་ཞབས་སོར་བདེ་བར་འཁོད་པ་དང། སྐབས་དེར་ཁུལ་དེའི་གནས་བཞུགས་བོད་མི་དང་བོད་དོན་རྒྱབ་སྐྱོར་བ་ཙམ་མ་ཟད་སུད་སི་རི་ཀོན་དགོན་པའི་མཁན་པོ་དང། ཚོགས་གཙོ། དེ་བཞིན་ངེས་སྟོན་པ་དང་དགེ་འདུན་པ་བཅས་ནས་༸མགོན་པོ་མཆོག་ལ་ཕེབས་བསུ་གཟབ་རྒྱས་ཞུས་འདུག དེ་ཡང་༸གང་ཉིད་མཆོག་ནས་དེ་རིང་སུད་སི་ནང་རྟེན་གཞི་བྱས་པའི་རི་ཀོན་དགོན་པ་ཕྱག་བཏབ་ནས་ལོ་ངོ་ ༥༠ འཁོར་བའི་དུས་ཆེན་ཐོག་དབུ་བཞུགས་གནང་གི་ཡོད་པ་རེད་འདུག