རྡ་རམ་ས་ལའི་མེག་གྷན་ཚོང་ཁང་ཚོགས་པའི་གོ་སྒྲིག་འོག་རྡ་སྟེང་བོད་ཁྱིམ་སློབ་གྲྭའི་སྔོན་འགྲོ་ནས་འཛིན་རིམ་བརྒྱད་པ་བར་གྱི་དགུན་ཁའི་གུང་གསེང་ལ་མ་ཕེབས་མཁན་སློབ་ཕྲུག་ ༡༨༠ ལྷག་ཅིག་ཉེ་འདབས་ཀྱི་ Amritsar གྲོང་ཁྱེར་དུ་ཤེས་ཡོན་སྐོར་བསྐྱོད་ལ་ཁྲིད་བཞིན་འདུགདེ་ཡང་སྐོར་བསྐྱོད་འདི་བཞིན་རྡ་ས་ཚོང་ཁང་ཚོགས་པའི་ངོས་ནས་དེའི་རིགས་ཀྱི་ལས་གཞི་སྤེལ་བ་ཐོག་མ་དེ་ཆགས་ཀྱི་ཡོད་པ་དང་། སྐོར་བསྐྱོད་ལ་ཁྲིད་བཞིན་པའི་སློབ་ཕྲུག་རྣམས་དང་ལྷན་དུ་བོད་ཁྱིམ་གྱི་ངེས་སྟོན་པ་ཚུལ་ཁྲིམས་རྡོ་རྗེ་ལགས་ཀྱིས་གཙོ་བོར་བྱས་པའི་སློབ་གྲྭའི་སྨན་པ་དང་སྨན་ཞབས། དེ་བཞིན་ཕྲུ་གུ་ལྟ་སྐྱོང་ཆེད་ཁྱིམ་ཚང་ཨ་མ་ལགས་ ༡༤ ལྷག་ཅིག་མཉམ་དུ་ཆེད་ཕེབས་གནང་བཞིན་ཡོད་པ་བཅས་ཁྱོན་སྤྱི་སྤྱོད་རླངས་འཁོར་བཞི་གོ་སྒྲིག་གནང་བའི་ཐོག་ཉིན་གྲངས་གཉིས་རིང་གི་སྐོར་བསྐྱོད་ཅིག་འགོ་འཛུགས་གནང་སོང་།